黑白配，貓仔狗仔配

黑白配，貓仔狗仔配
兩隻白貓加兩隻黑狗，就成了下面的畫面．

每當朋友知邊我家有兩狗七貓的時候，
大家最常問的問題便是：”貓跟狗常會打架嗎？”

其實貓貓狗狗共處未必一定合不來．
貓貓愛在狗狗的腳邊踭磨，
狗狗會溫柔地舔貓貓．
有時候還會睡在一起．
當然也有些有驚無險的追逐也常會發生．
貓會爭吃狗飯，狗會偷吃貓糧．
但從不影響他們的感情．

我又多想，
既然貓貓和狗狗這對大家公認的對頭也能和諧共處．
偏偏就是人這萬物之靈跟所有動物和自然過不去．

製作貓狗年曆

影影埋埋貓貓狗狗D相，年尾時候，都要諗下點用佢地，好自然想做番張月曆年曆之類，其實一D都唔難，用word或powerpoint都做到，只係唔夠專業，最近發覺有個免費軟件可以執相，仲有好多附加功能，其中一個係做月曆年曆之類，大家不妨試試。

先睇下三幾下功夫就做到的結果：

點樣做？

第一步先要有個軟件，個名叫PhotoCap，依家係version 4.01，下載可以去http://www.photocap.com.tw/：

開左軟件，先載入一張相，個介面都好friendly，一望就識。

放左相之後，就會見到張相，可以執相，都好強功能，不過今次唔係執相，所以就咁用就得la：

之後就係套用一個既有的模版，有心機亦可以自己做一個模版，都唔難，今次我用一個年曆的模版，之前跟PhotoCap來的是2007年，我自己改左個2008年。Click左套用模版後會進入另一個版面，比你選用模版，每個都有一定的介紹，可以自由選用。

揀左模版後就有預覽，見到大概係點樣。如果想套用後的文件仍可以修改，記得tick埋左下角輸入埋步驟個位。

OK之後出番第一個版面，不過所選之相片已經變左個年曆。同時留意下右下角的畫面有好多個layers。

我自己做果個年曆模版原來打錯左做2007，要改番做2008，咁點改呢？原來好易，在右邊layers中揀2007果個layer，double click佢：

咁就進入修改畫面，據自己要求來改，無論顏色大小外形字體統統都可以改，改O岩就OK

大功告成，最後存為jpeg檔就可以周圍用了。

咁，大家就可以有自己獨一無二的月曆年曆了。

Kiss me Hoeny Honey Kiss me

一切盡在不言中

Try the BEST in the WORST

在我們不在家的時候肚疴，這實在苦了仔仔，因為他求助無門，家裡又沒有給他解決的地方．

回到臭氣燻天的家，所有小朋友不但沒有不滿，還裝起替仔仔求情的樣子．因為仔仔經盡力做到最好．

每次便便後，仔仔一定會找東西蓋住便便，而且全部都是小心翼翼的放上去，不是隨意的拉到上面．他用過的東西有拖鞋，報紙，傳單．

上次，他勢害得把一個方型的PVC膠盒拆開，把便便完完全全的蓋住．
下面就是完成圖．

這是盒子原來的樣子．（還好盒中的阿笨與阿占早己搬住睡房）

今天他細心地撥走門口毯，在最近門的地方便便．還細心地用報紙蓋住．很難相信這是狗狗的智慧和工藝．（我想我應該裝個web cam拍下這過程）

就這樣，看著這攤臭便便，（待老公清理後，）我不得不走過去抱住仔仔，把他親過又親．

或你會問，為甚麼要寫便便這麼糗的話題．其實貓貓狗狗是一個完整的生命，跟我們一樣會吃喝睡拉，一樣要面對生老病死．要認識貓狗要養貓狗就要面對他們的全部．不要在鏟貓砂執狗屎生病年老甩毛撒尿頑皮破壞時嫌棄他們．

慈母手中線 (2)

還記得小黑豬這個臭臉嗎？

小黑豬見到Mami親手製作了大床給仔仔豬豬，完全沒有小貓三四份兒，非常不滿，於是就站在衣車旁邊抗議．＜詳情可參閱 慈母手中線(1) <---click me＞

其實Mami那會偏心．不過小貓三四有睡籃有睡圈，床不是最急切需要的．
玩具對愛玩的小貓三四來說，應該更吸引．集齊材料後，衣車再次啟動．

隧道一曝光，黑仔跟小黑豬先行視察．
先是繞場一週

接著裡外張看．

再即走進裡面．

其他貓貓也陸陸續續過湊熱鬧．

初則觀看

繼而動手

內外來攻．

你看下圖裡有多少貓貓

新拖帶試用報告

各位Uncle Auntie，見到我豬豬甘開心，有無發現我今日有咩唔同呢？
就係Daddy Mami買左條新拖帶俾我，今日以試帶為名，帶我地去街街為實．

新拖帶有三個長度可以選擇，可長

可短，仲有軟墊等你拖得舒舒服服．

除左除上汽車安全帶扣乙個．甘就唔怕我地一開車門跳走左．

仲有兩種顏色，紅色襯我靚女豬豬，藍色襯曬型爆仔仔哥哥．

用少少創意，兩條帶可以變成一拖二．

拖帶兩端都係扣，要固定拖帶係椅唔使好似傳統拖帶甘，先解扣後穿繩，再上扣．

仲可以扣腰拖狗，咪以為 Hand Free係手機專利先得架．

不過，凡事唔係完美既，條拖帶都唔例外
１．因為多扣，拖帶比正常重．細狗唔使諗．
２．安全帶扣有唔同規格，個扣未必係原配到，但係都用到既．
３．唔同顏色有唔同規格，紅色用反光物料印花，藍色用唔同顏色織花．

不過港幣五十大元（購自mydoogieshop老闆娘），值啦．
（聲明，我地完全無利益關係，亦唔係賣廣先，純粹個狗使用心得）

類似產品網頁　<--- click me

再見雷歐

前兩天又到工地去，不過行李裡多帶了狗帶，拖繩，零食和玩具．

因為上個星期說過要帶好玩好吃的給你，那你不用再拿石頭來磨牙．
因為跟你的主人說好帶頸帶及拖繩給你，那你不用再被電線綁住．

可是一到工地，門衞就告訴我，你昨晚給車撞死了．

雷歐，你為甚麼不得多等一天？你為甚麼不辭而別．
可能對你這工地的小狗來說，早走一點，苦就吃少一點．
在彩虹橋上一定比工地幸福．

剛回家，心情差，改天再分享雷歐的故事跟照片．