熊豬仔牛日會

實在太忙啦, 完全唔記得左係BLOG度公告, 

熊豬仔生日會詳情.

二零一一年二月五日星期六

上午九時至十二時

早上晨運行山探奇, 中午人狗美食共享

歡迎大狗細狗有狗無狗, 大人小朋友, 一齊黎玩 :>

詳細路線及時間待定, 暫定難道二星路線,

 
中途間有隱秘山路探奇增加增味 

說到尾都是慶生為名, 邀約同樂為實.

熊豬仔衣食無憂, 記緊不要準備任何生日禮物.

如有時間賞面出席, 請留言 

我知道她在滿意地點頭微笑

星期天的早上六時多起床，好能早一點出門帶我的愛犬，到一個特別的地方走走．

看著這片荒地，沒有多少人會記起在這裡發生過的往事．更沒有多少人知道，有多少生命在這裡掙紥生存過．我想只有這棵大樹把這條小巷裡發生的大事小事一一都記得清楚．

二零零七月底，那時我在大埔工業村上班，偶然機會下，跟同事到工廠附近的空置地盤餵狗，地盤己空置，工人們遺下來一頭兩頭的小狗，生了一窩又一窩，於是狗口漸漸繁昌起來．

活在香港這個石屎森林的中間，以工業村和人口密集的新市鎮為鄰，食物和水源這些生活基本條件都久奉．支持他們在這裡生活的，就是一個希望一個渴望．希望從前的主人會回到這地盤，渴望再一次被愛．

差不多每個早上，我們上班前都繞到這條小巷裡，為他們送上點食物和關愛．

原來小巷比我們想像中熱鬧．

巷頭是無蓋停車場，不知道誰把一頭甜美的土狗遺棄在這裡．

巷的中間是一個空置地盤，地盤大閘長年上鎖，裡面有三代同堂的家族裡，當中兩頭母狗，三頭小狗，還有一頭常被忽略的成年雄犬．

巷尾是兩個承辦商的辦公室和倉庫，他們養了兩頭白狗，一男一女很是恩愛．

零七年十二月，巷尾的那雙白狗生了一窩白色的小狗．看著這群可愛的小生命，我們沒有多大的喜悅，卻有無限的心痛．他們沒有明天，只有末日，那就是地盤完工的日子．多得朋友的幫忙，小狗們竟都找到了收養他們的家庭．

零八年春天，巷中的大家族的兩頭母犬分別產子，小狗們僥倖地捱得過全年最冷的幾天，卻逃不過漁護處的捕捉．原來生命就是這樣脆弱，原來人類就是這樣霸道．

那年還有被遺棄在車場的土狗，俏俏地躲在那輛紅色的爛車車底生了一窩小狗，在朋友的努力下，他們一家都得到好心人收養，原來這世界還未絕望．

(相片偷自: 嘟花家)

今天，我拖著我的愛犬小熊爸由巷頭走到巷尾，這個他曾經生活過的地方，這個充滿著回憶的地方．我感受到他的心情久久未能平靜下來．

冷冷暖暖，巷裡有笑聲有哭聲，有喜、有怒、有哀、有樂．

我們常為狗兒們趣怪的行俓而嘻哈大笑．
舊文 : 讓一天快樂地開始

我們曾因為狗兒的離逝而痛哭．
舊文 : 終於

我們曾因為小狗們找到新家而歡喜．
舊文 : 小熊男尋家　＋　四小熊最新動向
舊文 : 抱抱泡泡

我們曾因為漁護處捉狗的暴行和路人無理的投訴而大怒．
舊文 : 黑白無常───小熊爸媽
 

我們曾因為狗兒的受傷和無助而哀痛．
舊文 : 生命的倒數
舊文 : 我可以做甚麼
舊文 : 蒼蠅請你不要來

一輛白色的大車從駛到巷中，小熊爸的驚慌把我從回憶中拉回來．原來又是漁護處的動物管制車，這輛曾強行把小熊爸由地盤送從到死亡邊緣，染滿血水的車．

 

巷子裡新進場的地盤保安見到捉狗車，立刻走出來，喝令他們照顧的兩頭狗都回到地盤．並關上大閘．他們那不就是上一個承建商完工後遺下來並倖存的大狗 (舊文 : 奇跡再見），和他們從另一個工地帶來己領有狗牌和絕育的黑妹(舊文 : 地盤黑妹去絕育)．

受驚的小熊爸一如以從向著我的車跑去，不同的是他不用再目送我的車離開，獨個兒回到地盤．今天，車門會為他把開，他像一個有教養的小朋友，不慌不忙地跳回車箱裡，乖乖地坐著，搖著尾，靜待著他的媽媽───我的讚賞．

一陣微風出來，荒地的大樹傳來沙沙的笑聲．在和煦的陽光下，我彷彿見到曾活在這條小巷裡的小朋友都在她的影子下休息，大樹的枝幹隨風微動，我知道她在滿意地點頭微笑．

今天地盤狗在這條小巷裡寫上了句號，

原有一天地盤狗能在香港每個角落畫上一個圓滿的休止符．

香蒜三文魚西蘭花波餅

話說仔仔耳仔成日發炎, 醫生話證明唔到食物敏感無關, 所以三番四次迫仔仔食敏感糧, 敏感糧貴事少, 同時間要戎零食事大. 雖然我地深知阿仔隻耳仔邊關食物敏感事, 但係醫生實在太煩, 我地就即管試一轉, 食左十幾公斤咪又係咁.
但係咁忍法, 狗都有火, 話說阿仔尋日趁我地沖涼果時, 係茶几度銜左成大舊芝士火腿包落地慢慢嘆, 唉....再唔開爐整零食, 我真係怕佢有進一步行動.
雖然屋企無波睇, 為左狗地都能夠感受下世界杯既氣氛, 所以今次整d波餅佢嘆, 一如以往, 街市超市見乜平靚正就係佢地餅餅既材料.
登登登登....望穿秋水....等到狗頸都長既....
蒜香三文魚西蘭花燕麥波餅.

做法 : 先將西蘭花及少量蒜頭搗碎, 再加入三文魚同雞蛋. 分量隨意.
如果你既小朋友唔挑食, 咁咪多菜少魚; 如果你既小朋友好似仔仔咁係食肉獸, 咁就要重手d落三文魚啦.

搗埋一埋之後, 再加入適量既燕麥, 肉同燕麥既比例亦要就返狗狗既胃口同體型. 但係留意餅團唔可以太軟.

搓成波波之後就上粉. 焗出黎外面就會脆卜卜. 仔仔唔食硬野, 外脆內軟就岩曬佢胃口.

之後就鋪係搽左油既焗盤度

入爐之前俾豬仔過下目先.

仔仔 : 好香, 快d入爐.

豬豬 : 我會坐係廚房門口監督住個焗爐等佢唔好偷懶.

攝氏二百度, 焗三十分鐘, 撻凍食得.

豬仔 : 媽咪, 你好靚呀.
豬仔媽 : 你地幾時變得咁有眼光架
仔仔 : 媽咪你幾時變得咁易信狗架
豬豬 : 好明顥我地只係係度賣口乖, 等你派餅餅啦.
豬仔媽 : !#$@!%#$^

仔仔 : 又係得果丁屎咁大粉....

仔仔 : 牙縫都攝唔到....

豬豬 : 媽咪到我未呀?

豬豬 : 都係果句, 搵食艱難....

熊熊 : 媽咪唔好唔記得我, 我坐定定等食.

熊熊 : 我食得好斯文.

熊熊 : 好好味, 可唔可以黎多粒呀.
豬仔媽 : 唔可以....

熊熊 : 唓...

熊熊 : 孤寒鬼~~~~~

整又俾狗鬧, 唔整又俾狗鬧, 不過我會繼續整既, 見到佢地坐係廚房門口傻笑等食個樣就夠曬滿足啦.

一樣的動作 不一樣的地點

兩年前

今時今日

WHEN WISH COME TRUE---熊熊洗白白

熊熊在加入豬仔家一星期後，第一次洗白白．漁護處把熊熊交給我們之前，給他沖洗過一下，那時他怕得要命．今天在媽媽的臂彎下，熊熊一邊洗澡，一邊笑．

依個臭臭既熊熊樣，終於變成過去式。。。。。。

熊熊第一次入屋，除左唔知發生咩事之外，仲好快有人ＣＨＯＣＫ佢條頸。可能因為佢俾漁記捉果時就係咁扯佢行，所以ＣＨＯＣＫ一ＣＨＯＣＫ就成隻驚到痴實個地唔敢郁。

好彩間屋細，哄下抱下終於的左佢入浴缸。

依個熊熊小朋友成世仔都未沖過涼，係漁記出黎之前果日，漁記既梁小姐特地幫佢沖個涼，但係姐姐話佢好驚沖涼，驚到縮埋一舊。所以就先用毛巾濕下咀仔等佢慣下先。睇下佢個樣幾苦。

慣左就可以開花灑啦，熊熊雖然好驚，但係只要媽媽攬實叫佢唔好郁佢就聽聽話話．

攬到佢實一實，原來佢係度偷笑． 都唔知係咪扮驚要人錫錫．

由頭

洗到落尾

洗完再抺返乾個身．

個驚樣變左個冧樣．

新鮮出涼靚仔熊熊，藝名：潮偉．

戴埋條新頸帶，開始佢既新生活．

第一課梗係要識ｓｉｔ，一ｓｉｔ就有得食，係狗都即刻識．

熊熊：媽咪，我ｓｉｔ左啦，分ｄ俾我食．
熊豬仔媽：唔好意思依個碗無你份．．．

子熊蜜語

幾年前, 我許下了一個願望, 

我願有一天, 我能給你洗一澡, 將你變回一隻本來的白狗. 

我們的故事始於2007底, 那天朋友發在我上班附近的工地發現了一窩新生的小狗 <舊文 : 小白熊bb尋家 <---click me >,

在我們替小狗拍照時, 你總時避開或冷冷的站在一邊. 大家忙於替小狗找家, 替狗媽媽絕育後, 你像是不甘被冷落的樣子, 頸後出現了一個血洞, 工地的管理員發現你傷口發炎, 整天搖頭快不行的樣子, 請我們帶你去看醫生, 樣子凶巴巴的你告訴我們休想. 那時沒有甚麼經驗的我們每天早晚給你消炎葯, 在傷口上滴上碘酒, 這樣你竟又活下去.

從此, 你多了點熱情, 每次我的車駛進工地, 你和小熊媽一同跑過來, 

當我蹲下身時, 你總時第一時間用頭把小熊媽撞開, 把頭塞進我的手掌下面, 好使你能盡情地享受的的摸摸. 原來你這個冷面硬漢的亦渴望人的關愛.

之後一年三次的大傷小傷, <舊文 : 四條腿的硬漢<---click me ; 蒼蠅請你不要來<--click me> 對你這個鐵漢了來說又算的是甚麼, 你總是笑著看我為你的傷口著急, 

你仍是走過來讓我摸幾下, 見到的梢為熱情一點的舉動, 你即時退後, 我特意鬼鬼崇崇的一手摸你, 一手替你塗葯粉, 你仍是吃過美食就跑去展開你每天的歷奇旅程.

工地的人對你們有一定關愛, 不用日曬雨淋不愁衣食, 可惜你追車的惡行, 惹來附近停車場車主的不滿, 漁護處按著投訴者的要求, 對你們展開追捕. 結果你親眼目睹你的愛侶小熊媽被人捉走, 再也回不來. <舊文 : 黑白無常 <--- click me >, 從此我再看不見你的笑面和反肚, 你對人的介心亦開始重新.

去年, 新的承建商搬進來, 你喜歡留在那裡, 那裡有食物, 那裡更有你最需要的人和狗相伴, 可惜那裡有更大的危險, 因為顧問公司要把你趕盡, 結果漁護處一次又一次對你展開追捕, 但同時建築公司只想把你留在身旁, 而沒有聽取我們的忠告---為你的性命安全把你趕回原來生活的工地. 

我明知你生活在險地.

我問, 我可以把你帶回家嗎? 我想, 我可以. 

我問, 你想跟我回去嗎? 我想, 你更喜歡這自由自在的生活. 

我問, 你怕死嗎? 我想, 對動物來說, 死只是一個過程. 

結果, 我仍定時去採望你, 沒有採取進一步行動, 因我更怕萬一行動失敗, 從此你會避開我. 誰料四月中的一個早上, 我找不到你, 心中一涼. 工地的管理員淡然地告訴我星期天你被漁護處強行帶走了. 再查下去才知那是半個月前的週日, 就在我跟你渡過一個愉快的早上的第二天. 

幸好有人在我之前申請領養你, 你方能倖存於世, 我亦在朋友、動物團體和漁護處職員梁小姐熱心協助之下, 當然小不了小熊爸的表現, 終於可以把你從狗房領出來.

幾年前許下的願望, 我未有忘記, 我;亦不會再讓你回到險地.

今天, 你在我的園子裡, 坐在我的旁邊, 儘管要再過幾天才可以給你洗澡, 這都不重要, 因為你己經是我的孩子. 

你會說我選擇帶熊熊回家, 我會說是熊熊寵幸了我的家, 跟我分享他的生命. 

你可以走到寵物店放下幾張炒票, 

輕鬆地把一頭可愛的小狗帶回家.

你亦可以帶著無限的愛心和耐性, 

花大量精神時間把更需要被愛的他帶回家跟你分享更有意義更豐盛的生命.

那個會是你的抉擇?