ocoy1234

2007年11月11日星期日

PS做淺景深初探

先講乜叫淺景深

影一張相時，我地要做對焦的工作，因為唔係由遠到近都清楚，主體自然要夠清夠銳，我們向著主體半按快門這個動作就係對焦，唔好以為影相一定要全部野都清先好睇，除左影風光照希望由遠到近都清楚外，影人有時想突出主角，唔想周圍D野搶鏡，佢地最好唔係咁清楚，所以有時用光暗控制，有時用顏色控制，有時用對焦控制，如果是後者，就叫淺景深，下面張相就係一個例子：

點先有淺景深？

如果拍照時相機要淺景深就要用大光圈，光圈就係相機上面有f行頭果個資料，DC機未必有得教﹝可以用人像模式影﹞，DSLR就可以用A﹝或者Canon叫Av﹞模式做光圈先決來影，好奇怪，越大光圈時f的數值就越細，一般大光圈是指f1.8之類，而相機一般會用f8等光圈的；對DSLR來說，可以調教到什麼光圈，不是由相機機身決定，而係由鏡頭決定，平價的鏡頭都不是大光圈的，所以要享受淺景深就要用貴鏡頭了。

話雖如此，如果你肯用標準鏡頭，無論C家或N家都有平價的大光圈50mm標頭供應，上面的例子就是用一支不到800元的平價標頭在商場內不用閃燈抓拍的。

可以後製做平民淺景深嗎？

現今攝影不做後製基乎是不可能不合理的事，那麼，能夠用Photoshop (PS)之類的軟體體現淺景深的效果嗎？這其實是可能的，只不過感覺上可能有所分別，下面介紹一下用PS試做淺景深的過程，不過執相效果就算相同，方法也各有不同，所以大家最好自行試試再找出自己最滿意的做法。

用PS做淺景深的過程

首先，選用一張相片，今次用鄰居的狗狗Shadow，做的過程有難有易，最好選主體跟背景要有相當分別的試製，今次的相片主要特色是Shadow是黑色的，背景比較少黑色的東西。

將主體跟其他的東西區分起來，主要用select有關的工具，我今次用套索大概在Shadow身體圈起來，要留意不要超出Shadow的身體以外。
將選區擴展到Shadow全身，方法是用select選單中的glow
修正選區：因為電腦始終不知到Shadow是怎樣的，這樣選出來的選區未必正確，我們可以繼續圈選，按著Alt圈選會減去圈出的地方，按著Shift圈則會增加，總之，盡可能做到最準確，用Navigator可以放大畫面以方便準確選取

按Alt減去多出的圈選

按Shift加上漏選的區域
跟著要讓選區變得自然，方法是把選區做feather，如果像數高選區大的相片可以用大的參數如30或40等，反之則不要選太大的參數，這個例子是600萬像素的照片，選區大小一般，我用了25做參數。
選區做好後其實最難及最主要的工作其實做完，選區是效果作用的範圍，我們要的是改變Shadow以外的背景，所以要把選區倒過來，做法是到select中選inverse：

從圖中可以看到相片的外圍多了一層虛線
接著複製多一個相同的圖層，方法是在layers window中右click原有Background圖層選複製，只會在新的複製圖層上修改，保留原有的圖片，最後會讓原有圖片與修改後的圖片以某一個程度合併起來，修改就會顯得自然許多：
利用filter中的Blur中的Gaussian Blur將新圖層整體模糊起來，模糊的程度隨自己心意，由radius一項參數決定，我選用了約10左右的數值：

結果像下面的圖，由於Shadow沒有被圈選，所以只有她以外的景物是模糊的，但效果未盡人意。
為這個圖層做一個layer mask，以便進一步修改，方法是右click這圖層再選layer mask或把這圖層拉到layers window下面第三個方中有圓的icon：
選用噴筆工具，在layer mask上塗上顏色，若為黑色時，會減去剛才加上的模糊效果，若用白色，則會加上效果，由於噴筆有opacity及柔邊控制，可以很好的做到順滑的效果。
這時的效果自然了些，但背景來得有點假，可以把兩個圖層合併起來，會自然許多：
結果
上面是成品，下面是原圖：

2007年11月9日星期五

開片

光天化日眾目睽睽之下，小黑豬跟紅紅開片．

各就位

預備

開始

扭著一團

難分難解

黑仔裁判：小黑豬攻擊得分．

紅紅：小黑豬你咪走住，未散場呀．

小黑豬：咩事呀，輸左唔認仗呀．

紅紅：唔係呀，頭先唔係熱身咩，我都未出招．

小黑豬：黎咪黎，怕你有牙呀．

紅紅：你咪牙刷刷呀．

紅紅：喵呀．．．（條尾豎起曬）

小黑豬：係有d料到喎．

紅紅：你咪輕敵先得架．

紅紅：迷魂鎖

紅紅：左鈎拳

紅紅：問你怕未？

小黑豬：我認輸啦．．．

紅紅：無敵是最寂莫．仔仔哥哥同我打返場呢．．．

2007年11月8日星期四

狗狗也毅行之二

趁毅行未開始，仔仔同豬豬再走訪兩個站，同大家報導一下，聽日就人多，冇機會報導了。

現場記者豬豬報導：
毅行起點係北潭涌傷健樂園對出草地，我地係大人物，所以可以上台

雖然比較黑，大家勉強可以見到個起點banner，即係媽咪隻手指住的banner

起點依個牌好多選手會影相留念，所以我拉埋媽咪影番張：

毅行行幾長，當然係100公里，所以起點就祝你好運了：

起點到終點共有十個check point，所以差唔多10k就一個CP，不過CP1唔係咁方便去，所以唔帶大家去，CP2昨日介紹過，冇新意唔再講，不如帶大家去CP3。

拿，大家開車要小心，因為人多：

CP3行左34公里，開始有人退出，所以有banner叫人不要放棄。

唔係架架車入得去CP3，睇清楚先。

人有三急唔使怕，好多臨時廁所比你用。

大家望過去，依度就係急救地方，Daddy都係唔肯影佢，不過仔仔哥哥好似要去搵人幫手咁。

好la好la，我地四人/狗一條心要去起步，講住咁多先la

2007年11月7日星期三

狗狗也毅行

各位唔好誤會我豬豬都行成一百公里的毅行，一來我豬豬先至話recover左半年，二來媽咪行到﹝佢真係行過﹞Daddy都未行到﹝佢真係未行過﹞，更重要是今年毅行到星期五先開步，我豬豬冇可能偷步。

不過，今晚Daddy早左同我地散步，所以我帶Daddy去參觀下毅行的check point，今次去的是CP 2，由於離屋企三幾公里，來回都只係毅行1/20，我估Daddy都行得掂掛。

CP2在北潭坳，到左CP2就相當於行左1/4路程。

通常到左Check Point第一件事係去Check In，記住要四個人到齊先可以去Check In，所以我同仔仔哥哥得兩個係唔可以去登記的。

而個check point仲有D物資供應，一定會有水，至於公仔面energy bar之類，就睇下果年有冇贊助，今年點遲D我豬豬八到再話你地知。

仲一定會有的就是救傷站，Daddy話唔吉利，唔比我地在救傷站影相。咁我地惟有去環保回收筒影la。

仔仔哥哥點解你兩眼發光呀？每年毅行都好多垃圾的呀，膠水樽係可以回收，要人清理就更加唔O岩，不過呢，仔仔哥哥，係唔會有雞脾的呀。

帶Daddy睇完，我地就行返屋企。經過一處有隻營火蟲飛埋我個nose，Daddy話幫我影低左，不過我點都見唔到，你地幫手搵下，唔該。

行到返村口，我地見到箭豬，我地好乖咁坐定定等Daddy影相，我地都唔望Daddy可以影到我地同箭豬一齊，點知Daddy話架手機好慢，箭豬哥哥都走左先影，比張咁樣的相我地，你地見唔見到箭豬呀？

Daddy終於做返出好戲，幫我地影左隻mouse。

希望出年我地可以組織四隻狗狗行毅行，由Daddy 媽咪做support，咁我地就可以正正式式咁寫毅行blog la。

2007年11月6日星期二

家中新成員 FM 2

FM 2是尼康Nikon在數碼年代前的機械式相機，同期還有FE系列，所謂FM是mechaincal而FE就是electronics吧，對死不悔改的古老影相佬來說，FM系列是現在唯一仍可以選用的Nikon機械機了。

機械機有幾好？如果要數缺點就數之不盡，例如要手動調教光圈快門反對焦，不單止要經驗夠，還不能高速拍攝，唯一的好處是就算沒有電的情況下或是太冷時電池失效時仍可以拍攝。話雖如此，FM 2仍然歷久不衰，目前仍有許多人在用。

早前得到支14mm超廣角鏡，剛好去布吉探朋友，為一嚐超廣角鏡的功力，從朋友處借來FM2一用﹝因為Nikon的數碼單反都不是全片幅，要把鏡頭的焦距乘上1.5，14mm變為21mm，已不是太超廣角了﹞；怎知一借就被吸引著，把FM2放在家裡總不肯歸，還不是開一筒菲林來影影，像是自己的相機一般。

用機械式的菲林機跟DSLR真的十分不相同，在布吉拍了四筒菲林，不單止拍得不好，如掌握曝光不準和構圖不好等，最慘還是四筒菲林中，有三筒上不到菲林，白花了一場心機。

不過過了幾個月，終於有點心得了。

無奈機主通知，都係時候了，惟有安排把FM 2送回，不過順便問了句倒不如讓給我吧，問了幾日機主都沒有回覆，終於機主話可以用個優惠價讓給我，所以，家中添了一名成員，就是編號N8252976的FM 2了。

這批相原本是送回機主前拍下留念的，不過現在是入門過大禮了。

不過，菲林機自然只有菲林沒有數碼檔了，要獲得數碼檔方便存儲或上網或後製，就要把菲林scan，一般印相店的服務效果不好，自己用平台式掃瞄機結果更差，找專業的scanner或公司就是貴，現在最可行的方法是把印出來的相片掃瞄，但4R的相片出來的效果也強差人意，12R就OK但15元一張太貴了。現在嘗試用數碼相機翻拍菲來的方法，效果有待改善但有改善的可能，掌握好後再跟大家介紹。