ocoy1234

2009年9月16日星期三

揀位

仔仔 : 天時暑熱, 唔想變熱狗, 最緊要識揀位, 好似我型英帥靚正既仔仔咁呀, 乜都唔使講梗係訓係風扇前面.

(依把尚朋堂風扇真係好正, 已經用左成幾年, 仲特登去買多把一模一樣既, 又大又定又靜風又勁)

豬豬 : 我都訓左係竹蓆上面, 唔使伸到條脷長一長黎抖涼.

不過最爽既位, 一定係同媽咪一齊在水中央....

你地有無其他好位介紹呀. ?

2009年9月14日星期一

蛇貓狗

媽咪 : 阿仔, 有蛇呀, 快D走呀!!!!

黑仔+仔仔 : 媽咪你無野呀????

媽咪 : 咩即, 咁頭先同豬仔出去散步見到條蛇呀麻, 嚇到禾屎屎下, 攪到我 "貓尾蛇影" 有乜咁出奇唧....哼哼

仔仔 : 嘻嘻, 媽咪你唔好再攪笑啦.

住在郊區, 秋夏都會跟蛇有陝路相逢的機會, 夜上外出必會特意用力踏地, 告知蛇大哥讓路, 誰知今早一家四口往山邊散步, 回程時突然見到一條有顏色的S型的樹枝在我面前橫移, 蛇呀~~~ 原來我和豬仔爸除左叫出黎之外, 帶頭的我還會即時伸出雙半以防豬仔越過我打擾到蛇大哥....

原來我都機警架喎...呵呵....

2009年9月11日星期五

何苦呢...

昨天大陸廠註册三週年，老闆請客慰勞，御用餐廳－－－角仔山莊。
這裡是鬼地方，還好正值嚴夏，不想看的該不會出現。
冬季的角仔山莊請參閱這裡：人在江湖－－－苦？不苦？ <--- click me

這天，我遇上了一隻雪橇，就在我們旁邊的包箱。
小朋友樣子可愛，在吃東西，侍應說他很乖不咬人的。
不知他有沒有護食的行為問題，不知他有沒有打預防針，還是打個招咪拍個照好了。

在想他在吃甚麼，他又跑出去了。在剩菜裡找雞骨吃。我沒有眼花吧。

一身毛髮的確有打理只是少了點光澤。

同事問坐在旁邊品茶的主人，這天氣狗兒受得住高温嗎？
主人答：不熱，他每天有洗澡。

每天洗澡？在人吃的剩菜裡找雞骨吃？
我大開眼界。花點時間去了解一下狗隻護理的常識可以嗎？這樣”養”狗，何苦呢？

還後為叫我咋舌的事件在大陸才遇上，誰知今早在西貢市給我看到了下面的景象．

把狗繩在ｐｉｃｋｕｐ後斗裡出遊，好威風的開逢農夫車。我佩服你的狗狗乖巧，更佩服你的”勇氣”去漠視他們的安全。

何苦呢。。。

2009年9月9日星期三

潮狗 --- Y世代

有無人掛住二妹呀, 我仲珍藏左佢一輯低能相呀.

二妹 : 生活係"Y"世代既潮狗, 要記得個"Y"字點寫, 唔識寫都要識咬.

二妹 : 抽水EE, PLEASE~~~~

二妹 : 要好斯文咁劈開個口.

二妹 : 要好温柔咁咬實佢.

二妹 : 再輕輕地放低佢.

二妹 : 好啦, 扮完野可以做返自己啦.

二妹 : 劈大口反埋白眼咁大口大口咬

二妹 : 一百八十度反轉身, 天跌落黎都唔理咁咬.

二妹 : 發羊吊咁咬

二妹 : 鬼上身咁咬

二妹 : 痴鬼左線咁咬....

抽水ee : 一個十蚊玩具就可以見到二妹既真面目....

2009年9月7日星期一

屎忽麗

抽水EE : 麗麗 , 你做咩坐係梳化頂呀?
麗麗 : 因為我個屎忽細所以梳化頂己經夠坐.

抽水EE : 你係咪唔識分大細呀, 你個屎忽叫細.....
麗麗 : EE呀, 其實.....我....我想同靚仔oscar叔叔影合照呀.

抽水ee : 你想同靚仔oscar 叔叔影合照都唔使用個屎忽DUG住我架. 你唔想同靚女抽水ee一齊合照咩?
麗麗 : (心諗 : 唔好玩啦靚女抽水ee, 我忍笑忍得好辛苦呀)
麗麗 : (扮曬野咁講) 咁呀, 我坐好d咁咪可以同你地一齊影影合照law

抽水ee : 麗麗, 照完合照做咩仲唔落返黎呀
麗麗 : ee, 我腳痺, 郁唔到呀.....

2009年9月3日星期四

同狗唔同命

同狗唔同命, 大家都係村狗, 只不過一村之隔.
同係朝早出門口, 都係狗地開餐, 不過佢地係...

食垃圾, 唔知係佢地合力, 定係牛定係野豬, 整翻左垃圾筒.

一狗分到小小, 一狗一啖咁唔會爭.

分唔到野食既繼續搵.

中間果隻食到咁開心, 你估佢食乜?
原來一係個開左食完既寳路罐頭. 小心介咀呀陰公.

依班小朋友一歲都未夠, 自細就跟阿媽搵食.

右邊既阿媽生到奶滋都收唔返.

依個新進媽咪, 生完未收身.

只係一條村, 就差咁遠. 條村唔係無愛心既人, 只係漁記又報過, 嘈又嘈過, 但係有個"村代表", 好開心咁"養"佢D狗, 心情好同人講依期連埋新出世既有三十幾隻狗, 其實斷估佢自己都數唔到有幾多狗.

個村霸衰到極, 惡行次次村中派對都係話題, 講極都有新野. 完全係映衰曬D本地人.

只要有一個衰人, 多多好心都幫唔到D乜. 我又可以做D乜.