前日錦鏽

媽咪今次無打錯字, 唔係前程錦鏽, 係前日錦鏽, 因為前日我地一家係錦鏽花園玩左成個下晝, 好開心....

媽咪話難得山長水遠去到咁遠, 所以要玩到盡, 仲要見多D朋友仔.

先去附近既南生圍晨運

仲有黑黑麗麗同我地一齊玩

到左錦鏽之後就再見下其他朋友仔.

依個咁靚靚既你地都應該認到佢啦, 就係宝宝啦, 靚仔惡人哥哥同靚女阿MI姐姐帶左佢出黎陪我地食飯呀, 媽咪即係開心到飯都唔使食 (話係咁講佢一樣照食左成碟飯). 見到宝宝咁精神, 我地都好開心呀. 宝宝你要加油呀.

爸爸話媽咪成日都抱狗地, 佢要向難度挑戰, 於是爸爸食完碟白飯之後就話抱起左白白.

仔仔哥哥睇到都呆左

睇到有少少失常既爸爸, 我豬豬驚到捐左入枱底呀.

黑黑麗麗 都無野好講

大人食飽飽之後就散步, 我地係咪好乖乖呢, 一個一個跟住行, 最乖都係特工EE, 佢跟住麗麗姐姐行無扯繩呀.

行下行下, 我地就去到 KATY同 LILY妹妹屋企開趴地呀.

你地睇下, 大人佢地又係咪食食食啦. 媽咪仲話要減肥, 但係...

雖然朋友仔未到齊, 我地成班小朋友梗係坐下跑下玩下咁啦,
突然間媽咪們拎住個兜影相....真係唔知佢地攪邊科呀

原來係狗地都有得分呀, NOEL EE真係超級細心都好手勢呀, 未分好野食, COCO就抵受唔住美食既引誘啦.

DEDE獸直頭食到見脷唔見眼呀.

未齊人之前影左張半大合照添呀.

點解得咁少相, 因為爸爸掛住同我豬豬同仔仔哥哥一齊訓晏覺....
其他相相 : http://www.fotop.net/oscarynk/2008DecFVG

一朝滿足三個願望

上星期, daddy mami早餐都未食, 就帶左我地出去玩啦,
我同哥哥梗係開心啦, 你睇下我彈下彈吓咁開心到合唔埋個口呀.

無幾耐, 蘇菲同迪奇都黎埋一齊玩, 見到佢地就更開心, 因為又有口福啦.

咁又點少得叻叻呢, 佢著左件衫仔好醒目呀.

仲有成日都神犬見尾不見首唔知跑左去邊度玩既mingming同sasa呀.

有ming sa又點少得媽咪至愛既baby caelen呀.

mami話我同哥哥既表現幾好, 所以放繩俾我地自由跑, 我地好乖呀, 一叫就返, 梗係啦一返去就有好野食呀.

我仲叻叻好無夾尾同mingboy一齊玩添呀.

媽咪如常好忙咁抽水.

佢絕到係唔停咁抽, 連baby都對佢側目.

不過mami好錫狗地架, 抽完水會幫佢地補充水份.

mami話驚狗地真係俾佢抽乾水喎.

當迪奇好自在咁散步既時候.

蘇菲就好緊張咁錫返佢媽媽...

因為佢俾媽媽發現佢跳左上枱食面包.

為左唔好再有其他美食被偷食, 大人們就即刻開餐啦. 我地小朋友就有迪奇媽整既三文魚撻.

baby口快快飲完支奶就同仔仔傾計.
<外傳: baby與仔仔的對話>

我豬豬都好鍾意baby所以都坐埋去湊熱鬧.

 

hea下hea下, 仔仔哥哥突然面色一沉...

原來有個小妹妹想同仔仔玩呀, 仔仔哥哥梗係開心啦.

有一個小朋友玩得開心, 就有第二個小朋友黎玩埋一份.

仲爭住同仔仔哥哥合照.

整整下成班同學仔都走曬過黎照大合照咁濟....

果日一共有兩間幼稚園係果度旅行, 不過兩間幼稚園既家長差好遠, 一間既家長帶小朋友過黎玩不達止, 仲教佢地要點樣同狗地玩, 唔好驚唔好整親我地. 另一間既家長老遠就同小朋友講狗狗咬你. mami話你地有朋友要搵幼稚園不妨去黃色校服依間.

仔仔哥哥見佢地玩得咁開心就直情訓低佢佢地任抽啦.

我豬豬都有少少進步,  見到仔仔哥哥笑得咁開心, 我都有由枱底走左出黎影張相呀. 唔知依個小朋友大左會唔會好似mami咁拎返張相出黎寫blog呢...

我地表現咁好, daddy請我地食野, 我地七小福有五個係度輪米, 另外兩個去左睇昆蟲同游水....咁就好開心咁過左一朝.

有得食有得玩有人錫一朝滿足曬三個願望.

從少便養成抽水的好習慣

一開始要睇清楚呀，係從”少”便養成，唔係從”小便”養成呀，學壞左唔好賴我呀．

兒童時代既抽水EE，大家都睇過啦．＜節目重溫：MY DOGS＞．

少年時代既抽水EE，己經開始入型入格．．．

話說某年某月某日，少年時代（亦都係個樣最薯既時代），跟隊去石崗參觀軍犬大本營，當年仲係駐港英兵既年代．．．

唔知點解過左咁多年（睇怕相入面既狗地全部都係彩虹橋啦）
都仲好好好記得兩隻狼狗叫咩名．

短毛既叫Rocky，

佢頭上面頂帽係我地當日戴去遮太陽既，影相就借左俾佢．

長毛既叫Burno，

我超鍾意佢，影左好多好多相．

仲記得果隻拉布拉多尋回犬．

當年港督黎香港上任時佢負責佢聞下有安唔安全．

當年有個軍官太太拖左隻退役軍犬出黎陪我地玩，見到我地妹妹兩個狗痴，忍唔住影左我地好多相，寄返俾我地，於是我就多左幾張唔望鏡頭傻下傻下咁抽水既相啦．

結論，抽水神功唔係一朝一夕練成既．．．哈哈哈．

近日好忙好好忙，無乜時間寫blog，掛住豬仔既就去豬仔爸個blog/相部度睇住先．

古惑的人古惑的狗

話說三小福開生日會，大家眼到既都係歡樂片段．但係我地挑通眼眉，睇左好多古惑人古惑狗既真面目．

係人地個生日蛋糕面前扮生日己經係小事，你地睇埋落去．．．

古惑一號大耳出場

大耳：好香，好肚餓．好香，好肚餓．好香，好肚餓．好香，好肚餓．好香，好肚餓．好香，好肚餓．好香，好肚餓．好香，好肚餓．好香，好肚餓．好香，好肚餓．好香，好肚餓．好香，好肚餓．好香，好肚餓．

由於大耳太想食，佢有左念力去呃飯食．，走去迷惑左狗地阿媽等佢餵佢食．．．

PitPit：媽咪點解餵餵下我轉左餵第二個架，仲要我未抺咀咀架．．．

大耳呃完Pit媽之後就走去村姑契姐度埋手，話曬村姑易呃呀麻．
依個村姑契姐又係既，又叫狗減肥又餵大耳食蛋糕都唔知係咪靠害等大耳減肥失敗，大耳媽罰請我地食飯．

古惑狗二號多多出場

大家睇到啦，多多聞到枱上既美食又心思思．點知俾十五媽喝止．

多多：身為一個聰明為食既小朋友，對住個咁天真既村姑姐姐，有計．

多多：喂靚女，望下依邊．
村姑：邊個嗌我？
多多：哈，都話易呃架啦，佢真係應呀．得左有得食．

你睇大耳個身型就知佢點會咁快收口呀，轉個頭又去冧肥媽啦．

古惑的大耳媽出場

大耳：肥媽，我巧想食野
大耳媽：乖女，我又點會捨得俾你餓親呀．
呃又一個典型既慈母多肥女，簡直就係欣宜二世．

正當成場契媽係咁嘈住唔可以俾大耳食時候，大耳媽就同大家講話只係洗碟．多多見到得咁少，就唔同大耳爭．

見咁多部相機影住就扮曬蟹係度舔盤．

當大家一行轉背就成碟通粉放係個盤度．

所以話呢，趴地除左抽水之外，仲可以睇下邊個係古惑仔古惑女架．
太多古惑野不能盡錄，去豬仔爸個blog度睇多少少．