媽咪話難得山長水遠去到咁遠, 所以要玩到盡, 仲要見多D朋友仔.
先去附近既南生圍晨運
仲有黑黑麗麗同我地一齊玩
到左錦鏽之後就再見下其他朋友仔.
依個咁靚靚既你地都應該認到佢啦, 就係宝宝啦, 靚仔惡人哥哥同靚女阿MI姐姐帶左佢出黎陪我地食飯呀, 媽咪即係開心到飯都唔使食 (話係咁講佢一樣照食左成碟飯). 見到宝宝咁精神, 我地都好開心呀. 宝宝你要加油呀.
爸爸話媽咪成日都抱狗地, 佢要向難度挑戰, 於是爸爸食完碟白飯之後就話抱起左白白.
仔仔哥哥睇到都呆左
睇到有少少失常既爸爸, 我豬豬驚到捐左入枱底呀.
黑黑麗麗 都無野好講
大人食飽飽之後就散步, 我地係咪好乖乖呢, 一個一個跟住行, 最乖都係特工EE, 佢跟住麗麗姐姐行無扯繩呀.
行下行下, 我地就去到 KATY同 LILY妹妹屋企開趴地呀.
你地睇下, 大人佢地又係咪食食食啦. 媽咪仲話要減肥, 但係...
雖然朋友仔未到齊, 我地成班小朋友梗係坐下跑下玩下咁啦,
突然間媽咪們拎住個兜影相....真係唔知佢地攪邊科呀
原來係狗地都有得分呀, NOEL EE真係超級細心都好手勢呀, 未分好野食, COCO就抵受唔住美食既引誘啦.
DEDE獸直頭食到見脷唔見眼呀.
未齊人之前影左張半大合照添呀.
點解得咁少相, 因為爸爸掛住同我豬豬同仔仔哥哥一齊訓晏覺....
其他相相 : http://www.fotop.net/oscarynk/2008DecFVG
最乖都係特工EE, 佢跟住麗麗姐姐行無扯繩呀. ===================================== 玩野呀你！ [版主回覆12/15/2008 22:14:00](Empty)
回覆刪除仲笑？？ 打扁你~~ [版主回覆12/15/2008 22:46:00]我笑到收唔到聲, 不過唔好打扁我, 你個女黑黑前日已經踩扁左我....陰公.
回覆刪除豬仔爸好勁ＷＯＲ，肥白都抱得起！ 不過肥白又乖ＷＯＲ， 肯比人抱！ [版主回覆12/15/2008 22:50:00]肥白真係好乖又勁嗲架.....
回覆刪除踩扁左你個 X 咩？？我唔覺踩到喎~~~ 黑黑上 [版主回覆12/15/2008 22:51:00]你個臭黑, 仲好講踩扁左啦梗係無啦, 仲係度牙斬斬, 下個BLOG你就知...哼哼
回覆刪除e e 你大人有細量，就原諒我呢隻 靚黑 喇~~！ 黑黑上 [版主回覆12/15/2008 23:23:00]EE大人係有人量既, 唔會同人計較既, 不過可惜.... 黑黑你唔係人....哈哈 另, 抽水EE係狗都話靚架, 你放心啦.
回覆刪除咦 ~ 做乜你哋俾抽水 ee 點晒穴呀 ? 定係落咗定型劑呀 ? [版主回覆12/15/2008 23:24:00]....佢地睇定D個型勢, 有咩E郁即閃.
回覆刪除下次向高難度挑戰可以抱下bacon,睇下抱唔抱得起!! [版主回覆12/15/2008 23:24:00]BACON幾重呀.... 我怕我地兩個一齊都未必夠力...
回覆刪除估唔到豬仔爸都唔弱 咁秤到白白重D定仔仔重D呀 [版主回覆12/15/2008 23:25:00]豬仔爸打緊鼻寒, 聽朝先問佢. 豬仔爸不嬲都唔弱不過要影相抽唔到水之麻
回覆刪除個個揸住個兜個張好攪笑 [版主回覆12/16/2008 19:39:00]哈哈, 真係好攪笑....
回覆刪除仲唔瞓？明早上去喇，萬事小心，掛住你o架！！ [版主回覆12/16/2008 19:39:00]掛多幾日啦....錫曬你呀
回覆刪除沉醉地吃，係對食物既一份尊重，大家要學下，千祈咪狗o趙牡丹呀！ [版主回覆12/16/2008 19:45:00]咁真係好好味好香呀,我都想食埋一份呀.
回覆刪除豬仔爸好勁呀,我前日抱亞B,mo仔又要抱,我試下啦,點知抱到我碌左係地 [版主回覆12/16/2008 19:46:00]mo仔唔重呀, 我都抱得起呀.
回覆刪除嘩...你地為左d小朋友真係神心la!晨咁早出發去玩....我睇到果句[最乖都係特工EE, 佢跟住麗麗姐姐行無扯繩呀]真係笑到收唔到聲呀 [版主回覆12/16/2008 19:47:00]有得玩幾早都得架, 仲要自動彈起身果隻. 我就無特工咁乖啦.
回覆刪除我隻狗狗參加左seasons既網上top model選舉... 各位朋友可唔可以去投我地一票呀...thx a lot... http://www.petpetseason.com/node/777 比比王子呀... 只需係press me個到click一下.. 見到多左一票就得伽喇... 請大家幫幫忙... 選情告急呀...!!!!!!!!!!!!!!! 唔洗join member伽...
回覆刪除最乖都係特工EE, 佢跟住麗麗姐姐行無扯繩呀 <----- 比你笑C，下次要問下麗麗 點樣訓練到咁乖先 白白應該好鍾意人地抱，人睇豬仔爸抱住佢時，佢個樣好開心。 [版主回覆12/16/2008 19:48:00]不如叫麗麗開班教我地點訓練主人呀, 豬仔字. 白白都宝宝俾人抱果時都笑得好開心架
回覆刪除個個都好乖呀! 抵讚呀! [版主回覆12/16/2008 19:48:00]最唔乖係豬仔, 佢地跳左上車唔行呀
回覆刪除嘩～～真係好正呀～如果係栗子都会crazy 咗話要食先啦 [版主回覆12/16/2008 19:49:00]有鮮牛肉南瓜, 想唔crazy都唔得啦.
回覆刪除(最乖都係特工EE, 佢跟住麗麗姐姐行無扯繩呀)------> 你當特工係o羊呀~!!! 枉佢俾雞雞你o地食。 [版主回覆12/16/2008 19:50:00]特工咪係俾狗地帶去散步law, 特工都有餵我食雞肉架
回覆刪除肥白咁大隻都抱得起, 勁呀~ 呵..個個大人係到揸兜果張好搞笑~ [版主回覆12/16/2008 19:51:00]係啦豬仔爸彭一聲就抱起左白白啦. 班大人好心急, 但係又要影左相先真係好攪笑.
回覆刪除嘩, 咁遠入黎元朗玩呀 ? 真係開心啦 !! [版主回覆12/16/2008 19:51:00]係呀咁遠入到黎咪踩幾場先走.
回覆刪除好開心o牙! 豬豬o吾好o甘細膽o拉! 向仔仔哥學習o下幾 淡定. [版主回覆12/16/2008 19:52:00]唔係好開心, 係勁勁勁開心. 豬豬叻左少少果日識同士多狗玩, 尋日同橇橇玩到顛左添呀.
回覆刪除嘩....你地入元朗玩得好開心咁. 大人又可以燒野食, d細路又可以跑草地 [版主回覆12/16/2008 19:52:00]我地無燒野食呀, 因為早走趕下場, 不過咁多狗地一齊開趴地真係好開心架.
回覆刪除豬仔, Do野食係o米好好味? Dede食得好enjoy丫, 我同Gina 都好想食丫! [版主回覆12/16/2008 19:53:00]下次我叫daddy整俾你地食呀 豬仔字
回覆刪除好超靚的相 [版主回覆12/16/2008 19:53:00]狗地靚天氣好就點影都靚架
回覆刪除不好意思, 打攪了, 貓BB找家 http://hk.myblog.yahoo.com/lamsaralam/article?mid=5395 [版主回覆12/16/2008 19:53:00]貓貓你地要快d搵到屋企呀
回覆刪除The photos are BOUTIFUL! Thanks for coming over. We had a really nice BBQ with beers and lots of other good food. Be sure to join us the whole day in our next get-together party. [版主回覆12/16/2008 19:54:00]多謝邀請呀, 我地又飲又食又吹水玩仲抽水玩得好開心, 下次再玩過
回覆刪除The renovation at Penfold Park is yet to finish. The reopen will delay until further notice. So disappointed! [版主回覆12/16/2008 19:54:00]吓....咁幾時先開呀.
回覆刪除白白唔知係咪諗 : 亞哥哥你夠唔夠力咪勉强喎 你班friend 個個都住花園洋房狗哋真有福咯 [版主回覆12/16/2008 19:55:00]我班friend係咪個個都住花園洋房就唔知, 個個都錫狗地就一定架啦!!!!
回覆刪除睇到你地就開心啦~ [版主回覆12/16/2008 19:56:00]你唔過黎食盤菜
回覆刪除好多 9 地 ... ... 佢地好靚呀 [版主回覆12/16/2008 19:56:00]係呀佢地玩得好開心呀.
回覆刪除你越大越靚呀 [版主回覆12/16/2008 19:57:00]咪玩啦, 又係咁既屎樣, 不過我鍾意古銅色多d, 要曬多d先得.
回覆刪除豬仔爸好利害呀 , 咁都抱得起 [版主回覆12/17/2008 13:46:00]豬仔爸連抽水ee都抱得起點會抱唔起白白呀.
回覆刪除好好玩bor [版主回覆12/17/2008 13:47:00]係勁好玩呀.
回覆刪除果邊好似幾好住~ --------------------------------------------- Click> 2隻小貓咪金仔+灰灰女尋家~悲情後巷 8月茶拾獲約 6~7 週大的兄妹, 金仔+灰灰女, 個性文靜, 有興趣人士請用私人留言或留電話, email : augustra389@yahoo.com.hk thx~ [版主回覆12/17/2008 13:49:00]我未住過果邊唔知好無住呀. 只係知邊南生圍好大塊草地咋
回覆刪除咁多大狗 。下次入元朗早 d 單聲, 等 bi be 都有籍口去街街。 (佢阿媽我好懶, 平時只係屋企附近行個圈咋) [版主回覆12/17/2008 13:52:00]bibe出街使乜藉口架, 一於帶佢入黎西貢探我地啦.
回覆刪除豬仔記住wor, 除o左食仲要同我反餐飽. 知冇? [版主回覆12/17/2008 13:51:00]好呀, 我地一齊再跑再行山再食野呀.
回覆刪除連 豬仔爸 都出手抽水 , 白白 真係勁呀 ~~~ [版主回覆12/17/2008 18:24:00]豬仔爸己經俾我傳染左, 不過平時影相無手抽水之麻
回覆刪除豬頭 : 抱得起左白白 ... ... 大力士呀! [版主回覆12/17/2008 18:23:00]係呀所出街我唔使拎野架.
回覆刪除《《豬仔爸連抽水ee都抱得起點會抱唔起白白呀. 》》 "大耳"：「下次都叫豬仔爸好似抱白白咁，抱起抽水EE等大家見吓」 [版主回覆12/17/2008 18:23:00]影過相啦, 唔使再抱俾你睇啦
回覆刪除芝豆 : EE緊近都唔叫我哋出嚟反, 你唔記得我哋哪
回覆刪除