Mission Impossilbe 8 ---地盤黑妹絕育

新進地盤帶來了一頭新地盤狗, 第一天己盤算要帶她絕育, 誰知原來己身懷六甲.
小狗出生, 生活環境不好, 很自然存活率也不高.

正巧尊善會blog友留言, 有abc (animal birth control) 計劃, 得善心人捐助, 免費為流浪狗絕育.

借了狗籠給地盤, 先把黑妹放進去

地盤場主還親自車狗妹到狗場去, 往狗場的路況　

黑妹迷人的眼神.

狗場地處隱閉, 管理良好, 沒有太多狗吠也沒有太大狗味. , 狗場主人像徵式收了點留宿費, 讓黑妹傷口復原才回地盤.

拍過這張照片後, 黑妹就去淨身, 再沒煩惱了.

往後, 黑妹的女兒小黑妹也透過abc進行了絕育手術, 並植入晶片.

這算是最最順利的一次帶地盤狗的經驗, 如果各地盤都肯為治養的狗隻絕育取晶片, 完工時帶他們到新場. 地盤生活環境雖有所欠缺, 但對有主人萬事足的狗狗來說, 也算是德行了.

陳小明不認妻

古有陳世美不認妻, 今日陳小明不認妻....
事發既經過係咁既...

先黎角飾介紹, 依個就係男主角陳小明...(後面黑色既仔仔可以不理)

依個就係女主角---SASA.

依個都係女主角---豬豬

話說當明明遇上豬豬後, 佢地既發展簡直一日千里...

見親面都打到火熱, 簡直到左旁若無狗既竟地...

之但係對明明情心不變既SASA一直都看在眼內, 你地唔好當佢無到得架.

SASA初初仲以為企左係明明後面, 所以明明睇佢唔到.
於是佢就跑佢明明前面啦....點知都係當佢無到.

SASA終於忍唔住啦, 佢兜野撞埋明明度, 一心以為可以撞返醒佢..

SASA: 明明哥, 我等左你好耐啦.
明明: 你仲咩撞埋黎呀, 又唔係唔知自己鬼咁重喎.

SASA: 咁狗地掛住你呀麻.
明明: 你知唔知你阻住我同豬豬玩呀.
SASA: 你...你同我玩都得架.

明明 : 但係你咁肥, 我唔想同你坃呀.
SASA : 媽咪話我係結實, 唔係肥, 唔信你咬下睇下係咪結實.
明明 : 唔....實就實, 不過抽水EE話依D叫做 "高密度脂肪質", 另外個EE話咁即係好難減咁解呀.

SASA: 明明哥開到聲嫌我肥....我好失落呀...

見到SASA咁DWON, 抽水EE又點會坐視不理呢.
抽水EE: SASA呀, 肥唔係罪黎架. 你睇下抽水EE夠肥啦, 一樣活得咁精彩, 唔使死架.
SASA: EE, 好似你咁仲話唔使死...
抽水EE: 家下你咩意思呀, 想死頂啦.
SASA : 係又點呀, 哼哼....

 

星期六好節目---深涌

上個星期六, 十度都無, 我地梗係要去曬下太陽, 跑下步暖身啦,  於是我地就去左深涌啦, 深涌有幾正, 咪泊底架車係榕樹澳 (日泊$30) 再沿小路行半個鐘多少少....

雖然深涌塊草地好靚, 不過一d都唔值得欣賞. 深涌原本係一塊有生態價值濕地, 裡面有香港獨有既鬥魚仲有罕見既貓頭鷹, 俾大財團買起左, 想做哥球場渡假村, 偷步偷雞夾硬鋪曬草地, 又扮曬野話攪生態旅遊, 咪玩啦無曬原生植物鋪草皮叫生態, 政府後知後覺又見有人嘈唔敢批所以工程又暫告一段落, 以前聽講話耐唔時有保安係度趕人....香港既生態越黎越少人重視, 公共空間私有化, 政府保育side鬼氣, 人地攪完工程先出聲, 唔係官商鈎結真係搵鬼信....唉...

都係講返果日既片段...

沿住小路, 行行下就會見到片大草地, 草地有幾大, 你睇下豬豬係草地入面好似粒鼻屎咁細就知有幾大.....

星期六朝早有咩好, 咪無人無狗, 大家唔係返工就未起身, 我地就起劫喪跑緊啦.

你睇下跑到成身濕曬, 唔好以為佢地出曬汗呀
(狗地只係條脷滴口同埋腳趾隙出汗架咋)

係兩隻野唔知係咪凍到傻左, 見到水都跑落去....

阿豬仲坐係水度傻笑....

好彩識跳返上黎, 唔係我以為凍僵左架啦.

又好彩佢地keep住跑個天又keep住有陽光....

依張好攪笑, 睇落去好似狗地跑跑下變左隻左咁....彭彭變比斯, 比斯變豬豬....
仲變埋色....哈哈.

依張相睇落sasa好似瘦左好多咁,
睇真d先發現, 明明身邊既唔係肥sa係彭彭, 原來狗地玩chaning partner呀.

幾家狗地, 己經不分你我跑埋一碟.

不過狗地唔會認錯主人, 蘇菲都係咁嗲....

狗地跑下, 又做下model.

家長們抽下水影下相.

狗地們同朋友仔傾下計.

曬下太陽.

做下電免.

大狗細狗炒埋一碟, 成朝都唔使勞氣....爽呀.

聽日係彭福公園重開既大日子, 我地會朝早九點去等佢開閘, 大家有時間都一齊黎玩啦. 其實彭要玩唔係一定要去彭福公園, 不過彭福公園係狗界有一定代表性, 因為難得有公園會無"不准携犬入內"既告示, 其實攪乜鬼狗公園, 將公園開放俾人狗散步, 再加"請牽引狗隻", "請為狗隻便便善後"既提示咪唔使攪咁多野law.

豬豬的抉擇

豬豬同明明追逐嬉戲既片段, 大家都唔陌生架啦.

明明通常會係旁邊望住豬豬同仔仔玩, 等到合適時機先至加入.

唔知點解, 明明突然縮左水....
睇真d, 原來唔係明明呀, 係比斯呀.

比斯好鍾意同豬豬玩, 唔同係異色同異性相吸?
豬豬跑, 比斯就追.

追追下仲拍住一齊跑添呀.

豬豬都跑得好開心呀, 仲跳埋落水添.

點知比斯都路埋落水喎, 陰公law, 咁鬼凍, 豬豬就話傻既唧, 見水就落, 凍屎比斯呀.

比斯發覺唔對路, 於是就係岸邊苦候豬豬上黎一齊再玩.
但係豬豬又發覺唔多對路喎, 於是就唔多願上返黎.

你地唔好睇肥SA矇下矇下咁呀, 其實佢挑通眼眉架....
佢拿拿林走去叫明明過黎幫豬豬解圍呀.

明明好快就過左黎

仔仔亦都好識趣地行開...

於是明明豬豬又埋位啦.

豬豬無乜幾可咁主動出擊架.

睇下兩個小朋友笑到幾開心

玩到難分難解呀.

連SASA都成全佢地, 係旁邊打氣呀.

依兩個狗地己經進入左旁若無狗既地步啦.

點知呀明明又衰喎, 走去阿比斯前面耀武揚威喎.

豬豬見到就唔係好開心啦. 佢返去問仔仔哥哥點算.
豬豬: 仔仔哥哥, 我鍾意同明明打架, 但係想明明又開心, 比斯又開心呀.
仔仔 : 豬豬, 男朋友就話要專一, 但係朋友係可以唔止有一個架...
豬豬 : 係喎, 點解我諗唔到既. 我叫明明同比斯一齊玩咪得law
仔仔  : 因為你狗如其名law.

一言驚醒夢中狗, 於是兩隻白狗同一隻黑狗就繼續係草地狂奔啦.

又於是, 豬豬越黎越識同狗玩啦....
又又於是, 豬仔爸媽又係度偷笑勒