給他們找個家

由於1234豬仔媽在大陸不能上Yahoo Blog，請收看轉播....

Give Love a Chance 1 愛有明天 1

from 豬仔爸

我們於dog.ocoy.net的討論組：3 puppies need a home

為食貓

依兩隻係全屋最為既貓, 左邊既係藍藍, 佢所有零食都唔挑食, 食罐罐係食極都唔停果隻. 右邊既係黃你, 佢每朝第一個去食雞肉, 只要有雞乾出現就幾遠都聞到走出黎食. 兩個都勁叻去廚房偷食.

藍藍 : 我偷到好野食.
黃仔 : 你分D俾我食得唔得呀.

想知佢地點偷食, 睇下下面段片.


藍藍超級識食, 魚乾, 雞乾, 牛心乾送曬係佢面前, 佢一口就銜左兩條魚落黎食.

枱上面既係肥啡公主, 佢矇下矇下咁好多時有好野食都唔識食.

藍藍後面既係小黑豬. 佢都係傻下傻下既貓, 明明張椅上面有好野食都要去第二度搵食.

今次又傻唔曬, 因為張枱真係有野食.

不過唔係隻杯度呀傻豬.....

風乾雞係張枱度有新鮮風乾雞肉.

仲有一個無上鏡既黑仔, 佢只係食乾糧同鮮雞肉, 食親罐罐就嘔, 陰公.

貓地雖然識偷食, 不過佢地其實只係識食乾糧, 見到罐罐會發顛,
零食好似TEMTATION/GREENIES果d唔係隻隻食仲唔係好雀躍.
鮮雞肉就朝朝食, 但鮮魚鮮牛都唔識食....
咁仲算唔算為食呀....

鄰家的女孩

我地跟住爸爸散步, 見慣不慣...

不過後面仲有尾隊架, 佢地係邊個? 之唔隔離屋既宝貝女---阿豬/老鼠.
豬鼠係南丫島出世, bb時流落街頭, 係佢地爸爸執返屋企救返佢地一命架.

不過佢地爸爸間唔時都要外出工幹, 於是就叫我地daddy照顧埋佢地啦. 佢地好乖架, 見到人就搖曬尾, 一日出兩次街食一餐, 好易照顧. 我地daddy平日會帶佢地散步同餵佢地食野.

媽咪返黎主要就幫佢地按撫....講都尾都係抽水.

不過佢地平時無零食, 所以媽咪帶塊餅餅去就氹到依兩個無知既小朋友貼貼服服....
不過唔可以叫佢地做小朋友, 因為佢地己經八歲, 係婆婆級黎架啦.

雖然佢地咁乖, 但係有一千零一個缺點, 就係扯繩.

白色既係阿豬, 佢鍾意行到邊聞到邊唔理你係邊, 你扯佢行佢就成隻趴係地下, 等你無佢乎.

黑色既係老鼠, 佢鍾意行前d, 扯恒d, 順便等你手力好d...

所以媽咪要出動我地以前既既拖帶啦. 等佢地受下訓練.

但係唔知佢地daddy返黎會唔會折訴呢, 因為佢地daddy可能特登訓練佢地扯繩黎練大隻架.

都係daddy叻叻, 佢係全屋唯一一個可以一拖四既人呀!!!!!

好啦, 話曬一場鄰居, 照返張合照都好呀. 我地四個都笑架. 相機後面仲有村狗meme同囡囡, 六個狗一齊散步, 係咪好開心呢.

無聊家品競猜遊戲---開估

上星期買左個個家庭用品, 用途當然為左豬豬仔仔啦, 大家估下佢用黎做咩.

產品介紹
物料 : 軟膠, 空心膠筒

尺寸 : 一隻手咁大

提示 :
可以同依個蒜頭殺手聯合使用.

開估

依個東東叫剝蒜筒, 用黎幫蒜頭碌衫....呀唔係係剝衣用既. 用法就好似下面張圖咁.

即係放粒蒜頭入去.

捽幾下, 陣衣就會甩左唔使慢慢搣.

不過捽幾下就話好玩, 之後就好快手攰. 唔知d膠幾時硬, 不過兩蚊人仔玩下無妨呀.

點解要剥蒜頭同, 因為要整蒜蓉俾豬仔食.
食左生蒜, 跳蚤就唔會上身, 生蒜仲可以增強狗地既抵抗力.
詳細說明 : The healing properties of Garlic<---click me

雖然仍有資料記載蒜頭有毒 (參考: Human Foods that poison pets<---click me), 但係大部份食療都講的狗既好處多不勝數, 要注意不宜過量, 大概每二十磅既狗每日唔建議食多過一到半小粒 (參考: Dog Aware<---click me)

 

攞你命三天之勞動假期勞動去---陪行山上笑(4)

爬完龍舟帶豬仔去完露營, 假期都未完架, 勞動節假期最後一日, 我地有特任務. 就係陪下面張相入面既人行山. 

佢地係咩人士? 意捷丹比奧等等既歐州領使同佢地既屋企人.

佢地定期有聯誼活動, 今次捷克領使就話要同大家去郊遊, 揀左條靚線, 由北潭涌落咸田灣再過西灣.

於是聯絡左漁記協調, 漁記又聯絡左西貢社區中心新鮮出焗既生態導賞員義務幫下手. 佢地無要求導賞, 即係只要陪佢地行下, 吹下水, 答下問題.....

部份導賞員好專業, 沿途既植物可以如數家珍中英拉咁介紹. 我唔係導賞員, 不過除左抽水之外, 吹水都係我既專業, 而且又住得近, 所以就要拉衫尾跟埋去啦.

一路吹下水, 吹下海風, 講下馬騮講下狗睇下牛咁就到左西灣開餐啦.

要我陪行之餘唱好香港我真係唔識, 不過各國使節關心既問題其實都好實質, 唔知會唔會係你都關心既問題...

比利時使既大使問香港可以係邊度放狗, 佢地住愉景灣算是一個對狗友善的地方, 但香港的公園和所有地方都不許狗隻進入....他們可以去那裡? 他說在比利時只要你的狗是乖乖不滋擾的, 幾乎可以帶他到任何地方, 甚至乎可以上餐館乖乖地伏在桌下陪你用膳.

幾乎所有團友都關心這些垃坄是那個部門去處理. 點由山上帶走. 幾乎所有地區的人都認知去郊野把垃圾帶市區/家才棄掉是理所當然的. 裝滿水的樽大家帶上山不吃力, 帶度帶一個空的樽離開就有困難?

意國代表對於我們整條路都鋪滿水泥感到奇怪, 他厚道地說在義大利不會用水泥把路蓋住. 水泥路可能方便電單車巡邏方便村民運貨, 但我的雙膝其實己投訴了很多年.

大家坐下來見到裝觀的垃圾袋陣, 都跑過來問沙灘上的垃圾是誰處理. 在郊野公園範圍裡應是是漁護處. 不過條線又點分呢, 想起了好幾年前, 不說得清楚是不是西灣了, 滿灘是電腦熒幕, 漁護處海事處一個推一個的攪了好個月.

希望灘上垃圾的是潮夕沖上不是遊水留下來吧. 可惜我們這團人至少浪費了一堆食物. 不得不提西灣的餐廳沒有用即棄餐具, 咸田灣那些即棄餐具, 嶂上那些用發泡膠裝的豆花, 再好吃我也提不起興趣.

這天雖說是義務工作, 但我都有收獲架, 不過當然唔係用錢計啦, 美景當然不在話下.

仲有沿路抽既水啦...hehe

仲有未出發先抽水

我唔係白抽架, 有幫佢地按摸架.

抽完一隻又一隻.

你睇下佢地個樣幾冧....

如果可以帶埋豬仔去就prefect啦.

攞你命三天之勞動假期勞動去---狗地營上驕(3)

上篇BLOG, 媽咪講到帶我地去露營幾偉大, 又講到我霸左佢張睡蓆幾咁衰.
實情露營玩得咁開心, 係佢地多得我地唔少. 等我仔仔慢慢講個真相你睇聽.

首先媽咪用五指山控制我地既活動, 我地平時都慣架啦.

爬山去營地點, 媽咪跟唔上我地既步速, 我地要坐定定等佢. 仲要笑住歡迎佢.

去到營地, 我地妹妹要做哨兵, 上山幫佢地視察下環境安唔安全.

巡邏完就要做下公關陪大小朋大.

陪完小朋友又要做下MODEL俾大人影下相.

大風起營要醒目幫手責住D野.

唔好俾風吹走.

相入面既姐姐好似好錫糖糖咁抱住唔放, 實情係佢帶唔夠衫, 迫狗地做狗肉暖袋俾佢取暖.

做暖袋己經唔算最慘, 肥波就俾爸爸拉左去做陪訓.

做完陪訓仲要幫人踩背按摸.

我仔仔就要去巡場, 睇下邊個營友整既野最香. 有時仲要幫手試味

又要看住D野食, 但係唔準偷食....

營入面既財物就派左豬豬看守住.

離開營地時, 大人帶黎既水用唔曬, 我同妹妹就幫佢地消耗下, 等佢地唔食浪費之餘又唔使孭返落山.

回程時我地當然要一狗當先幫媽咪開路.

仲要睇實佢有無碌落山.

你話我地係咪勞苦功高, 你話媽咪去露營係咪無左我地唔得.