秋季大露營(一)---去過返尋味

媽咪話依排好多節目, 出blog出唔切, 又話工作好忙無時間寫blog. 其實講黎講去都係一個懶字之麻．

不過都好呀有d空間等我仔仔同大家介紹返我地上個月去既秋季大露營. 話說我地係阿崗昆玩完露營之後, 媽咪就成日嘈住要再去, 買左個新營無耐, 終於出發.

地點我都唔知係邊. 不過營地附近有好多樹.

朝早食過早餐就可以行下山.

食完午又可以坐車去睇下風景.

有大大個藍天同大大朵白雲

仲有大大塊草地俾我同妹妹喪跑.

你追下我, 我追下你咁.

仲有紅葉添呀.

大家估唔估到我地去左邊度玩？

豬豬的第一次

豬豬終於有她的第一次. 這個第一次, 比她第一次起水更有才表性; 比她第一次過生日更值得慶祝; 更比她的第一次去旅行更興奮.

不用再估了, 這就是豬豬第一次學會交朋友, 還跟朋友仔玩得快樂無比.

這是今年夏天八月份的豬豬, 在沙灘上的她眼神仍是怪緊張的, 第一次遇到身後白色的雪橇橇---MINGMING時, 連眼神交流也沒有.

到了十一月, 豬豬的尾巴仍是夾得實實的, 還好面上多了點笑容.

再多過一個月, 即是十二月初, 時情又起了變化, 豬豬在人多的地方不再是逃跑, 而是躱在我們身旁, 到熱身時間過了, 意然跟朋友一起跑跑湊熱鬧.

同一個週未, 遠足到嶂上的大草地, 還一狗當先地跟士多的陌生狗追逐.
(時發太突然相機來不及對焦)

十二月中, 四人六狗到海下灣仔走走, 四野無人的大草地和海灘, 豬豬回復自我, 跑得樂不可支, 豬豬跟仔仔追逐的片段不再新鮮, 不過大家要留意相片的角落悄悄地出現了一個真命天子

就在豬豬身後出現, 加入了她的生活, 成為她第一個朋友.

就在那天, 豬豬學會了跟仔仔以外的狗玩樂了.

還要一如以後的玩得狂野, 沒有一點拘泥

今年聖誕, 繼續跑跑追追追碰碰

她還獨個兒跟MING BOY去探險. MING BOY多謝你教曉細膽豬豬交朋友.

仍記得年前大伙兒燒烤你怕得躲在樹林裡怎樣叫妳也不肯出來. 跟今天相比，這一切一切的進步, 爸爸媽媽都看在眼內, 豬豬妳重新擁有的自信, 就是給我們最好的聖誕禮物, 要繼續加油呀.

從妳跑來的第一天起, 差不多兩年的時間, 豬豬可以終於可以告別這個既可憐又細膽的樣子. 豬豬我們繼續一起大步大步的向前跑. 爸媽永遠都支持妳保護妳.

MERRY CHRISTMAS

今日就係聖誕前夕, 我家既雪人到今日先開工....

仔仔豬豬都要影返D節日相同大家講聲聖誕快樂.
仔仔: 做咩要狗地扮到鬼咁馬陸...
豬豬: 你都唔係第一日識媽咪架啦, 佢至叻無果樣整果樣架啦.
仔仔: 咪係, 攪到我咁鬼樣, 我屎都唔望鏡頭架啦, 如果唔係以後點見人呀.

媽咪: 你地兩個做咩唔望鏡頭呀, 係咪唔想食聖誕大餐呀?
仔仔: 唓, 又用美食黎要脅狗地, 一D新意都無.
豬豬: 仔仔哥哥, 橋唔怕舊最緊要受呀麻, 你睇吓你咪即刻望鏡頭.
仔仔: 咁敷衍下佢都要架.
媽咪: 你地兩個使唔使咁行貨呀, 唔收貨呀.

豬豬+仔仔: 嘻嘻嘻, 祝大家聖誕快樂呀

冬至，你冷不冷？

抽水EE又要忙於工作了，所以由Oscar代筆

這麼快，又是做冬的日子，豬仔爸媽當然會跟他們的爸媽做冬，豬豬仔仔和小貓三四當然亦會過一個快快樂樂的冬至，但地盤的狗朋友、村中的村狗朋友，他們又可會感到世間的暖流嗎？

記得早兩日出席朋友的婚禮，新郎致詞時說，新娘子最美﹝那個敢說不是自己的新娘子最美？﹞，但最美的地方是她的一雙眼睛：

你看看她的眼睛真的很美嗎？
或者你會不同意，但新郎繼續說，他在她的眼中，看到她對世界萬物的愛，這份愛，超越了任何外在的美....

繼續說下去前，先祝他們生活美滿

因為，這個世界若沒有了對身邊小朋友無條件的愛，這個世界只是一個沒有陽光的嚴冬的世界。

話說回來，大人做冬當然可以可大可小，豬仔爸媽的爸媽其實都比較喜歡簡簡單單一家人一起吃飯就可以，所以以豬仔爸的情況舉例，他們只是相約到大X樂一起火窩便是做冬了。在去火窩之前，豬仔爸為豬仔媽多預備了一些雞肉，因為他們要去地盤見小熊爸媽，黑妹，小黑妹等等，做冬，畢竟不可以沒有他們的份兒，雖然在地盤狗來說，他們已經是列入上等的一群，有食有住。

一到地盤，黑妹、小黑妹已經在那裡，看她多開心...

小熊爸媽也聞風而至....

肥肥的小朋友，當然平日是溫飽的，不過都要分享做冬的美食.....

一起來開餐吧....

美食有限，臨走前再加點乾糧。

回到家後，是自己的貓狗和村狗做冬的時候了，先要預備他們的食物：

仔仔等得累了，這個姿勢可以支持久一吧：

狗狗開餐前，貓貓先嚐味：

是時候狗狗開餐了：

當然沒有忘記村狗：

不過黑妹及黑臉都沒有出現，豬仔媽將他們的部份放入雪櫃中，今早見到他們時，他們獨享了做冬的美食。﹝不過因為忙著趕車，沒有拍照﹞

其實，不用看抽水EE的眼，只要看看這些流浪小朋友的睛中所展示的幸福，我已經可以肯定豬仔媽是最美的了，冬至之後聞說天氣會急劇轉冷，你冷不冷呀？我肯定不冷，因為我的身邊有一股強勁的暖流。

妒忌

豬豬 : 仔仔哥哥呀, 我地係咪太靚仔靚女呀?
仔仔 : 傻豬, 依個係鐵一般既事實, 點解妳突然咁講呀?
豬豬 : 因為我感覺到有野妒忌緊我地呀.

豬豬 : 仔仔哥哥, 你唔信呀?
仔仔 : 我唔係話唔信, 但係都要有証據先得架.
豬豬 :  你睇下, 條草都唔抵得要遮我地.
仔仔 : 依個只係咁岩有條草姐, 你係咪諗得太多呀.

豬豬 : 梗係唔係啦, 我地行行下咪見到士狗BB既, 你記唔記得?
仔仔 : 梗記得啦, 佢地咁可愛.
豬豬 : 但係佢地, 一個見到我地就調頭走, 另一個就豎起曬d頭髮, 唔抵得我耳仔豎呀.

豬豬 : 仲唔止呀, 爸爸幫我影相果時, 麗麗唔抵得, 一個屎眼咁"得"係鏡頭前面呀.

仔仔 : 你講講下我又覺喎, 特工ee想同我合照, 麗麗都走埋黎攝鏡架.

仔仔 : 之後黑黑個屁股又大大個咁遮住曬.

豬豬 : 係呢, 你都覺呢, 我地影大合照佢地仲企到離行離勒.

豬豬 : 其實都唔使妒忌我地呀. 雖然我豬豬跑起上黎個樣好可愛.

豬豬: 但係麗麗姐姐跑起上黎有個小肚腩一樣咁可愛.

仔仔 : 其實都唔使妒忌我呀, 我仔仔既眼神雖然好誘人.

仔仔 : 但係黑黑個傻樣都一樣咁誘人...發笑呀.

豬豬+仔仔: 其實我地雖然係靚仔靚女但係你都唔使妒忌我地, 亦都唔使怕我地搶你鏡架. 因為避都避唔住架啦.

豬仔媽: 你地兩個發完白日夢未呀, 黑古甩凸, 鬼有人妒忌你地.
豬+仔 : 媽咪, 問心果句, 你真係話我地唔靚靚...?
豬仔媽 : 你地係咪想話我口不對心呀.
豬+仔: 媽咪發火, 非同小可, 閃呀.