怪錯好狗

一直以為我地都以為豬豬趁我們不在家家時攪破壞, 當中包括貓貓睡覺用的籃...

因為在豬豬出現之前家中並沒有任何被仔仔破爛的紀錄. 所以每次面對滿地碎片之時, 我們無可能不判定是豬豬牙痕所至.  牙痕不是罪, 我們當然買咬骨, 骨頭, KONG等咬物給她....

誰知.....這並不能解決問題.....
因為凶手不止一狗....

幾個星期前的一個早上, 我在家中聽到了格格唂唂的怪聲, 沿聲源頭出發....

我發現了發口痕的黑仔...

黑仔 : 咬咬咬

住

黑仔: 你睇我唔到, 你睇我唔到, 我咬咬咬...

成條咁扯出黎咬....

住

媽咪 : 黑黑, 你攪乜呀....想屎呀....

黑仔: errrrrr.....無呀, 無呀, 我想行入個籃度覺覺豬之麻...
媽咪 : 你當我盲, 定當我聾, 定當我傻架....吓....好停口啦你.

最後一夜

藍藍 : 我最鍾意同狗地一齊訓....

藍藍 : 我鍾意用個頭刷狗地既腳...

藍藍 : 我又鍾意用狗地既腳腳黎枕住個頭...

藍藍 : 更加鍾意成個身貼住狗地個身一面取暖一面温馨...

豬豬 : 藍藍, 你要訓好快d痴實d啦, 媽咪話我地今晚唔可以再黎係依個屋企啦.

藍藍 : 吓...咁....我地點算呀....
豬豬 : 你唔好問我, 我都唔知, 總之今朝有床今朝訓....

小黑豬 : 媽咪, 佢地講既野係咪真架, 我地今晚之後就唔可以再留係依個屋企啦.
豬仔媽 : 係呀, 完全正確.
小黑豬 : 媽咪, 你咁忍心, 你捨得架啦.
豬仔媽 : 咩唔捨得唧, 天下無不散之筳席
小黑豬 : 吓.....
豬仔媽 : 吓乜唧, 我地搬屋之麻.
小黑豬 : 咁囡囡, meme同三小黑村狗佢地呢.
豬仔媽 : 佢地咪繼續係條村度law, 我地搬去隔隔隔隔離屋之麻....

搬屋進行中. 好忙..... @.@

挑戰臭腳

小黑豬 : 點解d人成日話狗既臭覺好勁, 我唔信, 我要挑戰狗地.

小黑豬 : 為左證明貓地既能力, 我今晚要挑戰狗地既臭覺.
肥啡公主 : 小黑豬, 你唔好做埋d傻事啦, 狗地既臭覺真係唔可以隨便挑戰架.

小黑豬: 你地唔使勸我啦, 我好有決心架.
肥啡公主: 咁我無眼睇啦.
黃仔: 我離遠都聞到佢既臭腳幾厲害, 你唔使行咁近呀.

小黑豬 : 我不聞臭腳誰去聞臭腳.

大家睇下小黑豬幾傻, 人地挑戰臭覺, 佢就去挑戰臭腳, 走去豬豬隻臭豬腳度又聞又舔....好彩小黑豬唔識錫人既唧....

你又摸我又摸...

其實狗地團拜仲未講完, 不過講下新野先.

話說星期六我地一家四口去左Pet Central上堂,
你地睇下豬仔爸同豬豬個樣估唔估到我地學咩呢?

估唔到? 咁睇埋仔仔個樣.

再睇埋我隻手同阿仔隻手....都估唔到?

咁睇張NOTES啦, 開估啦, 之唔係按摩LAW. 係ANNIE開班教幫狗地按摸呀, 所以仔仔豬豬個樣咪咁爽LAW. 不過如果按到佢地攰既地方, 又或者酸軟既地方, 佢地就唔係好耐煩架啦.

上堂當然不忘抽水啦. 你地估下隻大狗狗係咩品種.

佢真係可愛到人見人抽, 所以中場要補充水份.

幫狗地按摩完, 攪到我鬼咁攰, 於是就去搵幫手啦....EASTER BB....

抽水EE : EASTER BB, EE個肩背好攰攰呀, 幫我醒幾野呀.
EASTER BB : 見係抽水EE你咋, 私貓醒你幾野啦.

EASTER BB : 爽唔爽先.
抽水EE : 要大力少少呀唔該.

EASTER BB : 咪話我唔警告你呀, 有得你嘆就咪咁多野講, 多多要求呀.
抽水EE : 得得得, 你依家踩緊果個位好得, 用力踩落去呀唔該.

抽水EE : 仲有呀, 我手臂都好酸軟呀...
EASTER BB : 手臂呀....得得得.

抽水EE : 落D 落少少果個位呀.
EASTER BB : 都話唔好咁多要求呀, 信唔信我唔出掌出爪呀啦.

仔仔 : 媽咪, 你咁都得呀, 要EASTER幫你按摩.
豬豬 : 仔仔哥哥, 你唔係跟媽咁耐都唔知媽姓乜呀.

雯雯 : 貓地初黎報到, 有少少驚喎.
仔仔: 咁你坐係我身邊, 我掩護你啦....
話口未完抽水EE隻手又出玩左係鏡頭既左下角....敏敏佢睇怕都....

狗狗新春團拜---魔法廚房

今次唔講狗地住...

話說抽水EE屋企有個魔法廚房, 魔法廚房出品既美食既全部都落左魔法, 狗地都會係GOOD BOY GOOD GIRL. 下面鋪滿成張枱既美食就係魔法美食啦, 都唔好好多姐, 只係有一個三文魚蛋糕, 一個肉批, 三盆意粉, 一盒漢堡扒, 仲有五款餅餅咁啦....

但係由於魔法廚房既魔力太厲害啦, 連嵐嵐小朋友都放棄隔離枱NO DOGS ALLOWED既食物, 走黎要同狗地一齊狗餅餅.....

狗地食左就話變GOOD DOGGIE, 小朋友食左會點呢....
嵐嵐只係咬左兩口餅餅, 佢話 : 我己經充滿力量...

嵐嵐食完餅餅之後, 就知道都狗地係GOOD BOY, 所以要佢錫佢地.
佢第一時間就去請教指水EE錫狗地既技巧.
首先去學幫仔仔梳頭....

然後就幫仔仔按摸, 你睇仔仔個樣幾梳乎.....

仲要裝水俾狗地飲.

佢既新相識男朋友仔見嵐嵐要做咁多野, 就好識做咁即時送上能量小食俾嵐嵐補充下啦. 家陣D細佬真係精乖既唧...

男朋友仔仲拉住嵐嵐對手, 話邊都陪佢去喎....嘩嘩嘩咁細個就咁識冧女.

食左魔法餅餅既嵐嵐就拉埋男朋友仔去同仔仔傾計啦.

不過原來魔法既效力唔止服侍狗地咁簡單架....
你地估唔估到咩事....

就係狗地影大合照時, 嵐嵐走埋入去呀, 原來嵐嵐己經當左自己係狗地既一份子, 乖乖坐係度影大合照....

你地有邊個想食魔法曲奇?

狗狗新春團拜---步步高陞

依篇blog我己經打左前後三次啦....屎人yahoo....

星期六, 係狗地約埋新春團拜既日子, 天氣好好呀.

媽咪話, 新年要做返d應節既野, 亦是我地一行九人十狗就身體力行去登高啦, 實行步步高隆, 行完山仲一定精神爽利添呀.

好啦, 要介紹下當日出席既朋友仔啦, 佢地就係朱家四大名捕啦.
點解得BOBY, JESSIE同DOLLDOLL三個?

因為卡卡小朋友好興奮, 不斷來回咁跑, 足足行多我地一倍路唔止呀. 卡卡話佢第一次行咁樣既山, 所以特別興奮呀, 你地睇下佢笑得幾開心.

仲有媽咪既舊街坊, 佢個名你一定聽過, 之唔係...OSCAR.

仲有OSCAR個妹妹, 叮叮呀, 我地第一次見面咋, 佢好靚女好可愛呀.

去行山又點少得上山下海既朋友, 肥波呀, 你唔好睇佢狗仔細細呀, 媽咪話佢咁大個狗去既露營分分鐘多過佢咁大個女去既露營喎.

山上既速度越黎越慢. D大人開始係又影唔係又影啦.

仲要狗地企定定俾佢地影.

影完又話要飲水, 估唔到肥波個水兜又幾岩咀型架喎.

其實你估我地直係唔知班大人諗乜咩, 只係唔敢踢爆之麻.
點知年紀細細既叮叮最勇, 佢忍唔住出聲啦.
叮叮: 你地無氣就停底抖下啦, 唔好係度扮影相啦.

仔仔: 叮叮, 至醒你你, 夠膽踢爆佢地扮野
叮叮: 哼, 使乜講.

我地太了解班大人, 一停底就係派米時間, 阿拉斯加魚毛呀...正呀.

食過能量小食, 我地就繼續上路.

本來林蔭處處不知幾好行...

點知越行越唔對路, 行到步步為營之時, 神勇既dolldoll又有對白啦.
DOLL DOLL: FOLLW ME!!!!!

BOBY : 好彩我也有四隻腳, 條路幾斜都唔驚.

JESSIE: 但係我真係有d驚呀, 依度都唔係路既...
BOBY: 唔使驚喎一下就跨過架啦.
卡卡: jessie你咁驚, 一於唔好行啦, 好似我咁跑落黎啦.

唔使兩個鐘就完成依條路啦, 個出口係咪好有逃出生天feel啦.
仲有行完山狗地個樣特別醒晨架.

行完山我地就出發去匯合其他狗地去大草地進發啦.....