依篇blog我己經打左前後三次啦....屎人yahoo....
星期六, 係狗地約埋新春團拜既日子, 天氣好好呀.
媽咪話, 新年要做返d應節既野, 亦是我地一行九人十狗就身體力行去登高啦, 實行步步高隆, 行完山仲一定精神爽利添呀.
好啦, 要介紹下當日出席既朋友仔啦, 佢地就係朱家四大名捕啦.
點解得BOBY, JESSIE同DOLLDOLL三個?
因為卡卡小朋友好興奮, 不斷來回咁跑, 足足行多我地一倍路唔止呀. 卡卡話佢第一次行咁樣既山, 所以特別興奮呀, 你地睇下佢笑得幾開心.
仲有媽咪既舊街坊, 佢個名你一定聽過, 之唔係...OSCAR.
仲有OSCAR個妹妹, 叮叮呀, 我地第一次見面咋, 佢好靚女好可愛呀.
去行山又點少得上山下海既朋友, 肥波呀, 你唔好睇佢狗仔細細呀, 媽咪話佢咁大個狗去既露營分分鐘多過佢咁大個女去既露營喎.
山上既速度越黎越慢. D大人開始係又影唔係又影啦.
仲要狗地企定定俾佢地影.
影完又話要飲水, 估唔到肥波個水兜又幾岩咀型架喎.
其實你估我地直係唔知班大人諗乜咩, 只係唔敢踢爆之麻.
點知年紀細細既叮叮最勇, 佢忍唔住出聲啦.
叮叮: 你地無氣就停底抖下啦, 唔好係度扮影相啦.
仔仔: 叮叮, 至醒你你, 夠膽踢爆佢地扮野
叮叮: 哼, 使乜講.
我地太了解班大人, 一停底就係派米時間, 阿拉斯加魚毛呀...正呀.
食過能量小食, 我地就繼續上路.
本來林蔭處處不知幾好行...
點知越行越唔對路, 行到步步為營之時, 神勇既dolldoll又有對白啦.
DOLL DOLL: FOLLW ME!!!!!
BOBY : 好彩我也有四隻腳, 條路幾斜都唔驚.
JESSIE: 但係我真係有d驚呀, 依度都唔係路既...
BOBY: 唔使驚喎一下就跨過架啦.
卡卡: jessie你咁驚, 一於唔好行啦, 好似我咁跑落黎啦.
唔使兩個鐘就完成依條路啦, 個出口係咪好有逃出生天feel啦.
仲有行完山狗地個樣特別醒晨架.
行完山我地就出發去匯合其他狗地去大草地進發啦.....
嘻嘻.........新年進步 第一 [版主回覆02/03/2009 16:44:00]仲好過, 回應又咁快手, 又唔見你快手d帶兩隻野出黎抽下水.....
回覆刪除都唔知你哋幾有分唇 [版主回覆02/03/2009 17:19:00]寫左係個blog度十年啦, 你掛住訓唔上網又點知呀靚女....
回覆刪除BIZZY : 爸爸, 你估E度飛行服務隊到O吾到尼? 爸爸 : 邊樹有人需要E個服務? BIZZY : O米.....你...... ( 越講越細聲 ) [版主回覆02/03/2009 19:32:00]BIZZY你係咪想無飯開呀, 咁老實架..... 依度落山快過CALL直昇機呀, 如果慢慢上山, 條路頂多咪兩星, 咁鬼短減四分一粒星添呀.
回覆刪除嘩!! 原來條山路咁難行架!!會唔會好危險架?? [版主回覆02/03/2009 21:11:00]條路有驚無險, 團友們都話OK呀. 狗地仲超HIGH添呀.
回覆刪除淨係睇最後果 4 張相, 好似睇緊 homeward bound 咁. [版主回覆02/03/2009 21:24:00]哈哈, 佢地條線前半段係"homeward bound"成日帶細佬行既黎架, 不過後半段佢地梗係唔會行啦.
回覆刪除好玩呀...下次我地都要去.. [版主回覆02/04/2009 11:17:00]好呀, 你地都係住西貢? 咁近梗係要一齊玩啦...yeah
回覆刪除多謝您觀看我的blog, 在有線寛頻的事件中, 您認為應該怎樣處理吧?
回覆刪除會長, 唔怪之得咁耐先見呢篇 blog, 我都試過比 yahoo 激到想爆粗, 最高記錄打咗5次。 [版主回覆02/04/2009 11:22:00]係呀, 連打幾次打到無曬mood啦.... 激屎我啦...
回覆刪除係喎, 條路愈難行d狗愈開心喎, 佢地心諗都係我地買隻腳既勁d, 睇下你地行得幾辛苦~ [版主回覆02/04/2009 11:23:00]係呀多少少崎嶇路段, 多少少森林味道, 狗地會好開心架... 只係落山有少少難位, 唔係好辛苦, 好好玩架....
回覆刪除果日節目好豐富,要先付出(行山)才有收穫(開餐) [版主回覆02/04/2009 11:24:00]梗係啦, 行完山大家肚仔餓到時就乜都好食架啦...hehe
回覆刪除呢條都算係路,大家無驚無險無刮傷都過到,就一定係路啦! [版主回覆02/04/2009 11:25:00]原本想行另一條路架, 但係我地行左兩次都搵唔到個入口, 應該太耐無人行變左唔係路, 依條路沿路綁曬繩應該keep住有人行.
回覆刪除佢地四個不知幾開心呀 , 開心到瞓咗2日 tim , 真係要帶佢地行多 d 山山先得 ~ [版主回覆02/04/2009 11:28:00]今次行兩個鐘訓兩日, 下次我地行三個鐘佢地會訓三日架啦. 好呀, 一齊去行山山呀. 好熱鬧呀.
回覆刪除快樂的狗狗 [版主回覆02/04/2009 11:28:00]nonono係勁快樂的狗狗
回覆刪除I must join next time [版主回覆02/04/2009 11:29:00]聽住先啦...哈哈, 不過黑麗錯過左十年難逢一膶既狗地 homebake美食自助餐.....真係可惜呀....
回覆刪除GINA : 抽水EE, D餅餅好好味丫! BIZZY : 100個好味O咼! 係乜O野味? 自制定係買O架? [版主回覆02/04/2009 11:32:00]真係好好味, 咁就啡呢骨啦. 無得買架, 全部都係自制架, 你講邊種型狀既餅餅呀, 星形係蜜糖餅餅, 骨形無添加花生漿餅餅, 狗型係雞湯雞肉餅餅. 最好味既係魚形, 不過太受歡迎, 所以俾我地食曬啦
回覆刪除我都好想join你地行呀, 呢段路風景好靚, 下次啦, 等埋我啦 [版主回覆02/04/2009 11:35:00]你過你都敵唔過深涌既引誘呢.... 不過依條路太短啦, 你地山長水遠入到黎梗係要行遠d啦...
回覆刪除係呀, 我地住西貢架. [版主回覆02/04/2009 11:42:00]西貢邊頭呀, 係咪西沙果邊呀?
回覆刪除我住係獅子會附近, 一分鐘車程 [版主回覆02/04/2009 15:00:00]oic, 好近西貢市呀, 搵日約埋一齊玩呀, 我地住近黃石呀.
回覆刪除風景很美 見到相中嘅golden 又令我想起Mill 咁耐以黎我成日都想叫朋友俾佢跟我出去 本以為Mill呢個春天可以同我/哥哥/Mi出去玩 唉… [版主回覆02/04/2009 15:44:00]唔好太擔心啦, mill 一定會努力打底病魔, 再同你一齊出去玩架!!!!
回覆刪除泰臣: 好似好驚險咁呀! 下次我可唔可以參與呀?? 不過我咁大個仔未行過呢D山喎....唔知我得唔得呢? (其實係擔心家中兩老! 兩老又怕呢樣, 又怕果樣! ) [版主回覆02/04/2009 15:48:00]泰臣呀, 見你個相咁精靈, 我話你一定得即, 不過家中兩老依個問題都幾頭痛, 因為我地家中兩老都係咁....不如我地去d簡單d既熱下先先呀 豬仔字
回覆刪除抽水ee, 我o地要試o下你o既手勢, pls !! ming boy, sa sa 字 [版主回覆02/04/2009 17:18:00]哈哈你地想試ee massage既手摯, no problem啦, 幾時幾時.... 如係你地係講美食啦喎, 不過依d咁既十年難逢一膶既支會, .... 睇怕都要等下年(都有有返咁多日假期先整得出) 都係多得你地媽咪借出既食譜,
回覆刪除黃石? 好遠呀? 你地咪要兩架車? [版主回覆02/09/2009 22:03:00]都幾遠, 不過我返工唔使用車.跟豬仔爸車出去坐小巴就得.
回覆刪除我地係山狗, Li d 小路 easy job la ! 哈哈哈哈 [版主回覆02/09/2009 22:04:00]好, 一於山地狗大召集一齊去威.
回覆刪除行吓行吓又一年喇...!!!! 各位小朋友一年又醒過一年呀! [版主回覆02/09/2009 22:04:00]係呀, 行下行下快高長大呀麻
回覆刪除你地全程行左幾耐呀?? [版主回覆02/09/2009 22:05:00]好短架咋, 兩粒鐘唔使.
回覆刪除Coco 猪: 咦! 呢d 路 o岩 嗮我呀....下次预埋我地呀..... 等我乘机减吓肥囖.... [版主回覆02/09/2009 22:08:00]coco要減肥咁要行條長D既路先得. 順便得EE見你耐D
回覆刪除唔洗講, 一聽 OSCAR lee 個名就知係` 靚仔 啦, 叫得 oscar 一定係極品, 好到冇人有0架 , 豬仔媽 呵 , 因為我都非常認同 lee 個講法 ~~~ [版主回覆02/20/2009 08:22:00]係啦係啦, 查實小咪個account係咪俾人盜用左黎讚自己
回覆刪除