豬仔托兒所---潮

二妹 : 仔仔哥哥同豬豬姐姐話, 今時今日做狗仔要跟得上潮流先至會有人收留, 所以我二妹就開始學返D潮語啦, 唔係潮州個潮, 係潮流個潮...

今日學既潮語係 --- O咀.....

豬仔廚房---蒜香牛肝軟粒

仔仔 : 歡迎大家收睇豬仔廚房, 我係本節目既靚仔主播, 等我為大家試食.

導演 : 喂喂喂, 連依款係咩野食都未介紹就試食...
仔仔 : ER....咁我諗住趁熱食呀麻.

仔仔 : 今個星期既週未美點係---蒜香牛肝軟粒. 做法非常簡單, (梗係啦難少少既我阿媽都唔識整).

先將 400g 牛肝放入攪拌機攪成糊狀, 加入300ml 水, 400g 面粉, 一茶匙蒜蓉, 2 隻雞蛋, 65ml 橄欖油, 撈埋一PAT, 放入7" x 11" 既面包盤, 放入攝氏180度既焗爐爐30 - 35分鐘, 攤凍切粒就食得 (如果無狗趕熱偷食既話).

大家睇下出爐既樣, 雖然唔係好靚, 但係香到震, 香到二妹係度鶯鶯叫.

橫切面係咪靚好多呢.

好啦介紹完睇怕都食得啦麻, 我唔客氣啦.

豬豬話佢成舊黎唔使切.

二妹等到條頸長兩吋, 終於有得食.

呀如果一日食唔曬, 記得將牛肝軟糖放入保鮮盒, 放係冰格度, 食幾多就解凍幾多.

明媽 : 放心啦, MING-SA黎到我會整俾佢地食架啦, 話曬本食譜係你架麻.

豬仔托兒所---大鄉里出城

二妹 : 各位督督EE, 又係我二妹呀, 仔仔同豬豬話我係大鄉里, 所以要出城市受下訓練, 學做一個人見人愛既小朋友, 等我既屋企快D出現.

二妹 : TABLE MANNER依D野, 我晨早學左啦, 今次係學點樣去公園玩.

二妹 : 仔仔哥哥話, 要任人抽水先得人鍾意, 陌生人我都搖住尾俾佢抽水架.

豬豬 : 黎到公園有咁大片草地梗係要喪跑啦, 唔係大人會話咁遠帶我地黎, SIDE油架.

二妹 : 我明白啦, 咁白到耳仔都飛起收唔收貨呀.

豬豬 : 你仲要學碌草地, 等大人覺得你玩得好開心, 佢地覺得好滿足咁.

二妹 : 豬豬姐姐, 咁樣碌岩唔岩呀, 你指點下.
豬豬 : 差唔多啦, 差左少少笑容.

二妹 : 明白. 要笑住碌呀麻....

CAELEN : MAMI我又想碌埋一份呀.
明媽 : 你想下好啦.....

迪蘇 : 仲要記得伸條粉紅色脷仔出黎先可愛架.

二妹 : 哦哦哦, 伸條脷出黎扮可愛.

豬豬 : 做得好呀, 我地一齊伸條脷出黎架.

明明 : 豬豬honey, 你點都咁可愛架啦, 不過我陪你伸條脷出黎又點話呀.

二妹 : katy姐姐, 你可唔可以指點下我點做一個淑女呀.

katy : 做一個淑女唔可以成日伸條脷出黎, 要KEEP COOL!!!!!

LILY : 有時加少少憂鬱會更加迷人.

仔仔 : 二妹呀, 你咪學做淑女住啦, 你拿拿林攪掂d基本功搵返個屋企先攪咁多野啦.

SASA : 仔仔, 你咪鬼係度掃慶啦, 二妹, 等我教你爬樹, 識功夫既狗應該易搵屋企D架.

二妹 : 真既, 但係我有少少畏高呀.

二妹 : 得到各方狗友指點, 我二妹發覺自己真係人見人愛架, 你地幾時黎接我返屋企呀....

車尾箱藏狗

仔仔：我地架家庭車出左名細，有幾細，咪就係個車尾箱都裝唔落隻狗咁細。
豬豬：哥哥，你傻傻地架，車尾箱都唔係俾狗坐既。　
仔仔：我一時上錯位，扮無野之麻，你咪係度督爆。

豬仔爸：我地開車啦，阿仔你係咪坐尾箱呀。
仔仔：吓等埋我呀，我坐返上黎。

話說朝早去完玩，諗住開個尾箱放底個背囊先俾佢地上車，點知一開尾箱，個傻仔驚死無得上車咁，一野跳左入尾箱，佢好開心咁係度笑。。。

傻仔。。。咪責鬼爛尾箱Ｄ野呀。

糖糖眼仔病---醫學篇

話說我地帶左糖糖眼仔既相俾豬仔睇開既醫生 Dr. Robert睇....
唔睇由是開一睇敝加火....

原來糖糖係眼角膜外層磨損, 不過傷口越黎越大, 眼角膜變薄部份抵受唔到原先既壓力, 所以眼角膜就凸左出黎, 越凸越多.

下面個圖指住CORNEA就係眼角膜既位置,

狗狗既眼角膜有三層, 雖然糖糖只係傷左最外面果層, 但係因為傷口越黎越大, 所以就變左咁既樣啦.

引起眼角膜磨損既原因好難確定, 不過睫毛倒生, 俾俾毛髮拮到都或者有異物入眼等都會引起.

角膜磨損既病徵包括 : 患處腫大, 眼會變得模糊. 可以用熒光劑來檢定角膜是否受損. 受損既細胞會吸引熒光劑呈現陽性結果. 發炎和角膜受損初其病徵有點相似, 但若果兩隻眼同時出現病徵則發炎的機會比較大.

一般來說傷口附近細胞會增生來修補量處, 需是大概三到五日. 所以糖糖病發的第二天去看獸醫, 醫生處方抗生素葯膏是正確的.

但傷口越來越大, 超過傷口可鬆自瘉的能力, 持續下去角膜可能抵受不到劑出來的液體壓力而爆開. 所以醫生建議即時進行手術將眼球上方的部份組細織拉下縫合, 加強抗壓力. 醫生的手勢當然是關鍵, 但傷口復合狀況和視力則要待拆線之日才揭曉.

患病狗狗要避急 強光和猛烈陽光照射, 以減輕因瞳孔抗大而產生的痛楚. 必需細心處理傷口, 以為病程惡化而演變為角膜炎或角膜潰瘍.

新增資料 :
類似病例：http://www.vethosp.net/drvet/case38.htm#cure

糖糖眼仔痛 (今日三點點手術)

更新 : 問左豬仔睇開既醫生, 話要即時做手術, 建議去設備較好既自由道度做手術, 可惜周醫生放大假七月先返, 診所話入面既醫生唔會接眼既手術, 只會開葯....咁糖糖就黎左西貢做手術, 三點開始.

豬仔既朋友糖糖眼仔唔知點解前面多左陣白色晶體, 咁岩糖糖既daddy mami去左旅行, 咁既太平道既周醫生又放左大假七月先返....

照顧緊佢既朋友帶左佢去觀塘睇獸醫, 但係只係開左支葯膏同打左支止痛針, 咩事都無解釋.

糖糖未夠一歲, 發白既晶體又唔係眼球入面, 唔多似白內障. 眼壓望落去唔高, 但係黏左係眼上面既晶體都幾厚, 2mm都走唔甩, 有黃色分秘物. 糖糖唔痛唔痕, 食得訓得嗲得.

依家我地影左相, 晏少少帶去豬仔睇開既獸醫度叫佢俾意見.

有以下問題, 大家俾下意見.
1. 除左太平道, 仲有邊度有眼科醫生?
2. 如果去太平道睇普通科係咪同其他診所既普通科差唔多?
3. 有無狗地遇過差唔多既情況可以分享下?
4. NPV話佢地有眼科, 得唔得架?

温馨提示 : 如果怕核凸, 就唔好碌落去睇

等待

等待

太累

豬仔托兒所---私狗枕頭

二妹 : 豬仔托兒所以訓練實在非常嚴格, 所以我二妹都會好好享受每段休息的時間. 為了確保睡眠質素, 我二妹特別獲發私狗枕頭.

二妹 : 打側訓覺, 有相當承托力, 確保骨骼健康成長.

二妹 : 打直訓兩邊有毛毛墊住, 唔怕大風吹....

二妹 : 兩邊毛毛還可以修正面型, 保持可愛面尖尖.

二妹 : 貼著額頭訓覺就可以發個好夢...

仔仔 : 二妹, 你狗仔細細訓咁大個枕頭, 有無少少誇張呢......

黑白無常---小白熊爸媽

一個我最放心不下的小朋友.
一個樣子最酷, 行為最嗲的小朋友---小熊爸.

很久沒有見到小熊爸的笑臉, 誰叫他親眼看著至愛被捉走.

工作調動, 不過像以前差不多天天都來看你.
每每帶了美食放到你面前卻不為所動, 只是低頭站在你面前....

你認為帶來了他最愛的美食?
其實他最愛被人摸摸頭頭抓抓耳.

定定的享受著, 不管你用小手偷偷地拔起身上的牛蜱.

抓著他舒服的位時, 就側著頭準備翻過身肚皮向天的盡情享受.

享受夠了再張口慢慢地吃.

你以為他會心急大口咬下去?
他卻是温柔的慢慢銜起, 生怕牙齒會碰痛你的手指.

看著温柔懂性, 的你. 我最心痛, 我最擔心.
記著!!!那個負心的地盤你不要再回去, 看到捉狗的隊伍你記緊跑得遠遠!!!!

此情不再... 小熊爸媽因晚上追車, 向路人吠叫, 被人投訴.

此情不再...開車路過的司機竟然怕不可能比車子跑的快的你們.

此情不再... 路過的人聽到他們的吠聲投訴他們會咬人.

結果養小黑熊的地盤任由漁記把你帶走.
結果漁記因為被養小熊媽地盤的人阻止, 跑到養小熊媽旁邊的地盤把她捉走.
結果養小熊爸的地盤因為怕事, 吩咐工人停止供水和食物給小熊爸.

結果, 我只能不停地叮嚀小熊爸要事事小心
結.果, 我只能珍藏這相片

事發己經是去年底的事, 一直都沒有寫出來, 因為每次寫到中間, 都寫不下去....