萬千唐唐賀會慶---唐狗會一歲生日派對

今日天氣好好，Daddy Mami食過Brench就帶我同妹妹出街街．

今次比較特別，我地係路口等車呀．

村狗見到我地等車都覺得好奇怪，就走過黎問啦．

囡囡：仔仔，你地去邊呀
仔仔：唐狗會生日，我地去生日會呀．
Mimi：我都係唐狗喎，帶埋我地去得唔得呀．

村狗好乖，Daddy Mami當佢地係我地OCOY大家庭既一份子，大家都想帶埋佢地一齊去呀，不過佢地唔跟我地上車．

今次去一個新地方，叫PetMax，係一個可以人狗一齊Shopping既商場．如果多d甘既地方俾我地狗狗去玩就好啦，今次Mami俾我同妹妹自己揀零食呀，我大個仔大個女啦．

路途遙遠，好彩有阿星帶路咋．

到步之後，我地坐一架好大好大既升降機．四個人五隻狗都仲有位剩．

Mami話唐狗會生日要隆重其視，所以我同妹妹都要打返條煲呔進場．
不過我想要袋巾多d呀!!!!

等我介紹下我地既街坊俾大家認識啦．我地都係住係西貢架．

佢就係鮑美麗啦，天生麗質不在話下，仲全身珠光寳氣，美麗珍整左條釘滿珍珠既拖帶俾佢，仲有腰帶同手帶添呀．

佢家姐包翠兒一樣甘靚，唔講你唔知呀，佢己經十三歲啦，你話係咪保養得好好呢．

佢就係帶路既阿星，星媽俾左條新頸帶佢，算直就係迷人Pink Lady呀．

之後就係其他地區既朋友啦．

佢就係豬仔啦，佢型仔到爆，一企埋黎我簡直俾佢比下去呀．
依張相既名唐叫做豬豬豬仔仔仔!!!!

依個就係豬豬，佢同妹妹一樣名，但係佢Mami靚女好多，佢仲有條好靚既裙仔添呀．

佢就係細訓啦，都唔知點解其他狗地既Mami特別靚，真係恨死隔離．
細訓好緊張，無安全感，希望佢多d出黎同我地玩，大膽d啦．

見到人地手上面有好野食，甘我咪坐定定係佢面前law，但係Mami話我失禮喎．我覺得我好乖好有禮貎呀，我都無搶野食!!!

Mami叫我學下Cola Sheba，佢地坐定定等Mami派野食．我都想Mami學下She-la媽呀，She-la媽靚女好多law．

見大家甘多唔滿意，唯有出表演下等大家開心下啦．

Mami讚都無讚下我，就走左去抱Mocha-BB啦，真係呀!!!

狗狗有狗狗既遊戲

仲有人同狗既遊戲．

Uncle Issac好叻呀，贏左好多禮物呀，She-la就有口福啦．

Mami都唔執輸，又玩埋一份，多得我條尾生得特別．

佢就呃左一埋零食返黎．

不過返到屋企攞左成包分俾村B同村狗食，我分得一粒咋．

大家都玩得好開心，我地散曬，妹妹一返到屋企就訓到GurGur聲成隻豬甘，真係無改錯名呀．

唐狗會既哥哥姐姐UncleAuntie多謝你地攪左個甘好禮物甘好玩既Party俾我地呀．辛苦曬．我出年一定會提Daddy Mami再帶我地去架！！！

 

人在江湖－－－苦？不苦？

近日常往內地出差，主要在工地工作．

夏天苦，滿身是汗，要冒煙的頭上還要頂上安全帽．地上是雨水泥濘，滿地的建築廢料和剩菜引來滿天的蒼蠅．

冬天更苦，苦不在工地，而是每次外出食餐的無奈．

前天晚上，老闆指定要品嚐和味龍，名字很厲害，其實是水曱甴．一盤活生生的在水裡游，下一會就要轉往我們的口裡，我們苦著會吃，老闆笑著看．

曱甴是我最怕的昆蟲，腳毛觸鬚全都令人發毛．苦不苦？不苦，因為更苦的還有．

冬天羊腩煲差不多是每餐的指定菜式．羊腩煲來了，大家笑著說大前天吃了多少斤香肉，說著吃過美味的香肉不想再吃羊肉．原來之前更有同事被騙面前，吃了香肉過後才知根本不是羊肉．掛羊頭，賣狗肉原來真有其事．坐在桌上，聽他們風生的談笑，苦．

老闆要請日本來的技師吃飯慰勞，說要帶他們見識一下，跟他們講好，只會看不會下菜．我不否認這是我們飲食文化的一部分，但時至今日這些東西真的值得炫耀嗎？真的要人家見識嗎？見識和見笑你會分辨嗎？對我來說這跟日本人吃鯨魚一樣討厭．

來到了這環境美麗的餐廳，真正的苦來了．

幽美的環境，何苦之有？看到下面的招牌，心知不妙．

蛇．

鷺．看不出有甚麼好吃．

一堆鶚．這樣的飼養環境，沒有禽流感才怪．

狸．千萬不要跟他有眼神接觸，那可憐的眼神實在叫人受不了．

兔．這樣美麗的兔，明明是寵物兔，她會眼碌碌定眼傻傻的看著你，希望你會放她出來，還會上下左右地撲來撲出找出口，眼裡滿是疑問，為甚麼我們困在這裡？

兔子下面還有貓．可愛美麗的貓咪，斷水斷糧，一只怕得一動也不動，一只不停地哀救，朝著人走過去，想伸高頭踭磨討摸，卻發自己只撞到籠子，連頭也伸不直．

貓咪不明白，明明有家人疼愛，衣食無憂．為甚麼會在這裡．
自己最信的人卻出賣她．她一直叫一直問一直哭訴．

我想打開貓籠，我想抱起貓咪直奔．
我再也受不了，我跑到餐廳的角落躲起來，
可是無論跑到多遠貓咪的叫聲仍在我的耳邊．

不久，我被召回到餐桌．
當大家在津津樂道吃喝暢聚之時，
我的耳邊仍只是有貓咪的叫喊聲．

陽光，河畔，美景，”美”食．
我的心冰了，我的眼濕了．
好苦！！！

學人整餅

超市發覺有cheese cake唔使用焗爐，一於買來試試。

個盒寫話好簡單又好快手，趁Olive不在家，比個驚喜佢先：

個盒裡面只係有兩包野，一是餅底，另一個是芝士餡，自己仲要預備90克牛油同375ml鮮奶。

做餅底先，軟化90克牛油，因為個餅是甜的，所以牛油要用non-salt的那種，不過就算有鹽咸咸地其實都另有一種風味。我買依個牌子真係周到，打開包裝紙有每20克的刻度，免除我要去秤下90克要幾多先係：

我跟手將牛油放入微波爐叮左30秒，因為唔想等佢熔：

終於可以做第一個步驟了，就係將餅底同牛油混合並壓好在餅模內，做好後放入雪櫃內十分鐘左右，等佢固定個形狀，而依個時候就剛好用來做餅餡了：

做餡要鮮奶375ml，由於之後要用攪拌器攪拌幾分鐘，所以直接用攪拌器的容器量度鮮奶的份量：

原本材料都齊了，不過我鍾意佢多D酸味同多D色，所以我加多個檸檬同少少藍莓果醬。

檸檬汁我有個獨門暗器製造，是多年前買一袋某牌子的檸檬時送的，幾好用，好方便的呀：

之後就預備好個攪拌器

先加奶，再慢慢加入芝士餅餡攪拌

很快，就變得thick了

最後是將餅餡加入已成形的餅底內，盡量只向外推，不則會把邊的餅底弄散。

加點顏色便完成，放回雪櫃一個小時就可以奉客了

2008年曆

上次介紹製作貓狗年曆之後，不知大家做好你的年曆過年沒有呢？Oscar就趁Olive公幹唔會有人制止佢亂用D相，做左一批年曆出來，仲準備揀一套去咭卡皇之類的地方來印派街坊，由於是先做左一個模版套用，所以個個一式一樣‧ 如果你試過但係都唔成功，你可以通知我地，睇下可唔可以幫到你。下面的照片解像度有限，如果想用原大的圖，click入去就可以開大相。