臨行密密縫

出發日期越來越近，昨天才乖乖地把假紙遞上給老闆簽名．人的行李肯定未開始準備，豬仔的裝備卻一絲不苟的為求盡善盡美，想的易做的難．豬仔的鞋買了回來好一段日子，要改細，前後一共八隻，唯有按古人的經驗來一個臨行密密縫．

買鞋是怕萬一行程遇上下雪，豬仔的腳不習慣冷冰冰的雪地．

豬仔鞋仔有兩款，第一款是 Fieldline Camo Dog Booties 只有一個尺碼，產品介紹說適合七十磅到一百磅的狗狗，保護和保暖均可，不太耐磨，設計一般，仔仔穿起不錯，對豬豬來說大了一點，行幾步會掉下來．

另一款則是Ruff Wear Dog Bark-n-Boots，自豬豬上次整損腳 後己開始留意，經 買鞋買鞋買鞋 分析後訂購了，設計保護耐磨都是一流，可是這經典的鞋款己停產多時，找到己不容易，找到合適的尺碼似乎是沒有可能．最後好不容易才找到兩套加加大碼的．

只好動手改細，改好後就成了這個樣子．

但衫褲還好，改鞋卻不是易事，尤其對著手工這般好的鞋．先要界開線口．

剪掉部份鞋底再縫上．這是第一隻成品，好幾個月前己改好，但手工差得自己也沒法接受，於是閣置了好一陣子．

最近添置了超硬線，六號針和大的拆線刀．

方法一樣，拆開線口，剪走部份鞋底．

再縫合，並將魔術貼調底一下位置．

鞋底很厚，每一針下針都要不少力，弄了一整晚才完成一隻．

不過效果不錯．

穿上去也不沒有改裝過的感覺．

好FIT呀！！！

還有上次抓毛衣亮相後，有blog友提議多準備一件夾綿背心．
多得肥比比的幫忙，找到合身又價格相宜的．
豬豬是紅色的．

仔仔是墨綠色的．

而且是雙面穿，反轉是我最愛的格仔花紋來的．

豬仔去考古---西貢鹽田梓

八月十七日既節目，到依家先寫回憶錄．．．

豬豬：仔仔哥哥，今日星期日，我地要去玩呀，你想去邊呀，我開車車你去呀．
仔仔：唔好諗咁多開車，兜住風一路行一路諗．
豬仔媽：你兩隻野幾時考到車牌架，你地同我落返黎．
豬豬：但係今日星期日喎，無理由無節目架喎．
豬仔媽：梗係安排左啦，不過今次坐車去唔到架．　

唔係坐車唔係坐飛機，我地梗係坐船啦．上幾個星期見到網友話香港歷史硏究社組團去西貢鹽田梓考察，難得今次活動首領我地好朋友，鹽田梓有山有水又岩狗地去，仲要係聯合國教化科文嘉許既地方，梗係要帶豬仔去見識下啦．

豬豬：海風好舒服呀．個角落仲岩曬我．

仔仔：點解架船咁大，唔計船家得三個人兩個狗既．
豬仔媽：因為先兩日天氣唔好，所以好多人放飛機，報左名既人又遲左到，所以咪得返三個人．計返船費超甘呀．

船費咁屎貴，但係坐一陣就到啦，一落去就係沙灘，兩個小朋友又點會放過呀．

話口未完就落左水happy啦．

玩玩下，豬豬第一個覺得唔到路，因為只係見到媽咪，唔見左daddy，佢好緊張跳左上岸叫到叫唔住走左去搵daddy，咁岩仔仔又疴緊屎，顧得一個又顧唔到第二個．好彩鹽田梓係一個人煙旱至，但係又修叢得好好既小島．

於是，豬仔媽就拿拿林拖返住仔仔叫佢帶路搵豬豬啦．
好快仔仔就址住繩咁去到豬豬面前啦．

仔仔：媽咪，我係咪好叻仔呀．
豬仔媽：依d好似係你地天性黎架喎，咁叫做發揮本能咋．

原來豬豬真係走左去搵daddy，個島佢同豬仔爸都未黎過，條路有幾個分叉口，唔通真係聞到豬仔爸係邊？

跟住佢地兩個就要乖乖係度等daddy啦，因為daddy入左文物展館，狗地唔入得．

仲有間好古老但係保存得好好既聖堂，豬仔雖然唔入得，但係望下個門口影下相都得既．

入唔到去，睇相補數啦．

豬豬＋仔仔：真係好靚呀，睇到呆左．

可惜塊地太多蟻，大家都坐唔得耐，於是我地又轉去另一個地方探險啦．

依度就係當年既鹽田，當年村民就係靠曬鹽為生，鹽田梓個名應都係咁黎．
不過去鹽田條路好密，我地好懶無走近．

仔仔：依個就係我地既領隊李澤洗機長啦，佢最叻放飛機，不過佢好錫狗地架．

仲帶我同妹妹去霸度游水，成個灘同島都無人，真係超爽呀．
條霸係可以通去滘西洲，即係哥爾夫球場果個島呀．

個島風景有幾好？你睇下有唔少人黎影結婚相架．

不過我地貫切早起的狗兒好節目既宗旨，
到一對對新人上岸時，豬仔就同爸爸係碼頭度等船返西貢．

我可以做甚麼?

昨天還在逗地盤的新場新女時，收到霖霖急召，著我帶多點狗糧到隔鄰的爛地車場．

那裡跑來的小朋友，皮包骨，有點怕羞郤又太肚餓的在你面前吃糧．

全新毛髮腳落，瘦得不似狗形．

耳垢黑黑的就連眼四週的皮膚也感染了．

皮膚爛得見紅，有點異味．

原來一共來了三個小朋友，是誰把你們攪得爛溶溶再丟到這裡，這比找愛協或漁記把你們帶走更殘忍．
左起：哥哥，妹妹，弟弟

弟弟樣子很甜，耳朵大大的很精靈，同樣皮膚受了感染．

整天抓個不停，一定是又痛又癢，看見也覺辛苦．

妹妹情況較理想，但三個一塊活動的小朋友，被傳染相信也是遲早的事．

哥哥看起來笑得很開心，其實是熱得要命，四周沒有水源，渴得大脷掉下來．到附近取了一小兜水給他們幾秒鐘就沒有了．午飯時間丁丁霖霖連忙給他們準備了水兜．

昨晚回家準備了一大袋，吃的喝的，猶幸家中有一包幼犬糧．
（十五媽你的禮物，今天大派用場）

看著你的皮膚，除了一般的消炎葯，我不知可以為你準備甚麼．

看著你容易滿足的笑臉，我心痛，因為除了食物，你應享有更多的．

乖巧的你，為甚麼會弄得這樣的田地？

只是第二次見面，又搖尾又熱情的舉動，我敢肯定你們曾經有人疼的．

愛親人

愛被摸

還可以抬起他們的雙腳而毫不反抗．

三個小朋友，你們在這裡生活水和食物都不難為你們準備．

但在這裡生活還有宿命，是傷病被車死還是被舉報捉走．

心痛．．．

有人知道他們的皮膚是甚麼問題，可塗甚麼葯膏吃甚麼葯？記緊告訴我們．

債務一筆清

之前久落太人地tag未還太耐，係時候一次過處理下債務事宜．

我地債主們：
大耳媽
阿喪 (薯媽)
Cindy和Ah Dee的天地
Bibikam

還債開始：

現在最討厭是什麼？
乞人憎既人law，有好多架喎．．．

你喜歡什麼活動／運動？
訓覺算唔算運動呀？
唔算既話帶豬豬仔仔去玩去遊水就最好不過啦．

到目前為止，有什麼事你最難忘？
難既好多喎，要最難忘好難揀喎．
一定唔係結婚law

你想做男仔定女仔？
結果好想做男仔，大個女又無乜所謂喎．

如果可以時光倒流，你想到那時代？
各時多都有各時代既精彩喎，好難揀，總之中三之後啦．

最鍾意食邊樣生果？
芒果，大樹波籮，西瓜，山竹

如果全世界得你一個人，你會做什麼？
大件事，邊個煮飯我食呀．．．

鍾意什麼類型異性？
豬仔爸咁架law．

你是否支持領養小動物嗎？
梗係啦，有能力梗係去領養啦．

如果你係隻寵物，你想要個富有得有萬尺花園但好日唔見的主人，或一個窮得只可胡口但時時都細心照顧的主人？
兩極化既問題好有誤導，
屋企夠大夠食夠住又有工人照顧，狗地都唔知主人姓乜有乜所謂，
只夠胡口做佢寵物可能負累左佢，有病都無能力睇醫生．

點樣可以令自己不會有遺憾？
徐神父金句：做好每件事，食好每餐飯，訓好每個覺．

你覺得怎樣的人生才快樂?
識得欣賞人同事物，所有野都美好架啦．
只係搵人既不是，想快樂都難．
 
你身邊的另一人是否你最愛
當然啦，我好認真架，一定諗清楚先開始．

喜歡一個人你會主動追求嗎?
未曾有將來都唔會有人有咁大既吸引力令我去追佢喎．

結婚後想生幾多
零．

你認為男女朋友分手後還可以真心做朋友嗎?
睇下點收場啦．  

畢生志願係乜野?
做一個好人！！！

如果有一日俾你撞見虐待動物的兇徒, 你會點樣??
影底佢拍底佢，報警！！！

如果你可以揀一種特異功能, 你會揀邊種??
每樣野都有佢既安排，超能力未必係好事，
如果真係要揀，我想同動物傾計呀．

你而家覺得好後悔做過o既一件事??
無喎，諗唔起喎

知道自己時日無多,你會即刻做D咩?
唔知呀，揀定棺材，我要紙棺材，環保呀．

第時屎左俾你投胎會選擇做人,做貓,做狗,or其他呢??
我唔信投胎依家野架喎

我係咪好低能?
一時時啦，玩果時梗係底底能能先好笑架啦

若有一種食物要你日日食, 你揀什麼?
食手指呀，我依家都有keep住食架

係今年(2008年)完結之前最想做的事?
My豬仔旅行團