豬豬的抉擇

豬豬同明明追逐嬉戲既片段, 大家都唔陌生架啦.

明明通常會係旁邊望住豬豬同仔仔玩, 等到合適時機先至加入.

唔知點解, 明明突然縮左水....
睇真d, 原來唔係明明呀, 係比斯呀.

比斯好鍾意同豬豬玩, 唔同係異色同異性相吸?
豬豬跑, 比斯就追.

追追下仲拍住一齊跑添呀.

豬豬都跑得好開心呀, 仲跳埋落水添.

點知比斯都路埋落水喎, 陰公law, 咁鬼凍, 豬豬就話傻既唧, 見水就落, 凍屎比斯呀.

比斯發覺唔對路, 於是就係岸邊苦候豬豬上黎一齊再玩.
但係豬豬又發覺唔多對路喎, 於是就唔多願上返黎.

你地唔好睇肥SA矇下矇下咁呀, 其實佢挑通眼眉架....
佢拿拿林走去叫明明過黎幫豬豬解圍呀.

明明好快就過左黎

仔仔亦都好識趣地行開...

於是明明豬豬又埋位啦.

豬豬無乜幾可咁主動出擊架.

睇下兩個小朋友笑到幾開心

玩到難分難解呀.

連SASA都成全佢地, 係旁邊打氣呀.

依兩個狗地己經進入左旁若無狗既地步啦.

點知呀明明又衰喎, 走去阿比斯前面耀武揚威喎.

豬豬見到就唔係好開心啦. 佢返去問仔仔哥哥點算.
豬豬: 仔仔哥哥, 我鍾意同明明打架, 但係想明明又開心, 比斯又開心呀.
仔仔 : 豬豬, 男朋友就話要專一, 但係朋友係可以唔止有一個架...
豬豬 : 係喎, 點解我諗唔到既. 我叫明明同比斯一齊玩咪得law
仔仔  : 因為你狗如其名law.

一言驚醒夢中狗, 於是兩隻白狗同一隻黑狗就繼續係草地狂奔啦.

又於是, 豬豬越黎越識同狗玩啦....
又又於是, 豬仔爸媽又係度偷笑勒

無題

下面兩圖找不用同...

開估, 上面係豬仔爸既, 下面既係豬仔媽既. 兩個都忙住訓覺.

個病樣嚇親老細, 叫我快d返香港睇醫生, 無見班小朋友幾日, 睇完醫生又岩岩走左班巴士, 有三十五分鐘時間去shopping, 結果,

人食既蕃茄蕃仔紅蘿蔔, 買多舊狗地食既南瓜, 送多棵蔥, 廿蚊

人食既, 上面蔬菜, 加廿蚊攪碎瘦肉,加多嘜米, 一鑊熟

狗餸, 五蚊磅, 依舊十二蚊,  買瘦肉時加十蚊多兩個冰凍豬心

水煮

再加南瓜上兜

豬仔第一次成餐都係得肉同少許南瓜, 你睇佢地個樣幾唔耐煩. 因為成間屋都有肉香但係未放涼唔食得.

食得

貓貓竟然嘈住要食, 俾佢地又唔識食, 好啦, 開罐罐啦.

肉湯俾村狗飲, 天寒地凍正呀

起勢咁飲

舔到無曬都仲要舔個吉兜

吉兜無曬味就連地下都唔放過.

村狗們食豬心, 香味引來鄰家的shodow, 一場黎到梗係有得分.

當然唔少得鄰家既老鼠與豬, 他倆的主人外出工幹三週, 我就名正言順多兩個小朋友俾我練按摸

依個係阿豬, 同我家豬豬同名, 一摸就訓底任摸, 一停手會bear你

依個係老鼠, 一摸佢就塞個頭去你心口.

講你都唔信個兩小朋友都八歲啦, 一d老態都無, 初初拖佢仲鬼咁好力扯繩, 依家唔再扯啦, 叻叻呀.

去訓覺, 之前兩篇blog既回應過兩日先覆.

返到屋企好左大半, 睇怕我係對無貓狗毛既地方敏感....

慈母手中線---溫暖牌吊床

天氣轉涼, 係時候攪下新意思等班小朋友訓得舒舒服服. 於是乎又係開車時候.

屋企多左套豬仔姑媽俾既餐枱椅, 唔知因為太過高檔次又或因為年香港既居住環境無咁迫, 依套有十幾年歷史既餐枱下面竟然無位放雜物雜誌, 我地依家咁多既簡直係擠迫戶, 梗係要盡用空間, 把心一橫, 決定於枱椅底全都掛上吊床給小貓們...

所需用品...
布兩塊. 今次面係抓毛貪佢柔軟舒服, 底係餐巾, 貪佢做緊特價兼無咁易訓到變曬型.

繩. 今次用右邊既綿繩, 貪佢夠軟易打結又易車

當然唔少得枱腳椅腳

只係將底同面車埋一齊再車埋四條繩係四個角就攪掂

綁埋上枱腳度

小黑豬已經急不及待

伸出小手

係張吊床度轉個圈

訓埋落去....

小黑豬 : 舒服就舒服, 都唔知穩唔穩陣

小黑豬 : 等我去檢查下先

小黑豬 : 媽咪用左雙套結再加兩個stopper, 貓地咁輕應該安全既.

藍藍 : 既然又安全又舒服, 咁我唔客氣啦.
小黑豬 : 你訓左咁我訓邊呀, 喵....

怒---<<狗狗愛漫遊>>資料誤導

昨天難得放假，早上忙點工事以後，特地找豬仔爸一起吃午餐．
等人的時間不難打發，到附近的圖書館坐坐看看就是了．

要看書當然首選路狗地有關的書．選擇不算多，隨手拈狗狗愛漫遊．為狗地出版郊遊指南可以為未有太多郊遊經驗者有所指引，出發點實在不錯．

誰知，不看尤是可，一看把幾火．．．

內容豐富與否因人而異，內頁大量商業廣告和對特定的商店進行介紹，可信性令人質疑．

但翻到介紹大潭水塘的篇章，我就發現了不可容忍的錯誤內容．

書中加插了郊野公園的指示牌．

書中引敍的文字是

閘口告示牌
在閘口路旁位置，漁護署擺放了大型告示牌，除了一般遊客注意事項外，還呼籲帶同大型狗隻行山的人士，需要使用狗帶牽引牠們，以免意外發生

但指示牌的原文是

牽引你的大型狗隻
Leash Your Large Dog
你正在離開郊野公園
請用不超過兩半長的狗帶
牽引體重超過二十公斤的大型狗隻
Your are now leaving the Country Park.
Dogs weighing over 20kg must be kept
on leash not longer than 2 metres

大家都知郊野公園是對大型狗隻豁免牽引的地方，指示牌的對象是正在離開郊野公園的人，牌中所有文字跟書中所寫的沒有丁點關係．甚麼呼籲，甚麼免生意外，簡直就是放屁．

跟我們出去過郊遊的狗友們都會知到，我們一家習慣通常都是最後才解放狗地的，因為要對當地環境和豬仔當時的表現有信心時才會放他們．豬仔出外郊遊，跟我們四處探索已是賞心樂事，放繩喪跑是錦上添花的環節．但狗地的安全和對附近人士的影響亦是要審慎考慮的．只是怕真的讀者因看過書中內容而對自由行的狗隻指指點點和產生不必要的磨擦．

商業化和空洞的內容是讀者可以自行選擇買或不買，看或不看．但作為出版商，可以在書中寫出如果失實誤導的內容，試問作者編輯較對們，你們工作究竟有多認真？書中圖片清晰得隻字可讀，你們究竟有沒有看過？

只望各讀者都能明辨黑白．