攞你命三天之勞動假期勞動去---狗地營上驕(3)

上篇BLOG, 媽咪講到帶我地去露營幾偉大, 又講到我霸左佢張睡蓆幾咁衰.
實情露營玩得咁開心, 係佢地多得我地唔少. 等我仔仔慢慢講個真相你睇聽.

首先媽咪用五指山控制我地既活動, 我地平時都慣架啦.

爬山去營地點, 媽咪跟唔上我地既步速, 我地要坐定定等佢. 仲要笑住歡迎佢.

去到營地, 我地妹妹要做哨兵, 上山幫佢地視察下環境安唔安全.

巡邏完就要做下公關陪大小朋大.

陪完小朋友又要做下MODEL俾大人影下相.

大風起營要醒目幫手責住D野.

唔好俾風吹走.

相入面既姐姐好似好錫糖糖咁抱住唔放, 實情係佢帶唔夠衫, 迫狗地做狗肉暖袋俾佢取暖.

做暖袋己經唔算最慘, 肥波就俾爸爸拉左去做陪訓.

做完陪訓仲要幫人踩背按摸.

我仔仔就要去巡場, 睇下邊個營友整既野最香. 有時仲要幫手試味

又要看住D野食, 但係唔準偷食....

營入面既財物就派左豬豬看守住.

離開營地時, 大人帶黎既水用唔曬, 我同妹妹就幫佢地消耗下, 等佢地唔食浪費之餘又唔使孭返落山.

回程時我地當然要一狗當先幫媽咪開路.

仲要睇實佢有無碌落山.

你話我地係咪勞苦功高, 你話媽咪去露營係咪無左我地唔得.

攞你命三天之勞動假期勞動去---帳蓬山上紥(2)

張相係咪好壯觀呢, 依個就今次動節既重頭戲, 人狗上山下海勞動XCAMP. 點解叫XCAMP, 因為紥營既地點係秘密, 只有參加者先知.

一行好多人, 拖狗帶女, 孭住個大背囊就係五一既中午係北潭涌出發上山.

天氣太好, 程度達熱死狗程度, 豬仔要不斷淋水同飲水, 個背囊同埋大兜水拎到我地無曬表情.

不過為左依個靚景同與世隔絕既靚營地, 辛苦下都值得既.

雖然條路辛苦少少, 但係情質係HEA, 團友又唔驚狗所以我地就一家四口報名啦.
HEA CAMP就係早早去到營地紥營, 吹水飲飲食食, 第二朝訓曬食埋個早餐再施施然咁收營返屋企.

依個就係我地一家四口既營啦, 係全場最CHEAP既一個. 不過夠訓就得啦, 只要唔好太大風吹斷骨就OK啦.
(十六媽, 記唔認得營門個黃色水袋呀, 超好用呀, 多謝曬.)

我地仲HEA度係營地度學整面包.

大家都好留心學, 更加留心個包包幾時出爐一齊食.

悶悶地可以學肥波咁打個呵吹訓下晏覺.

或者可以好似仔仔豬豬咁同朋友仔玩下, 白色果小朋友叫糖糖, 佢六個幾月咋, 就跟DADDY MAMI露營游水, 真係幸福呀.

消磨時間同時可以磨下牙, 帶左生骨俾豬仔咬呀.

仔仔咬生骨咬到HIGH左.

肥波都勁呀, 有支長過佢隻腳既骨咬.

不過黎到大自然梗係食返D天氣野啦, 牛屎真係唔錯, 肥波聞到個鼻到長埋.

一對大黑狗.

一對小白狗. 就係大自群山懷抱自下開開心心咁跑跑跳跳.

佢地跑到攰就到我地開餐, 一人整一味夾食, 就有十幾個餸, 好味到震呀.

仲有西瓜涼粉做甜品, 一流.

大家都飲飽食醉就係覺覺豬時間, 豬豬就好乖咁訓係角落.

阿仔就衰格啦, 訓到半夜伏係我地豬仔爸中間懶嗲咁, 一個唔該側身再伸一伸對腳, 踢走我然後強佔我張睡蓆, 衰仔咁識嘆....可憐我拉極佢都唔郁焗住訓硬地.

五月份竟然俾我地享受到秋天露營既滋味, 不太熱有少少風, 天氣乾燥陽光普照. 上天對我們太仁慈了.

攞你命三天之勞動假期勞動去---龍舟水上飄(1)

五一假期的大清早, 參加完彌撒, 吃過早餐, 當然要參加一些應節活動去勞動一下, 看到下面的相片, 不用說你想猜到我的第一個節目是甚麼.

雖說龍舟練習是主菜, 但到荒島探狗地亦是我划龍舟的動力之一.

這次練習用的是大會艇, 大家都拿了掌就到碼頭邊上龍舟.

參加龍舟比賽不是第一次了, 不過這年有點不同, 因為豬仔爸也被拉了下水. 還要多得豬仔爸送的新防水相機才可以拍到練習的片段.

大家都坐好了, 就各海中心出發. 要練習姿勢, 要整隊合作跟跟齊, 還是了解比賽的模式, 也跟同在海上練習的隊伍切磋. 可惜今年的體能明顯退步了.

早場就會到沙灘上小休.

聽教練指導.

再分小組練習.

然後我就會偷偷地離隊....

去逗逗這個荒島上的狗兒....

這明明是個沒人住的荒島, 但不佑甚麼時候有人把一對狗遺棄在這裡, 從些一代一代的繁衍下去.

不要看這裡環境優美, 其實這裡不但沒有食水, 狗地還要面對好天曬下兩淋的生活, 冬天特別凍, 夏天特別熱....

最開心的就是見到他們的天使來.
這個爬獨木舟的外藉女子就是他們的天使.

每到假期, 她就會划獨木舟把食物和食水帶到島水, 情況許可的話就把新生的小狗帶離小島, 由saikung stary friends的朋友替小狗找新家.

最可惜的是, 大部份狗地都是在島上出生, 對人有一定介心, 所以未能帶他們去絕育.

Just do what we can do....這是我跟狗地天使一起說出的無奈....
究竟誰把狗地帶到島上....

人都顛

好耐無寫新BLOG, 連呃BLOG都無時間.

鬼咩, 大陸公司BLOCK左香港YAHOO (好彩YAHOO BLOG未有事), 公司電腦BLOCK左唔俾裝外掛, 即係想用YAHOO PHTO UPLOADER都唔得, 平時用黎放開相既FOTOP都去唔到. 你想我點....

越黎越多BLOG友搬屋, 大熱既SINA公司晨早封殺左, YAHOO寫野又無安全感. 咁多BLOG未清越唔知寫邊個先好.

坐個位又開揚, 唔可以開大個WINDOW巡BLOG寫BLOG, 又多野做, 又成鬼日都開會...

依兩個星期仲衰, 老闆放假去外遊, 千祈千祈唔好染豬流感快D返黎

我就黎發顛啦....

急---風乾機慈善活動更新(完, 捐款準備中)

忽然收到BLOG友留意, 發現之前"慈善風乾機"篇BLOG無啦啦俾人DEL左, 我都唔知點解.解, 斷估都係YAHOO惡意做成既野. 所以標題同內文都會避左d敏感字眼, 避免案件再次發生

好在大部份資料登記在GMAIL既SPREADSHEET內.

http://spreadsheets.google.com/pub?key=phMQ9F_l6vu2mD-CXv4LVAw

煩請各位檢對表上付款紀錄是否正確

在表上已訂的, 幫忙發貨的聲稱將於四月二十八日由國內寄出, 大概三到四天會收到, 收到後煩請留言給我.

未訂的會於五月初有新一批貨來時即是訂購,

目前最大的問題是那些不是我BLOG友,的買家, 因我沒有BOOKMARK買家的BLOG, 只能用電話通知已留電的買家. 而曾留言表示待新貨來是才下訂的買家, 我更無法聯繫.

為大家帶來的不便敬請見諒.

謝謝.

雨季悄悄到了

仔仔: 我一世型英飾靚正, 毁於今晚.

豬豬: 仔仔哥哥, 因乜解救你咁愁呀.

仔仔: 堂堂狗界影帝, 俾阿媽迫我著埋件咁既肚兜, 你叫我仲點出街見狗, 千祈唔好俾SASA見到添呀.

豬豬 : 唔係呀, 我覺得好靚靚呀.

豬豬: 著左佢之後, 媽咪話我可愛, 我諗明明都鍾意唧
仔仔: 小朋友真係易呃

豬豬: 係咪你想要紅色呀, 我同你換啦.
仔仔: 你咪算黎呀.

豬豬: 仔仔哥哥真係唔識貨呀, 著住佢訓發個夢都甜D呀.
仔仔: D小朋友真係又天真又傻...

今年落雨的日子真不少, 不想散完步回家幫狗地抺身抺到手軟, 亦不想家中遍地水跡, 更不想他們濕著身影響皮膚. 猶其是豬豬無水氹不歡的性格, 再配上厚厚的毛髮簡真令人有剷走她的肚毛的衝動. 去年添置了雨衣, 但雨後濕地都是令人頭痛, 跑跑跳跳回家又一肚水, 今年終於添置了防水肚兜, 豬豬好像很享受, 仔仔要委屈一下, 著肚兜總比濕著肚毛睡好受得多吧.