年三十豬仔生日會

豬豬年初二晚來我家，順理成章，她生日就設在年頭，而仔仔也不知何時生日，所以就設為豬豬生日一起了，過年大家都忙，生日會定在春節前比較好。今年，生日會定在年三十，約好朋友仔一齊行下山，再大吃一番。

不過，今年春節天氣真差，之前不停下雨，在前幾天的天氣預測還在說到時下大雨，真沒辦法，惟有請食物供應商手下留情，訂好的食物春節過後才享用，又要通知報了名大食會的朋友仔要取消活動，至於行山的，就到該日早上七時最後決定。

年廿九天氣大致安好，沒有怎的下雨。年三十一早看來天氣還可以，決定行山活動如常，並放心賭一下，請食物供應商再為我們預備食物，決定若天氣轉差，食物就用作過年幾天食用吧。幸好供應商雖然己經大清洗過年，還是答應了為我們預備。

雖然說生日會是年三十，預備工夫豬仔媽一早做好，為小朋友做好了小食及蛋糕。

終於出發，沒有下雨，連村狗也在屋頂歡迎我們：

今次選線是以初段上山為主，直上399米的雞公山，當然由半山起程，但山路因前幾天下雨變得濕滑較難行，大家都感到有點辛苦。

不過可愛老虎仔全程都笑容滿.

好明顯行到開始無乜表情. 

上山屎狗咁既樣啦.....

雖然沒有下雨，不過就超大霧。

終於上到是次行程最高點, 雞公山, 399米架.

但係狗地好似仲上滿電咁, 少少倦意都無. 

影下合照

影下風景就各下一站---大食會進發.

大食會就請左dolldoll守住食物桌，佢好盡忠職守呀：

豬豬仔仔係主角，除左有我特製的OCOY頸巾之外，當然有birthday boy同birthday girl名牌：

食物唔算精美，不過大家行完山都好餓，大致上沒有吃剩，狗狗還有吹爉燭儀式，由肥波代勞：

總覺得個天今次幫左我地，生日會可以行下山，先係狗狗生日會，如果唔係，只係大人借口吃一餐而己。至於個天點解要幫我地？係因為我地決定大食會唔收錢，但請大家自由捐獻比海地災民。結果籌到1550元，我地自己開心之餘，都好應該為其他受苦的人多做點事。

豬仔廚房---豬仔生日會2010前傳

話說一年一度既豬仔生日會又黎啦, 今年因為工作關係, 生日會前一晚先至係廣州返香港, 所以除左生日蛋糕之外, 就只可以提早兩日焗定D餅餅之類既小食. 時間關係, 今年只係整左花年曲奇同埋吞拿魚餅餅. 主菜就係牛肝蛋糕. 

本來仲買左材料整肉丸同埋漢堡架.不過天氣唔穩定, 驚趴地未能如期舉行, 到時豬仔有排都食唔曬, 所以唔整LU.

花生曲奇超級易整, 兩杯全麥面粉, 一湯匙發粉, 一杯無添加花生醬, 一杯低脂奶,
(下面張相係舊年生日會整餅餅用既材料, 今年轉左用全麥粉)

 

攪埋一齊. 搓成一舊

 

拍扁佢再用模印餅餅出黎, 骨頭俾大狗, 心心俾細狗.

排得靚靚地, 入焗爐, 華氏三百七十五度, 焗二十分鐘. 攪掂

吞拿魚餅餅非常好味, 連咀刁既仔仔都從未抗拒. 

一罐185g既橄欖油浸吞拿魚, 兩杯全麥面粉, 半杯麥皮, 兩茶匙發粉, 兩湯匙植物油, 四分一杯水, 攪埋一齊. 搓成一舊. 好似上面d曲奇咁拍肩再印公仔.

入焗爐, 華氏三百二十五度, 焗二十分鐘. 攪掂

出爐記得用架放涼先好入盒盒呀

 

就係咁大堆頭既餅餅, 唔知夠吾夠分呢. 

當然唔可以唔提主角---牛肝蛋糕啦. 

唔好以為蛋糕好難整, 一如慣例, 我整得既都係無難度又好味既東東. 

材料 : 350g牛肝(或其他用類)切粒, 4隻雞蛋, 1杯全麥面粉, 半茶匙發粉, 半杯麥皮, 半杯植物油, 半杯南瓜(或其他適合狗狗食用的蔬菜).

放曬入攪拌機, 攪到好似泥漿咁, 倒入鋪好焗爐紙的蛋糕盤, 入焗爐, 華氏三百五十度, 焗六十分鐘. 攪掂

成品就係咁

 

如果有心機當然可以用乳酪或茅屋芝士鋪靚個面, 如果唔係好似我咁於D餅上去叫做好過無咁啦. 不過狗狗唔理個蛋糕咩樣, 只係知道好香好味....YEAH

 

點解一次過寫咁多食譜? 因為過年過節, 有假期超市又開, 再無藉口唔開焗整d小食俾狗地開心下啦....

 

天氣潮濕, 無防腐劑既自家製美食, 食唔曬記得keep係雪櫃, 唔係好以變壞架.

2010豬仔生日會活動詳情及報名處

重要事項報告

各位參加者請注意, 由於天氣非常不穩定, 而食物準備需時,
所以野餐活動決定延期,
而行山活動則待今晚及明早天氣情況再作決定, 不便之處敬請原諒. 謝謝

大年初二係豬豬加入豬仔家既日子, 所以我地定左大年初二係豬豬仔仔既生日/重生既日子. 以慶祝生日為名, 出黎行行山食食野, 開開心為實, 為豬仔攪返個生日會. 活動依然係西頁大網仔一帶, 行山同野餐地點都跟去年不同.

日期 : 2010年1月13日星期六(年卅)

[為方便大家返家團年, 活動會於下午三時前完結]

行山部份：
集合時間 - 上午8:45(請勿遲到)
集合地點 - 大網仔巴士站士多
活動時間 - 約三小時
活動詳情 - 集合後組合汽車載人及狗到半山停車場起步，接入麥徑上雞公山，再轉離麥徑入黃毛應後返回半山停車場。
山線難度 : 兩星半. 路況良好兩星適合一般郊遊人士, 另加半星為上山路段.
路線 : 石坑圍 --> 接麥徑 --> 雞公山 --> 黃毛應
路線詳情  <---click me

聚餐/趴地部份：
特別注意 - 請自備人狗非一次即棄餐具包括載器、水杯、匙筷等
集合時間 - 中午12:30
集合地點 - 仁義路巴士站對面單車徑燒烤場
活動時間 - 不多於兩小時
活動詳情 - 到會式食物、歡迎自備分享食物、狗食物
如時間許石會加插集體遊戲.

歡迎各各位豬朋仔友參加, 請留言報名, 說明參加環節, 及出席人/狗數目.
facebook同時開話報名平台 <---click me

特別注意:
豬仔生活無憂, 所有生日禮物心領了.
是次活動設自由捐款箱, 收益不扣取成本全部撥捐海地災民.

WE WILL FOLLW HIM + HAPPY BIRTHDAY DADDY

We will follow Him,

Follow Him wherever He may go,

There isn't an ocean too deep,

(oooooops, it's actually a lake instead of an ocean)

A mountain so high it can keep,

Keep us away, away from His love...

We love Him, We love Him, We love Him,
And where He goes,
We'll follow, We'll follow, We'll follow,
He'll always be our true love,
Our true love, Our true love,
From now until forever,
Forever, forever...

daddY wE LOVE U sO mucH

haPpy biRthdAy!!!!!

With Love,

ChuChu+ChaiChai+Cats+Honey

Mission Impossible 9---等到妳回來之babe去絕育

新年快樂．

有無人認得我呀，我就係地盤狗ｂａｂｅ啦．
完全無怎象？唔緊要，去節目重温溫：＜小熊爸少男心事＞．

點解隔左成兩個月先再出現，說來話長．

話說自從抽水ｅｅ見過我一次咁大把之後，養我既回收紙場就搬走左，佢地有帶埋我走架，不過生活得唔係咁好，又掛住小熊爸，所以我就自己用左個幾月去搵路返返黎地盤．

返左去幾日就見到抽水ｅｅ又黎探我地，我記得果日係星期一，抽水ｅｅ咁岩係香港返工，佢話星期六放假就過黎帶我去玩．

果然星期六一早就見到抽水ｅｅ黎啦，不過同平時有ｄ唔同，佢身邊多左個叔叔，抽水ｅｅ只係錫左我一啖，無請我地食野，然後就細細聲同我講，叫我跟佢上車，帶我去一個對我有好處既地方．

夠竟車係咩黎架，我平時見到佢識郁，但係坐上係又會點既呢？我好奇咁望下。

點知突然間抽水ｅｅ係後面抱左我上車， 但係抽水ｅｅ呀，我地夾埋今朝先見過三次面咁大把，你唔好咁熱情啦，我地唔係真係好熟架咋 ，我掙住部車門，不過我又唔識發惡。。。

就係咁，我地跟左抽水ｅｅ同ｏｓｃａｒ叔叔上車，係初時有少少緊張咁，之後就唔得閒驚啦，因為我要睇風景呀．

坐左大半個鐘車，我抱抽水ｅｅ抱左去一個地方，佢地話果度叫獸醫診所．

之後就被人的左上去一塊金屬上面坐，好鬼凍呀，前面有ｄ數字識跳架，跳到十四公斤佢就停左係度，之後診所入面既人都話我要食多ｄ野喎．

原來診所入面仲有其他動物，我都未見過咁細隻狗既．

不過佢地話依個小朋友叫做貓，叫我要斯文，咁我就錫左佢一啖啦．

ｏｓｃａｒ叔叔話我後腳有少少拮，要幫我檢查下，隨便睇啦，唔使客氣架．

之後有個叔叔睇我ｄ牙肉話我好健康．

然後就困左我入籠啦．

之後我就唔知發生咩事，訓醒就發現自己多左個頭罩同埋無力無精神，仲好攰攰．

又坐車車返返去地盤．

抽水ｅｅ送左張送床仔同糧兜水兜俾我．地盤最錫我地既叔叔留左ｄ湯渣俾我食呀．

最緊要我ｈｏｎｅｙ小熊爸黎錫返我．

我都唔知中間發生過咩事，抽水ｅｅ話我做左個叫絕育既手術，以後就唔使再生狗ＢＢ，又唔使睇住佢地病或者俾車車死。叫我記得唔好舔肚肚，記住食多ｄ野同埋唔好嬲佢喎．

我好乖，抽水ｅｅ都好乖咁差唔多隔兩三日就黎睇我，如是者過左兩個幾星期．

前兩日佢話我靚左好多，我梗係錫啖佢啦，我最鍾意人讚我靚架啦．

ｏｓｃａｒ叔叔都讚我靚女呀，不過佢叫我唔好咁鍾意人，咁樣會有危險架喎，我完全唔明．連小熊爸都話Ｄ人會捉我地我打我地，當年小熊媽就係俾人捉走左之後一直都無返過黎，叫我小心Ｄ喎，但係我都係唔明呀。

不過抽水ｅｅ話就係因為我唔明，所以送左塊叫晶片既野俾我，希望可以保我平安喎。晶片係乜我唔知，只係知道乾雞片係好好味。

究竟點解我唔可以鍾意人？。。。。。。

後話：
十月中偶然見到新盤搬入，在小熊爸引路下見到甜美的ｂａｂｅ，聽說剛生了小狗。新生命的出現向來都是令人喜悅的，唯獨生活在地盤的狗生育總是叫人不安。還未找到ｂａｂｅ真正主人時回收場搬走，ｂａｂｅ亦失踪。

誰知到了十二月，ｂａｂｅ突然回來，比之前更瘦更親人，跟小熊爸仍時形影不離，儘管只是見過她兩次仍是要即時安排帶她絕育。行動前一晚才在內地趕回香港，準備捉狗工具時，我實在摸不著頭腦，隨了ｂａｂｅ不太怕人會跟人親咀外，對她我甚麼都不知道。ｂａｂｅ會有甚麼反應，我要帶最重型的工具嗎？我會成功嗎？誰知ｂａｂｅ就好比泡泡再現，抱她上車，去診所，絕育後用拖帶帶她回地盤，就連診所裡遇到的陌生人貓狗，均完全沒有問題。對那天才第一次見面的ｏｓｃａｒ也親熱得如見主人一樣。

我喜歡親人的狗，卻不想見到親人的地盤狗和流浪狗，這樣對他們實在是百害一利。對著ｂａｂｅ隨了破例給她植入晶片外，我做的就只係送上最深切的祝福。

沒有最好的事物，只有更高的要求，我不會奢望能為每個小朋友找到家，比上不足比下有餘的生活環境，ｂａｂｅ你要加油！我們愛妳我們祝福妳。

零一年一月九日更新 :

好景不常, 上星期接到地盤的來電, 說顧問公司不容許狗隻在地盤範圍, 會致電漁護處捉狗, 朋友仗義第一時間接BABE到家暫養, 現與七狗同居學習作家狗和跟人狗相處. 正待一温暖的家, 你或你身邊的朋友可以給BABE一個機會嗎?