2010豬仔生日會活動詳情及報名處

重要事項報告

各位參加者請注意, 由於天氣非常不穩定, 而食物準備需時,
所以野餐活動決定延期,
而行山活動則待今晚及明早天氣情況再作決定, 不便之處敬請原諒. 謝謝

大年初二係豬豬加入豬仔家既日子, 所以我地定左大年初二係豬豬仔仔既生日/重生既日子. 以慶祝生日為名, 出黎行行山食食野, 開開心為實, 為豬仔攪返個生日會. 活動依然係西頁大網仔一帶, 行山同野餐地點都跟去年不同.

日期 : 2010年1月13日星期六(年卅)

[為方便大家返家團年, 活動會於下午三時前完結]

行山部份：
集合時間 - 上午8:45(請勿遲到)
集合地點 - 大網仔巴士站士多
活動時間 - 約三小時
活動詳情 - 集合後組合汽車載人及狗到半山停車場起步，接入麥徑上雞公山，再轉離麥徑入黃毛應後返回半山停車場。
山線難度 : 兩星半. 路況良好兩星適合一般郊遊人士, 另加半星為上山路段.
路線 : 石坑圍 --> 接麥徑 --> 雞公山 --> 黃毛應
路線詳情  <---click me

聚餐/趴地部份：
特別注意 - 請自備人狗非一次即棄餐具包括載器、水杯、匙筷等
集合時間 - 中午12:30
集合地點 - 仁義路巴士站對面單車徑燒烤場
活動時間 - 不多於兩小時
活動詳情 - 到會式食物、歡迎自備分享食物、狗食物
如時間許石會加插集體遊戲.

歡迎各各位豬朋仔友參加, 請留言報名, 說明參加環節, 及出席人/狗數目.
facebook同時開話報名平台 <---click me

特別注意:
豬仔生活無憂, 所有生日禮物心領了.
是次活動設自由捐款箱, 收益不扣取成本全部撥捐海地災民.

WE WILL FOLLW HIM + HAPPY BIRTHDAY DADDY

We will follow Him,

Follow Him wherever He may go,

There isn't an ocean too deep,

(oooooops, it's actually a lake instead of an ocean)

A mountain so high it can keep,

Keep us away, away from His love...

We love Him, We love Him, We love Him,
And where He goes,
We'll follow, We'll follow, We'll follow,
He'll always be our true love,
Our true love, Our true love,
From now until forever,
Forever, forever...

daddY wE LOVE U sO mucH

haPpy biRthdAy!!!!!

With Love,

ChuChu+ChaiChai+Cats+Honey

Mission Impossible 9---等到妳回來之babe去絕育

新年快樂．

有無人認得我呀，我就係地盤狗ｂａｂｅ啦．
完全無怎象？唔緊要，去節目重温溫：＜小熊爸少男心事＞．

點解隔左成兩個月先再出現，說來話長．

話說自從抽水ｅｅ見過我一次咁大把之後，養我既回收紙場就搬走左，佢地有帶埋我走架，不過生活得唔係咁好，又掛住小熊爸，所以我就自己用左個幾月去搵路返返黎地盤．

返左去幾日就見到抽水ｅｅ又黎探我地，我記得果日係星期一，抽水ｅｅ咁岩係香港返工，佢話星期六放假就過黎帶我去玩．

果然星期六一早就見到抽水ｅｅ黎啦，不過同平時有ｄ唔同，佢身邊多左個叔叔，抽水ｅｅ只係錫左我一啖，無請我地食野，然後就細細聲同我講，叫我跟佢上車，帶我去一個對我有好處既地方．

夠竟車係咩黎架，我平時見到佢識郁，但係坐上係又會點既呢？我好奇咁望下。

點知突然間抽水ｅｅ係後面抱左我上車， 但係抽水ｅｅ呀，我地夾埋今朝先見過三次面咁大把，你唔好咁熱情啦，我地唔係真係好熟架咋 ，我掙住部車門，不過我又唔識發惡。。。

就係咁，我地跟左抽水ｅｅ同ｏｓｃａｒ叔叔上車，係初時有少少緊張咁，之後就唔得閒驚啦，因為我要睇風景呀．

坐左大半個鐘車，我抱抽水ｅｅ抱左去一個地方，佢地話果度叫獸醫診所．

之後就被人的左上去一塊金屬上面坐，好鬼凍呀，前面有ｄ數字識跳架，跳到十四公斤佢就停左係度，之後診所入面既人都話我要食多ｄ野喎．

原來診所入面仲有其他動物，我都未見過咁細隻狗既．

不過佢地話依個小朋友叫做貓，叫我要斯文，咁我就錫左佢一啖啦．

ｏｓｃａｒ叔叔話我後腳有少少拮，要幫我檢查下，隨便睇啦，唔使客氣架．

之後有個叔叔睇我ｄ牙肉話我好健康．

然後就困左我入籠啦．

之後我就唔知發生咩事，訓醒就發現自己多左個頭罩同埋無力無精神，仲好攰攰．

又坐車車返返去地盤．

抽水ｅｅ送左張送床仔同糧兜水兜俾我．地盤最錫我地既叔叔留左ｄ湯渣俾我食呀．

最緊要我ｈｏｎｅｙ小熊爸黎錫返我．

我都唔知中間發生過咩事，抽水ｅｅ話我做左個叫絕育既手術，以後就唔使再生狗ＢＢ，又唔使睇住佢地病或者俾車車死。叫我記得唔好舔肚肚，記住食多ｄ野同埋唔好嬲佢喎．

我好乖，抽水ｅｅ都好乖咁差唔多隔兩三日就黎睇我，如是者過左兩個幾星期．

前兩日佢話我靚左好多，我梗係錫啖佢啦，我最鍾意人讚我靚架啦．

ｏｓｃａｒ叔叔都讚我靚女呀，不過佢叫我唔好咁鍾意人，咁樣會有危險架喎，我完全唔明．連小熊爸都話Ｄ人會捉我地我打我地，當年小熊媽就係俾人捉走左之後一直都無返過黎，叫我小心Ｄ喎，但係我都係唔明呀。

不過抽水ｅｅ話就係因為我唔明，所以送左塊叫晶片既野俾我，希望可以保我平安喎。晶片係乜我唔知，只係知道乾雞片係好好味。

究竟點解我唔可以鍾意人？。。。。。。

後話：
十月中偶然見到新盤搬入，在小熊爸引路下見到甜美的ｂａｂｅ，聽說剛生了小狗。新生命的出現向來都是令人喜悅的，唯獨生活在地盤的狗生育總是叫人不安。還未找到ｂａｂｅ真正主人時回收場搬走，ｂａｂｅ亦失踪。

誰知到了十二月，ｂａｂｅ突然回來，比之前更瘦更親人，跟小熊爸仍時形影不離，儘管只是見過她兩次仍是要即時安排帶她絕育。行動前一晚才在內地趕回香港，準備捉狗工具時，我實在摸不著頭腦，隨了ｂａｂｅ不太怕人會跟人親咀外，對她我甚麼都不知道。ｂａｂｅ會有甚麼反應，我要帶最重型的工具嗎？我會成功嗎？誰知ｂａｂｅ就好比泡泡再現，抱她上車，去診所，絕育後用拖帶帶她回地盤，就連診所裡遇到的陌生人貓狗，均完全沒有問題。對那天才第一次見面的ｏｓｃａｒ也親熱得如見主人一樣。

我喜歡親人的狗，卻不想見到親人的地盤狗和流浪狗，這樣對他們實在是百害一利。對著ｂａｂｅ隨了破例給她植入晶片外，我做的就只係送上最深切的祝福。

沒有最好的事物，只有更高的要求，我不會奢望能為每個小朋友找到家，比上不足比下有餘的生活環境，ｂａｂｅ你要加油！我們愛妳我們祝福妳。

零一年一月九日更新 :

好景不常, 上星期接到地盤的來電, 說顧問公司不容許狗隻在地盤範圍, 會致電漁護處捉狗, 朋友仗義第一時間接BABE到家暫養, 現與七狗同居學習作家狗和跟人狗相處. 正待一温暖的家, 你或你身邊的朋友可以給BABE一個機會嗎?

聖誕禮物你收左未？之完結篇

就係咁，貓貓們悶悶不樂，過左Christmas day，到左boxing day。

黑仔無可奈何，在玩具堆中找出一件爛左的聖誕樹爪板玩具。

『依個就係所謂聖誕樹了。』

『Cheap野黎呀，玩左一兩日就爛晒。』

『唔通依個就係我地貓地的聖誕禮物？早成一個月就比左我地，咁就當係聖誕禮物？』

所有貓貓都好嬲，唔肯出鏡，所以今集比較短。

其實，貓貓係咪真係冇聖誕禮物呢？

答案係絕對有的，只不過幸福就在身邊，有時，未必會察覺到的呀？

某日，貓貓們已經很開心的收到了一件大禮物，還很細心的研究過呀：

連狗狗都未有新床時貓貓已經開始睡新床了，只是貓貓身在福中不知福呢。

聖誕禮物你收左未？之2

上回講到貓貓悶悶不樂，收唔到聖誕禮物，又真係幾難受，況且，仲不斷見到其他人收到禮物。

好似今日，Daddy收到一個桶

原來係佢細個果時，每逢考完試，學校比時間老師改卷，學生又要返學，所以會比D圖書同積木過佢地玩，依桶野，就係果D積木了。

Daddy二話不說，就砌左間野，係乜，睇怕大家要加多點創意先可以估到。

黑仔好唔開心，忽然發覺有座野，睇下先：

『乜泥呀，睇見就眼鴛』

說時遲，那時快。黑仔為免其他貓貓見到會更加唔開心，決定推冧佢。

Daddy的心血，就頓時化為烏有

其實，小朋友是否有些過火呢？Daddy媽咪又是否真的那樣偏心呢？聖誕節到了，當大家歡天喜地時，為何要令小朋友難過呢？欲知後事如何，且聽下回分解。

聖誕禮物你收左未？之1

聖誕節又到了，仔仔豬豬收左媽咪的大床禮物，貓貓們悶悶不樂，因為佢地未收到禮物。

小黑豬話：『點解我地咁命苦？』

藍藍話：『仲等我同D朋友仔講Daddy最錫我，一定會比份大禮物過我添。』

公主話：『藍藍媽咪，Daddy最鍚我先真。但話時話，我都覺得Daddy媽咪偏心，對狗好過對我地。』

黑黑話：『Daddy又話叫我千祈唔好唔開心，唔開心個病就會返泥搵我，我真係唔想見佢地呀。』

黃黃話：『算吧la，有個藍苺盒加塊布瞓已經幸福了，以前梳化淨係比我地用，依家又唔係比埋狗狗，去街又冇份，食野又食細份，我地貓貓雖然貓口眾多，但係點都係次狗一等。』

『哎....，想瞓都瞓唔著。』

『唔通依個世界，真係生無可戀？』

『我地一齊瞓算吧la。』

『冷得我tun tun震，震到入心....』

話說成班貓到左聖誕前夕仲未收到禮物，但又眼見狗狗一件又一件，連大妹二妹紅紅唐唐Babe都有，佢地冇晒心機是可以理解的，欲知後事如何，且聽下回分解。