得閒無事又趴地

仔仔：媽咪話今日狗地有趴地喎，點解除左狗地，EE都趴埋一份既？

豬豬：係呀，好多EE都攬我呀，係咪還債趴地呀？

撻Q + Q蛋：可能媽咪見我地上次趴地玩得開心，今次攪多次呀？

Q妹：我話一定係歡迎我加入新家庭開趴地．

Tiger-lily：定係慶祝我搬新屋同埋多左個家姐．

飯團：應該係慶祝姐姐買左一百個玩具陪我玩．

BiBe：我話係慶祝我累積及左一百隻手指．

彭彭：唔係慶祝我百變梳左一百個髮型出黎咩．

大耳：梗係慶祝我減肥成功．
大耳媽：我都覺得你瘦左，你過你班契媽仲唔滿意呀．

白白：你地錯曬啦，係慶祝宝宝好返，我代表佢出席趴地架．

萬金：我係萬金，唔使問阿季幾時我都係大家既焦點，今次趴地係咪慶祝我依兩間打完止痕針有覺好訓呀．

Ranger：你地全部錯曬．

Ranger：今日係慶祝我阿媽，相入面果個靚女，唔係靚狗．

Paco：仲有我靚仔Paco．

Kaku：同埋我乖仔Ku豬．

Ranger：仲有我型仔Ranger生日呀．．．

太多狗地，不能盡錄，下篇再介紹．

貓為蕉狂

有一日地下忽然多左人中條蕉．．．
小黑豬第一個發現．．．

小黑豬：條蕉蕉好香呀．．．

小黑豬：我咬咬咬．．．

小黑豬：我刷刷刷．．．

小黑豬有幾陶醉？

就連仔仔係佢前面放左個臭屁佢都唔知．

小黑豬：點解玩玩下眼眉跳既？？？

原來黑仔哥哥係旁邊虎視眈眈．

黑仔：小黑豬，借條蕉我聞下．．．
小黑豬：嗱，聞下好啦．

黑仔：等我聞真D．．．
小黑豬：喂喂喂，點解你用個口黎聞隻蕉架．

黑仔：我用個口銜起黎行埋一邊一個貓聞真D呀麻．．．

媽咪：黑仔，小黑豬話條蕉蕉玩玩下唔見左喎，你有無見過呀．
黑仔：咩咩咩咩蕉呀，無無無，無呀．．．．

芝油會

仔仔: 豬豬, 你做咩又埋自己係枱底呀.
豬豬: 我聽到Daddy Mami話今日開豬油會, 我驚佢地會渣曬我d豬油出黎呀.

仔仔: 豬豬呀, 係咪daddy無幫你洗耳仔呀, 你咁都聽得錯既, 係芝油會唔係豬油會呀.

話說星期六一早就有班美女黎左我地屋企, 玩美女廚房, 牛牛姐姐同雀仔姐姐就整面包布甸同木槺布甸.

仲買左意大利薄餅入黎

小花姐姐就整希臘沙律,  蘋果甜品.

仲有黑黑麗麗好鍾意食既水牛芝士面

其他美食就逐一由各位參加者帶黎啦.
有咸蝦哥哥

同小巴姐姐

整既螺絲粉沙律

daddy整既薯仔蛋沙律

Aubergine Stuffed with Chorixo, spinach, tomato, ricotta

(我寫完都唔知係咩總之班大人話好味)

健康芝士蛋糕 (因為daddy焗完之後發覺唔記得落牛油)

食下食下面包布甸出爐啦.

依兩個to be珊瑚伉儷就買左cold cut入黎食.

當然唔少得我地既主角芝士啦. 依個就係cheese list啦

成疊咁放堆係枱面.

成班餓鬼又圍曬張枱

一張大圓枱都放唔曬d野食.

當然要特寫下塊cheese board同芝士刀啦.

班大人由天光食到天黑, 天一黑就點蠟燭.

原來係吱喳姐姐生日, mami焗左個迷你蛋糕俾佢.

突然間有陣肉香係焗爐傳出, 原來安格斯牛排同八指羊架出爐啦,

鬍鬚叔叔化身豬肉榮係度玩中西合璧, 菜刀斬西羊架.

話明芝油會除左芝士, 紅油都係芝油會既主角.

但係班大人飲大左, 走黎搵我當馬騎, tiddy姐姐係後面睇到眉頭皺.

飛天豬姐姐都傻左....早知我都學豬豬收埋自己係枱底啦.

唔知幾時再有芝油會呢, 雖然我同妹妹有得睇有得聞有得望無得食, 但係daddy私人醒左好多下欄野過我地, 小花姐姐仲帶左聖誕禮物俾我地, 不過mami話留返份聖誕禮物影完相再呃blog喎.