聖誕禮物你收左未？之完結篇

就係咁，貓貓們悶悶不樂，過左Christmas day，到左boxing day。

黑仔無可奈何，在玩具堆中找出一件爛左的聖誕樹爪板玩具。

『依個就係所謂聖誕樹了。』

『Cheap野黎呀，玩左一兩日就爛晒。』

『唔通依個就係我地貓地的聖誕禮物？早成一個月就比左我地，咁就當係聖誕禮物？』

所有貓貓都好嬲，唔肯出鏡，所以今集比較短。

其實，貓貓係咪真係冇聖誕禮物呢？

答案係絕對有的，只不過幸福就在身邊，有時，未必會察覺到的呀？

某日，貓貓們已經很開心的收到了一件大禮物，還很細心的研究過呀：

連狗狗都未有新床時貓貓已經開始睡新床了，只是貓貓身在福中不知福呢。

聖誕禮物你收左未？之2

上回講到貓貓悶悶不樂，收唔到聖誕禮物，又真係幾難受，況且，仲不斷見到其他人收到禮物。

好似今日，Daddy收到一個桶

原來係佢細個果時，每逢考完試，學校比時間老師改卷，學生又要返學，所以會比D圖書同積木過佢地玩，依桶野，就係果D積木了。

Daddy二話不說，就砌左間野，係乜，睇怕大家要加多點創意先可以估到。

黑仔好唔開心，忽然發覺有座野，睇下先：

『乜泥呀，睇見就眼鴛』

說時遲，那時快。黑仔為免其他貓貓見到會更加唔開心，決定推冧佢。

Daddy的心血，就頓時化為烏有

其實，小朋友是否有些過火呢？Daddy媽咪又是否真的那樣偏心呢？聖誕節到了，當大家歡天喜地時，為何要令小朋友難過呢？欲知後事如何，且聽下回分解。

聖誕禮物你收左未？之1

聖誕節又到了，仔仔豬豬收左媽咪的大床禮物，貓貓們悶悶不樂，因為佢地未收到禮物。

小黑豬話：『點解我地咁命苦？』

藍藍話：『仲等我同D朋友仔講Daddy最錫我，一定會比份大禮物過我添。』

公主話：『藍藍媽咪，Daddy最鍚我先真。但話時話，我都覺得Daddy媽咪偏心，對狗好過對我地。』

黑黑話：『Daddy又話叫我千祈唔好唔開心，唔開心個病就會返泥搵我，我真係唔想見佢地呀。』

黃黃話：『算吧la，有個藍苺盒加塊布瞓已經幸福了，以前梳化淨係比我地用，依家又唔係比埋狗狗，去街又冇份，食野又食細份，我地貓貓雖然貓口眾多，但係點都係次狗一等。』

『哎....，想瞓都瞓唔著。』

『唔通依個世界，真係生無可戀？』

『我地一齊瞓算吧la。』

『冷得我tun tun震，震到入心....』

話說成班貓到左聖誕前夕仲未收到禮物，但又眼見狗狗一件又一件，連大妹二妹紅紅唐唐Babe都有，佢地冇晒心機是可以理解的，欲知後事如何，且聽下回分解。

不勞而獲--隔山打魚

小黑豬係我地屋企既收信專,員話說係聖誕咭之前, 我地又收到一貓地狗地收既信件.

即係信封都唔使打開, 成班貓就哄曬過黎. 唔使問阿季, 梗係好野.

連信封都幾乎係佢地自己咬開, 因為係一包用左密實袋都封唔住香味既自家製風乾小魚. 仲要逐條魚毛剪刀, 超有心機呀.

小黑豬同藍藍直頭要跳起身食...

見唔見到, 到眼都突埋.

就連一向唔太為食既黑仔都要過黎分.

你睇下黑仔個為食樣幾迷人.

藍藍既為食樣又好斯文.

細細咬咁咬真係有儀態.

高貴既肥啡公主都失去矜持.

仔仔 : 又要我同魚毛影合照, 有無新意呀.

咩無新意呀, 藍藍過黎係仔仔面前食左條魚仔, 影完相都無得食係咪好有新意呢.
仔仔 : 喂喂喂, 條魚我架.

點知連豬豬都中招, 真係幸福的小貓, 可憐的小狗.

豬豬仔仔表現咁乖又點會無得食呀.

況且山山姐姐話明請貓地狗地食架麻.

小黑豬 : 既山山姐姐咁有我地心, 咁我唔客,氣自己黎啦.
豬仔媽 : 喂, 唔准偷食呀!!!!

多謝山山姐姐, 豬仔家貓地狗地上.

貓狗也聖誔

小黑豬 : 咦, 點解有包野係梳包既 ?

小黑豬 : 等我睇+聞過先....

小黑豬 : 黃仔, 我個鼻話我知, 包野應該係屬於我地架.
黃仔 : 係咪架, 咪呃我喎...

登登登登....各位小朋友唔使爭, 貓狗有份永不落空.

豬豬 : 媽咪, 好明顯個包裏係有朋友寄俾我地既聖誕禮物.
仔仔 : 媽咪平時得罪人多, 邊有朋友架, 可能佢又購物狂發作, 自己買黎寄俾自己呀.
黑仔 : 你地咪講咁多野, 分左佢D禮物先串媽咪都未遲.
小黑豬 : 有野分, 等埋我好喎.

仔仔 :　咦，原來係我地既朋友仔ARNIE特登係英國寄過黎架

豬豬 : 外國既聖誕氣氛果然好D呀, 我地阿媽從來都唔送聖誕禮物俾我地架, 好彩ARNIE同小猿姐姐有貓狗地心咋. 

豬豬 :我覺得唔關外國事, 只係關我地媽咪特別孤寒事. 

仔仔 : 媽咪, 你唔好成日都叫我影埋d有得睇無得食既相啦.
豬仔媽 : 頭先誁咁多疇仲未講夠咩, 係咪影張相都係係度唱呀. 
豬豬 : 聖誕咭之麻順下媽咪意啦.
仔仔 : 妹妹, 你有所不知啦, 我睇過個包裝, 張咭係專係為狗地而設, 成張都食得架, 睇怕媽咪又將佢吊高黎賣, 擺明小氣我地頭講佢壞話啦.

豬豬 : 乜食得架, 咁我唔客氣啦.
豬仔媽 : NO!!!!

豬豬 : 搶唔得, 唯有偷啦.
行動當然失敗啦.

仔仔 : 媽咪, 你唔好又係度考我忍耐力好唔好, 我下次唔敢講你壞話啦. 
豬仔媽 : 仲有下次?!?!?!!??

仔仔 : 其實我真係無乜忍耐力架.

話口未完, 仔仔收埋左張咭想靜雞雞偷食.
不過未到BOXING佢地休想有得食.

不過人就係咁偏心架啦, 狗狗無得食, 但係貓貓有得分喎, 果樽係貓草奶味粒粒, 香到貓地都失控.

黑仔食

小黑豬, 黃黃, 藍藍一齊食.

食食下將D粒粒當波咁撥黎撥去, HIGH到影唔到.

撥撥下仲有扮曬野走去偷食既仔仔....

由於D禮物, 聖誕咭, 小食既香味太吸引, 所以成屋貓狗都失控, 無辦法再報導落去啦.你地你地屋企D小朋友都起哄既話, 我唯有講聲唔好意思啦....呵呵