豬仔托兒所 -- 二妹有野講

話說豬仔托兒所內無奇不有，上次細佬講，講講下細佬唔見左，所以今次由二妹講。

『自從大妹同細佬走左，我二妹一個狗都好寂寞，話晒我地三個係出生入死的班底，估唔到原來我最冇用，依家唯有比兩隻大狗監視居住。』

『之唔係就唔佢兩個，一個左一個右，想走都好難，聽講佢兩個就係豬仔托兒所的兩大護法。』

『上個星期六托兒所女主持話我要學十八般武藝，佢話咁先有人鍾意，問都唔問我就帶左我去白腊，當然，豬仔托兒所兩個護法又在岸上睇到我實，想偷懶都唔得。』

『原來要特訓的小朋友唔止我一個，仲有一個嬌小的花滿滿，我就話粗生粗養，佢真係唔知點頂，你地睇下我地個樣就知我地有幾唔願意。』

『特訓開始了，豬豬護法又在左右了。』

『幾經艱苦先游到岸邊，仔仔護法已經在岸邊等我。』

『游完水全身濕晒，又湅又攰，想休息下，點知豬豬護法又叫我要進行下一次操練。』

『惟有又再游過。』

『護法大人，我好湅又攰，可唔可以比我抖下？』

『點知護大人話我冇用，仲開花洒噴我。』

『望去海邊，出現左一隻怪獸，其實點係悝獸，只不過又係另一隻接受特訓的狗狗。』

『你地睇下仔仔護法個樣幾cool，原本想叫佢開恩，又話係狗界劉青雲，點知咁cool，都唔會有得傾。』

『只係休息下姐，豬豬護法又泥逼我。』

『終於，托兒所女主持出手，今次有排受。』

『今次叫絕嶺求生，佢地逼我跑完石春跑水池，最後仲要爬石山。』

『我想逃亡，點知又比佢地追到。』

『又比佢地捉去受罰。』

『今次由豬豬護法帶我去好深的水等我自己游回來。』

豬豬：『靚妹，問你死未。』

『就係咁，特訓左幾個鐘。』

『最後，托兒所女主持在水中教訓左我成個字，今次特訓總算完結，而岸上面D人真係冇人性，睇住我受苦都冇人理。』

『最慘無人道仲係個托兒所男主持話要影番張相同佢個托兒所宣傳，要我扮到好溫柔好幸福咁喎，結果，就比人屈左影張咁O既相。』

豬仔托兒所---細佬佬有野講

上次就係大妹做主角, 今次終於到我細佬佬擔正啦.
大家見唔見我個樣好似有心事啦呢....

因為, 依張個三個臭豬PATPAT既相.

同三隻爛訓豬豬既相都唔會再出現啦.

就連我同大妹姐姐一齊飲水水既相相都無機會俾你地見啦.

我地三個小朋友多得仔仔大哥哥既特訓, 個個都身懷絕技.
我細佬佬同大妹姐姐都學有所成, 先行下山啦.

係依兩個星期入面, 我同二妹已經修畢左基本搏擊.

我仲學識點樣對付壞人.

係出發去真正屬於我既屋企之前, 當然要返個GOODBYE KISS仔仔大哥. 話說我第一次見佢果時差D以為佢係媽咪, 係佢腳底搵奶飲.

更加唔少得要錫多啖豬豬姐姐. 多得佢成日借條尾我追住黎咬當玩具.

大家唔好唔記得二妹姐姐呀, 佢既本領俾我地仲高強, 不過寳物沉歸底, 佢話開住罐頭等佢既伯樂出現喎.

二妹姐姐, 我同大妹姐姐雖然去左兩個唔同既屋企, 但係我地都會一齊不停為你打氣架, 加油呀!!!!!

豬仔托兒所---大妹拜師學藝

話說依三個原本只係食食訓疴既三隻小豬, 入左黎豬仔托兒寄宿, 所話咁快己經十日啦, 同十日之前相比, 佢地己經可以用判若兩狗黎形容.

我地就等大妹黎現身說法呀.

大妹: 各位叔叔EE哥哥姐姐, 我係大妹呀, 你見我個樣咁神氣, 就知我係一個受過訓練既狗狗.

大妹 : 至於點解我至所以能夠進步神速, 全靠我既師傳, 仔仔大哥. 話說我第一次眼見到佢就己經非常崇拜佢, 於是就想拜佢為師.

仔仔 : 咩事呀大妹?你想拜我為師...?

大妹: 係呀, 師傳, 請受徒兒一拜.

大妹 : 仔仔哥哥, 除左教我武功招式之外, 仲傳受埋心法俾我.

大妹: 仔仔大哥既要求好嚴格, 成日都練到我伸曬利死狗咁既樣.

大妹 : 加上我又天資過份聰敏, 連唔應該學既都學埋, 好似抓耳仔咁, 我偷睇仔仔大哥示範就即時學到十足十, 激到仔仔大哥面都黑埋, 結果梗係俾人教訓啦.

大妹 : 雖然偶有蝦碌, 但係我都好認真架, 你睇下我跟住仔仔大哥坐得幾有型有格.

大妹: 我仲無師自通咁學扮公仔, 媽咪成日都話我成個公仔咁得意架. 唔信我拼埋個公仔度,你睇下我係咪仲可愛過公仔呢.

大妹: 仲識扮乳豬.

大妹 : 當然唔少得扮可愛, 我間唔時牙痕咬錯媽咪手指, 俾媽咪鬧鬧既時候, 我就即係合埋口扮錫佢之後伏地扮可愛就可以甩身架啦.

大妹 :  前日仲學識係尿布度用尿尿畫畫.

大妹: 你地話我大妹係咪好叻叻呢.

沒有家的小孩---三小狗尋家

大家好, 你地應該唔識我未見過我架啦, 我係初黎報到既小朋友, 叫細人佬, 依家兩個半月大. 大家唔好睇我靚靚仔仔就以為我係一個幸福既小朋友, 實情係我地好慘慘架, 因為我地俾人棄遺, 而且仲等緊人收養我地....

話說我地兩個姐姐, 唔知點解俾人帶左去一個陌生既地方, 唔見左媽咪又見唔到我地熟悉既人. 我地好驚驚呀, 攝左係個亭既椅底既角落, 唔知點好, 仲有路過既村狗吠我地.

雖然村狗吠我地攪到我地好驚驚, 但係願來佢地係我地既救命恩狗. 就係多得佢地, 抽水ee就發現左我地, 的左我地去另外一個陌生既地方.

依個係我二家姐, 佢依家叫二妹, 你睇佢個樣就知我地有幾驚啦.

因為抽水ee整到我地個身濕曬, 仲係咁搓我地. 搓完之後我地身上面既泥泥同臭臭唔見左.

搓完仲唔止添呀, 仲搣走曬我地身上面既寵物, 牛蜱仔,

之後就抱曬我地去草, 三唔識七咁話抱就抱都無話唔驚, 不過抱下抱下又幾舒服喎.

之後我地同大妹姐姐就被帶到草地去解決啦, 食完杜蟲葯, 抽水ee話要檢查下我地d便大便有無蟲蟲喎....不過竟然無發現呀.

之後我地仲有得坐車車, 以為有得游車河啦, 點知原來係睇醫生呀.

醫生幫我地檢查探熱, 話我地好健康, 仲打左第一枝預防針.

完成左體檢之後, 我地就開始進行特訓啦, 首先係餐桌禮儀, 抽水ee話我地要搵個好人家收養就要有table manner.

仲要有台型, 所以要影返d型女既造形照, 我都係第一次見二妹姐姐個樣咁有自信咋.

就然唔少得大妹姐姐既可愛造型.

二妹姐姐都唔執輸影返張天造型照.

各位叔叔ee, 唔好俾我地個樣呃到以為我地好可愛, 實情我地內心唔止可愛仲好善良同乖巧架, 唔信你地帶我返屋企, 承諾照顧我地一生, 我地一定唔會令你失望架.