2009年9月29日 星期二

豬仔中途宿舍---開業大樂

繼豬仔托兒所同豬仔渡假屋相繼關門大吉後, 豬仔家竟然經營起中途宿舍....

話說尋日豬仔爸收到西貢社區中心既朋友來電, 話有個靚仔跟住其中一個職員行, 一直跟跟跟, 跟到返中心. 個靚仔唔止只樣靚, 仲又聽話又醒目仲鬼咁嗲. 無奶油丟返佢出街架, 於是就打去問豬仔爸點算. 仲話如果真係俾人遺棄既話, 中心可以收留佢喎.

豬仔爸叫佢地帶佢去診所同佢確認身份, 靚仔唔止有晶片. 仲好多年前已經植左晶片, 不過個"主人"九年無同佢繼牌....九年???靚仔你點睇都唔似九歲喎.


即係九年話長唔長話短唔短, 不過登記主人既電話已經已左, 亦都即係聯絡唔到佢. 漁護處就話聽朝(即係今日朝早)過黎帶佢去漁記狗場, 仲"話"會寫掛號信同帶隻狗上登記住址度搵主人喎, 我地梗係叫中心屎都唔好俾漁記帶隻狗走啦. 入左去狗場一下唔好彩無啦啦俾人P左點算, 就算好彩出得返黎既話都唔知會唔會甩頭甩骨.

既然社區中心同依個靚仔咁有緣, 唔差在收留佢一陣, 上網貼下西貢貼下睇下搵唔搵得返佢主人, 如果走唔小心走失既話, 佢主人應該好心急咁搵緊佢. 中心話佢地個場未預備好, 我同豬仔爸就話豪個國慶假期俾佢地暫時照顧佢一星期啦, 中心話要兩個星期喎....唉, 豬仔爸話得就得啦.

如果靚仔個主人唔出現, 社區中心旁邊既<樂活天地>係依個靚仔既屋企. 好啦, 一於叫你樂樂啦, 橫掂叫佢狗牌上面個名都無反應, 改過個新名好叫D呀麻.

樂樂肯定係有人養開, 差在唔知點解"走失". 佢識係草叢大小便, 識SIT, DOWN, HAND, 咋死 仲識望住野食等指令先食. 你睇下樂樂幾嗲, 叫兩聲就反曬肚咁同你玩....豬仔都無佢咁嗲.


入住豬仔中途宿舍之前梗係要循例見下醫生. 29.9kg醫生話見骨無乜肌肉, 要食多少少喎.


循例又要俾個萬能熨斗掃下晶片.


順手食埋杜蟲杜蝨葯.


大大小小檢查下.


醫生話影相要望鏡頭喎.


返到豬仔家梗係要沖返個靚涼.


樂樂定到不得了, 除左係診所臨走時見到兩隻唐狗WU左幾聲之外, 見到村狗同豬仔都無反應. 只係掃下尾, 村狗狂吠佢都當聽唔到咁行過.


係豬仔家沖過涼既小朋友, 樂樂排第四污糟, 第一係泡泡, 第二係小白熊, 第三係...SASA, 第四就係樂樂啦, 要落兩次沖涼污先起到泡呀.


上幾次打風已經將花園既SHELTER吹爛曬, 今朝豬仔爸用左半粒鐘臨時整個頂住先.


落太大雨時, 樂樂會入飛機籠度避一避.


樂樂 : 主人, 你去左邊度呀, 快D黎接返我返屋企啦, 我好掛住你呀!!!!

張貼者： 於
標籤：

40 則留言:

  1. SIUFA2009年9月29日 晚上11:06

    攪到我無報 FURGO生日會都想入嚟探佢呀! [版主回覆09/30/2009 14:40:00]吓, 你唔係話去FURGO生日會然後帶埋D書俾我咩????即係點呀.

    回覆刪除
  2. Blake2009年9月29日 晚上11:06

    瞇埋眼，好似個細路仔o甘，好cute呀。 佢真係乖到爆，豬仔爸o甘餵佢食藥都得。 佢主人快o的出現啦，o甘乖o甘cute既狗狗，佢唔好唔要呀。 [版主回覆09/30/2009 14:41:00]佢真係Q爆, 不過成日嘈住要人同佢玩....

    回覆刪除
  3. SkyBlue2009年9月29日 晚上11:27

    真係睇唔出佢九歲 [版主回覆09/30/2009 14:42:00]佢會唔會咬第二隻老狗一啖果時吞左隻老狗既晶片入肚, 定係漁記查錯資料??? 除左有唔少牙石同少少白毛之外真係點都唔似九歲LAW

    回覆刪除
  4. Pik Chun2009年9月29日 晚上11:38

    樂樂咁乖,希望你主人可以快d搵返你.呢段時間就當度假.跟住豬仔上山下海玩個夠. [版主回覆09/30/2009 16:46:00]希望個主人快D浦頭啦.

    回覆刪除
  5. Ida Ho2009年9月29日 晚上11:45

    千萬唔好俾漁記呀，上次Anna執隻西施，都可以暫養喺屋企，直至漁記搵到舊主人，佢話唔要，再轉名，都係Anna照顧架。 [版主回覆09/30/2009 16:46:00]就係因為社區中心話唔送去漁記就無位安置所以咪的樂樂返黎住一陣LAW. 你問漁記佢實乜都話唔得, 乞人憎.

    回覆刪除
  6. a woh woh2009年9月30日 凌晨12:47

    醫生話影相要望鏡頭喎 --> 究竟係叫隻狗  定係醫生佢自己呀 ? [版主回覆09/30/2009 16:46:00]唔知喎, 醫生一話望鏡頭就全世界望住個相機....

    回覆刪除
  7. SkyBlue2009年9月30日 凌晨1:18

    佢真係唔似9歲喎, 而家真係隨時係街都執到筍野, 洗咩買狗呀~ [版主回覆09/30/2009 16:47:00]可能係漁記報錯料... 唔使買, 網上面依家興愛心領養四千....邊度使買唧...唉

    回覆刪除
  8. 小鳥的魔衣櫃2009年9月30日 凌晨2:24

    he is sooo handsome ahhh [版主回覆09/30/2009 19:28:00]係呀好靚仔呀。

    回覆刪除
  9. 閒人2009年9月30日 凌晨2:28

    佢咁乖, 希望佢主人快啲出現啦﹗ [版主回覆09/30/2009 19:28:00]希望佢主人快Ｄ貼海報／網上尋狗啦

    回覆刪除
  10. SIUFA2009年9月30日 凌晨3:26

    中途宿舍有無咩訓練？成日要玩係拉拉本色～ [版主回覆09/30/2009 19:29:00]中途宿舍無咩特訓架喎。 佢係要人陪，嘜爆。

    回覆刪除
  11. daimow2009年9月30日 凌晨3:51

    ＳＡＳＡ：我排第三........嗚！！！！！ 希望快Ｄ搵返主人啦，識吾多指令,一定係走失啦！ 咪幾好又有新客，keep 豬爸ＢUSY! [版主回覆09/30/2009 19:30:00]ＳＡＳＡ妳一期換左三盤水先唔糟糟咋陰公。 希望真係走失架。不過豬仔爸話佢好忙唔使特登搵野等佢忙上加忙喎　

    回覆刪除
  12. Janny2009年9月30日 凌晨4:03

    幸好在你家. [版主回覆09/30/2009 19:30:00]希望佢快Ｄ返屋企。

    回覆刪除
  13. dannykai2009年9月30日 清晨6:44

    有無需要搵人領養，係唔係去漁農處辦手續？ [版主回覆09/30/2009 22:08:00]如果搵唔返個主, 暫時社區中心話會養, 如果佢地改變主意就要搵人領養. 社區中心應該向漁記申請緊暫養牌.

    回覆刪除
  14. Kit Man Recky2009年9月30日 清晨7:52

    豬仔中途宿舍---開業大樂 非常感激豬仔媽讓這家成為了好多小朋友既居所暫緩 我想東東一定非常親愛這, 但想不到佢已九歲因為佢既樣子好cute, [版主回覆10/01/2009 10:43:00]佢真係點都唔似九歲, 希望係資料錯.

    回覆刪除
  15. 迪奇與蘇菲2009年9月30日 上午8:33

    樂樂應該好快搵到屋企人啦！有可能轉咗幾手，所以對狗牌上個名無反應咯！ 樂樂係豬仔托兒所第四污糟，sa sa竟然第三污糟，真係要怪ming ma！   [版主回覆10/01/2009 10:44:00]轉手已經唔多好, 轉手唔轉牌唔續牌真係九菜. 可能轉得手多, 乜都都搖曬尾反曬肚... SASA污糟唔關明媽事, 係落佢地兩隻野係花園玩得HIGH之麻...

    回覆刪除
  16. SkyBlue2009年9月30日 上午10:32

    巧靚仔bor...... 個樣有啲似拉布拉多咁既! [版主回覆10/01/2009 10:45:00]佢勁似拉拉, 不過個樣比一般拉拉傻...哈哈

    回覆刪除
  17. Jodamajojo2009年9月30日 晚上7:15

    希望佢只係走失而唔係年紀大比人掉出黎啦！ [版主回覆10/01/2009 10:45:00]希望係走失, 仲要一粒蝨都無, 睇怕都走失左唔係好多.

    回覆刪除
  18. 恐龍2009年9月30日 晚上7:23

    樂樂好好好靚仔呀~~~~~~~~   我都想黎中途宿舍住下呀~~~！ [版主回覆10/01/2009 10:47:00]係我好企住親都係靚仔黎架喎.... 你係黑黑定麗麗定特工, 見到靚仔就要黎住. 中途宿舍訓花園包一日兩餐狗糧, 一定要清兜, 你係咪黎呀.

    回覆刪除
  19. Lu Lu2009年9月30日 晚上7:44

    樂樂真係好乖好有型呀!  我諗起我隻靚仔班點 Benny. I miss u very much [版主回覆10/01/2009 18:28:00]雖然貓/狗地走左會心痛, 不過一齊快樂過呀麻. 再唔係同屋企人傾掂數咪養返隻, 不過最好領養.

    回覆刪除
  20. Dauning2009年9月30日 晚上9:47

    同 bibe 一樣, 我成日覺得佢地被人報大數, 咁乖又嗲嘅狗, 無奶油有人捨得唔要嘅, 希望佢主人快 d 嚟搵番佢喇! (醫生都好靚仔, bibe 話下次入開西貢, 可唔可以去睇醫生喎!) [版主回覆10/01/2009 18:29:00]佢唔係報大數喎, 係漁記話佢九年無續牌喎. BIBE無病無痛, 入黎打預防針都得既.

    回覆刪除
  21. sandy2009年9月30日 晚上10:45

    "樂樂"真係好正噃 ! 點解"泡泡"要掛第一．．．．．污糟o架 ! Bib 點解 [版主回覆10/01/2009 18:29:00]泡泡係車場住左咁耐, 唔污糟你至驚呀, 狗地阿媽.

    回覆刪除
  22. Anonymous2009年9月30日 晚上11:13

    真係好彩有你地~! : )  he looks handsome~! [版主回覆10/01/2009 18:29:00]好彩中心手下留狗, 又肯搵人幫手唔拎去漁記就真.

    回覆刪除
  23. SkyBlue2009年9月30日 晚上11:27

    佢好靚仔呀, 成個劉青雲咁 [版主回覆10/01/2009 18:30:00]我先係狗界劉差震, 樂樂有排都未到佢, 仔仔字.

    回覆刪除
  24. 風信子2009年10月1日 凌晨3:30

    好感動 好彩有哩個愛心托兒所咋！ [版主回覆10/01/2009 18:31:00]托兒所D小朋友搵曬屋企, 執左笠啦. 今次係中途宿舍, 俾依個老人家住兩個星期啦.

    回覆刪除
  25. ChuParMui2009年10月1日 清晨6:53

    豬扒妹: 一百個十卜宿舍呀~ 有你地, 狗狗有福喇~ [版主回覆10/02/2009 15:59:00]宿舍唔夠屋企好呀, 好似豬扒妹妹屋企咁就夠曬温暖.

    回覆刪除
  26. yuen man2009年10月1日 晚上7:34

    豬仔一家...中秋節快樂呀 [版主回覆10/02/2009 15:59:00]餐士吉士, 大家咁話呀.

    回覆刪除
  27. Daisy2009年10月1日 晚上8:11

    猪仔妈, 你家的生意真係越做越大喔.....    [版主回覆10/02/2009 16:00:00]其實我地結意結業多過開業.

    回覆刪除
  28. goldie2009年10月1日 晚上8:59

    以本人對拉拉既認知程度, 樂樂一d都唔似9歲+. 希望快d有人帶返樂樂返屋企啦! [版主回覆10/02/2009 16:01:00]佢個樣一D都唔似, 一過反應慢同埋完全無活力, 出街/入屋都係撻係度唔郁....真係唔知佢幾大. 你有無朋友認得樂樂呀?

    回覆刪除
  29. Ewa2009年10月2日 凌晨12:17

    希望快啲有人帶返樂樂返屋企啦, 中秋節, 人狗團圓就好了   [版主回覆10/02/2009 16:01:00]希望啦, 最多個主人出現我唔大聲鬧佢唔續牌啦.

    回覆刪除
  30. 衫吻_牙儀2009年10月2日 凌晨4:34

    你好 , 幫手轉貼吧! 本人失去2頭牧羊,現在好傷心。   尋兩隻牧羊犬 原主人於 24/9 當日將小寶及豬仔在南昌一帶交給網上的領養者後 . 領養者玩失蹤 . 多次都聯絡不上 . 現原主人很擔心兩狗隻的安全 ~ 當日兩狗隻交給領養者時的裝束 : 啡白色 , 女仔, 有藍色頸飾  , 有紅色狗帶戴住。 黑啡白色 ,男仔, 有紅色頸飾  , 有紅色狗帶戴住。 因原主人多日來也聯絡不上該領養者 . 原主人很擔心將兩狗錯給狗販會累及牠們一生 . 現幫忙呼籲 ~ 如大家於南昌一帶 . 或其他地方看見此兩犬 . 請盡快跟原主人聯絡跟進 . 謝謝 ~ tel :  2430 7623 ( mei ) email : eingeingwing99@yahoo.com.hk                                         {歡迎轉貼} [版主回覆10/02/2009 19:50:00]幫你FWD俾住附近既BLOG友

    回覆刪除
  31. 敏敏2009年10月2日 清晨5:35

    中秋節快樂!!! [版主回覆10/05/2009 09:58:00]謝謝

    回覆刪除
  32. 衫吻_牙儀2009年10月2日 上午8:22

    唔該哂呀!!! 我勁掛念豬仔小寶呀!!!! [版主回覆10/05/2009 09:59:00]希望你快D搵返佢地啦, 不過送養都唔可以咁隨便....小心呀.

    回覆刪除
  33. 則卷小雲2009年10月4日 下午3:30

    真係好靚啊! 一定好好 [版主回覆10/05/2009 09:59:00]哈哈, 真係幾靚仔.

    回覆刪除
  34. 衫吻_牙儀2009年10月4日 晚上7:37

    嗯 , 我真係唔可以放心我朋友幫我搵人要 , 依家我就算搵回來 , 都不比人 , 我不要牠們再疼苦下去。   [版主回覆10/05/2009 11:28:00]希望你真係認真咁對佢地有一生既承諾.

    回覆刪除
  35. 衫吻_牙儀2009年10月5日 凌晨1:40

    嗯 我記得今 日我所說的野。 [版主回覆10/05/2009 17:02:00]加油呀.

    回覆刪除
  36. 衫吻_牙儀2009年10月5日 凌晨2:07

    嗯 , 你平時有冇做開狗狗寵物義工呀!!!! 我好想去狗埸幫狗狗沖涼 , 就好開心了。 [版主回覆10/05/2009 18:23:00]你去搵個BLOG主啦, 佢定期去幫狗場狗地沖涼架 http://hk.myblog.yahoo.com/misswswong/article?mid=20033

    回覆刪除
  37. Winkie2009年10月5日 凌晨3:07

    9年無續牌 !!!!! 希望佢一直都有一個愛錫佢嘅主人啦. [版主回覆10/05/2009 18:22:00]我估佢至少轉左手一次, 因為叫佢狗牌上面既名佢完全無反應. 希望佢個主人搵緊佢啦, 西貢市都未見有人搵狗....唉.

    回覆刪除
  38. 衫吻_牙儀2009年10月5日 凌晨3:28

    THZ , 唔該哂你呀!!!! [版主回覆10/05/2009 21:21:00](Empty)

    回覆刪除
  39. Eva2009年10月5日 凌晨4:43

    希望早日回家, 找到家人 [版主回覆10/05/2009 21:21:00]希望啦.

    回覆刪除
  40. 衫吻_牙儀2009年10月26日 凌晨3:21

    HIHIHI

    回覆刪除

訂閱： 張貼留言 (Atom)