用錢都買唔到

豬仔家用緊好多有錢都買唔到既好野，介紹幾件我至愛俾你地。

依個就係豬仔同村狗既專用乾糧糧杯啦，分量剛剛好，仲有個好好楂既手位。

打開個底既機關就可以當漏斗用黎倒貓糧入糧樽。

認唔認到佢係乜，之唔係果汁先生前身既樽，上半身用黎做糧杯／漏斗，下半係廚房身用黎用插筷子刀叉。係市面上都仲未搵到材質設計功能咁好既產品。

可惜果汁先生個樽轉左款，依家得返勁難飲既特惠牌橙汁係用依個樽，十幾蚊一大枝都幾抵架。

多得二妹先排學識左飲葡萄適，去超市順手買左半打，豬仔爸先提我可以轉買大支裝。

因為至愛依個樽樽既二妹已經搵到屋企。依樽樽尺吋岩細狗，拋起上黎有聲，又好咬好，銜起上黎又咬唔實可以再追過，所以係二妹係至至至至愛。

我家貓貓當然係有錢都買唔到啦，不過係講緊佢身後既藍莓紙盤呀，肥啡公主就係排緊隊等藍藍訓完到佢訓。

有幾好訓？我叫小黑豬ＢＢ為大家示簵下。

坐又得。

訓又得，仲迫迫地咁岩既ＳＩＺＥ，貓貓最愛。

黑仔：到我訓未呀。
小黑豬ＢＢ：我岩岩先訓得咋，喵～～～

個藍莓紙盤當然有錢都買唔到啦，各大超市均有得拎。。。