做狗要對得住個天

仔仔 : 媽咪話做人要對得住天地良心, 所以我地做狗都要對得住個天喎.
豬豬 : 咁即係點呀?
仔仔 : 即係咁, 天氣咁好又涼又爽, 如果我地唔去郊遊就對唔住個天啦.

豬豬 : 咁事不宜避, 我地上車出發啦.
仔仔 : 乜DADDY換左車咩?
豬豬 : 架車放係度開埋門咁, 唔上車對唔住架車喎.

豬仔媽 : 夠啦, 你地兩個發完夢未, 過黎咩返自己個背囊, 上返自己架車出發.
豬 + 仔 : 哦.....

村狗囡囡+MEME : 仔仔, 玩得開心D, 快D返.
仔仔 : 得啦, 你地乖乖地係度得我返黎啦.
豬豬 : 眼怨....

豬仔媽 : 兩隻野, 係起點影返張合照.
豬豬 : 係
仔仔 : 影乜鬼呀, 行啦.

於是豬仔就好乖咁跟住爸爸行山啦.

起步果時精精神神, 笑曬口咁架....

行行下....
仔仔 : 點解行極都係樓梯黎架...

豬豬 : 又要咩住個背囊, 又要上山...
仔仔 : 擺明係擺命啦.
豬仔媽 : 阿仔, 你個背囊入面好似得個水兜同一包零食咁大把咋喎.

怕鬼左佢地, 一於大解放.
仔仔 : 一個圓滿既郊遊旅程, 要包括以下動作.

仔仔 : 分別係, 奔.

豬豬 : 跑

仔仔 : 跳

豬豬 : 碰

豬+仔 : 除左石屎路同樓梯仲要有泥路同樹林.

豬+仔 : 除左行行企企之外, 我地個個都有特別任務架. 好似爸爸就負責影相.

仔仔 : 我地就負責施肥同灌溉.

豬豬 : 我地仲要幫D草播種, 好似哥哥咁就將D草既種子帶住係身.

仔仔 : 你地一定會問, 咁媽咪負責乜野.
豬豬 : 佢咪係我地阿四LAW, 我地個背囊唔係佢咩邊個咩呀.