蝦碌全家幅

下面果棵係咩呢?

其實係六個杯, 因為今日連埋豬仔爸媽六個人一齊帶狗地去遊水玩水.

六個人你估下有幾個隻狗....係十一隻....
仔仔, 豬豬, BOBY, DOLLDOLL, JESSIE, 卡卡, 比斯, GINA, 布吉 (排名以重量分先後), 再加埋村狗囡囡, MEME無多無少一打差一隻.

太多相啦, 先黎全家幅.

先黎朱家四大名捕, 除左DOLLDOLL俾人拉住左無得玩個樣有少少唔高興之外, 其他大人小朋友都好合作, 有曬表情....接近滿分呀.

話口未完, BOBY開心到反肚....

反完肚就走佬.

原來係走去要媽咪錫, 卡卡成功偷走暨偷笑中.....

之後到豬仔家, 豬仔超級唔合作, 唔俾表情唔望鏡頭, 仲要向左望向右望....
=.= 要等下次再影過.

好啦, 到比斯家啦
比斯爸好似唔多想影咁喎,
布吉 : 我唔要同佢地影合照
比斯媽 : 衰仔, 你係咪唔合作呀, 小心今晚無飯食呀.

小朋友真係唔嚇得, 在吉即刻定曬笑曬.
可惜就到GINA發脾四....

比斯爸 : 俾下面好喎, 阻間整件雞你食.
GINA即時舔曬咀, 等影相....呀唔係係等食雞.

比斯 : 原來發脾四有著數架, 等一等, 我未發脾四.

比斯 : 我攞個背DUG住個鏡頭, 睇下有咩食先.
比斯媽 : 食食食, 信唔信我煮左你黎食呀啦.

比斯 : 唓, 同狗唔同命, 你地睇地啦, 幾偏心.

比斯爸 : 比斯
比斯 : 咩事呀, 係咪你覺得對我唔住, 諗住請我食雞呀.
比斯爸 : 我係想講, 你唔俾D笑容, 我今晚唔俾飯你食.

係威迫利誘之下, 比斯家依張充滿笑容既全家幅就出左黎啦.

同場加映, 掟阿仔落海連環拍.

凶手係邊個, 無影到樣架, 你地唔好估.

受害狗個樣超可憐, 好似遇溺咁, 使唔使搵人救救佢呀....

布吉 : D人冷血架, 無人救我既, 咁我唔好再扮野啦.

布吉 : 其實我識游水架...

布吉 : 渡海泳都難我唔到...