忽然有愛...

今年春節, 香港忽然温暖起來, 大家都對困在祠堂間的黑妹生了憐愛, 狗狗上了報章頭條不是因為咬傷人, 可能是開埠以來首次發生了. 新一輩的香港人忽然學了會專重生命嗎?

大家怒罵村民狠心, 管風水不管生命....

我懶管村民任何理由, 反正想得出用炮仗來嚇黑妹是救她的方法, 他們的判斷力和思考力也不用多說. 又管他說風水不是風水也好, 我說黑妹死在祠堂之間, 村裡必有人生病有人過生亦必能應驗, 反正生老病生是常是事.

說來也有趣, 大家正氣凜然的指責著祠堂的人麻目不仁, 但對每天被遺棄的寵物, 死於非命, 缺乏照顧, 生活於黑暗和慘遭虐待的動物卻又繼續視而不見. 黑妹的故事只動物界的冰山半角. 是的冰山一角還不到.

先說全民關心的黑妹, 我不知道她生活的村落是何等模樣, 但見報導說黑妹擬似懷孕, 自由在村裡走動, 不就像我家鄰村的村狗, 從不絕育, 自由繁衍, 整天坐在馬路旁甚至馬路上, 你說他自由自在生活優游. 誰又關心他們生育過度, 整天在垃圾站裡找"美食", 或遇上不小心或不熟悉道路的司機被車撞傷, 當然傷了病了無人理他們, 或許連他們的主人也數不清他今天究竟有多少頭狗而他的狗又生了多少窩狗.

再說地盤的黑妹, 生了孩子

地盤的人難得肯替她絕育

但她的孩子又怎樣. 

一個生來夭折, 接著幸運地首先兩個女孩找到家.

大舊(男)生得可愛, 在網誌上發佈他的相片, 至少有三人垂詢想給他一個家.

初時地盤說要把男人留下自養, 後來又說可以送人, 到暫養家庭都安排好了卻短短在三天之內己改變主意要把狗全都留下.

最多只有數年壽命的工地, 又不會花錢花時間照顧他們, 我問地盤負責人為何要養狗, 他直言地盤的保安有阿星承責, 養狗只是"貪過癮", 好一個"貪過癮", 多少地盤狗受罪, 好命的在完工時被送到漁護處, 其他的原地方回, 每天呆呆地待"主人"回來, 世代繁衍, 待有人投訴流浪狗, 漁護處又來捉狗了.

天氣轉冷地盤負責人打電話來想要一個狗屋給他們, 說怕他們會冷怕, 我說地盤有工具和建材齊全, 簡單的給狗地蓋一個不難吧, 他們說不. 我說我給家狗買的全新狗屋不用七百塊, 他說價錢不合意. 天冷了, 大舊真的病了不願吃, 他們把來問怎辦, 說穿了他們不想花錢帶他去生獸醫, 剛巧我不在港未能去看, 花了多少唇舌, 過了大半個星期他們才不大願意的帶大舊去看獸醫, 那只是二三百的花費.

吃過葯, 不到大半個月, 大舊卻又不知道在那裡吃了甚麼, 中毒身亡. 還好在沒有受傷還未吃過咸苦之時就離開.

還有那個小黑妹, 即黒妹的女兒, 可愛到不行, 親人甜美,

在地盤出生, 三個多月時, 給車撞倒拋起, 當場吐血, 地盤不管不醫, 我不在港看不到她的傷勢, 說既然你們不醫她, 乾脆打電話給漁護處接走, 比吃她在這裡受苦好了, 他們說送他去死不好意思. 奇跡出現了, 小黑妹活下來, 一只後腿廢了, 仍能跑跑跳跳, 每見熟人興奮得尾巴停不了. 這時地盤就說, 你喜歡就把她帶走....

你說我狠心我仍是想小黑妹沒有活過來, 早日離開這地獄, 再給言班"人"留下一個陰影, 讓他們夢迴時見到自己做的一切, 出一身冷汗, 輾轉不能入睡....

若你說上面所述的狗, 命生得不好沒有辦法. 大量名種狗寵物狗, 有家的狗又如何? 君不見大量寵物每天被棄養, 有人大搖大擺的拖著愛犬到愛協說帶狗來給人收養, 有人說怕孩子出生會敏感, 有人說貓妒忌家中少主不能留下, 有人說搬屋不能養狗......

黑妹的影響力可能維持到多久, 這群熱心那時會冷卻. 我不知道. 若黑妹能喚起大家對生命的丁點專重, 她的犠牲可謂意義重大.

我相信死亡, 並不可怕, 生不如死, 沒有明天的生活更可悲.

生日大曬

今日係我豬豬既慶生日, 依個唔係我出世既日子, 係我重生既日子, 話說兩年前既今日, 即係豬年既大年初二, DADDY MAMI食完開年飯返屋企, 就發覺左又凍又餓又瘦又驚既我瑟縮左係花園既角落. 後來我見佢地咁鍾意我, 我就應承佢地留底成為佢地屋企既一份子啦, 於是亦都改寫我豬豬既一生....

又由於仔仔哥哥一直都唔知幾時生日, 縮骨既DADDY MAMI就決定將我地兩個既生日定埋一齊, 話就話方便慶祝咁喎...

既然夾埋一齊慶祝生日, 生日蛋糕當然都係得一個兩狗分啦, 不過個蛋糕係今日下晝新鮮 home made既三文魚蛋糕, 叫做有少少誠意啦.

唔止生日夾埋一齊, 就連生日禮物都夾埋新年禮物. 新年用新狗帶再配新拖帶, 當埋生日禮物喎.

多得小咪姐姐同波哥哥加多份生日禮物俾我地, 仲要係高檔既三狗餅同日版狗地棒棒糖呀, 我咁大個女都未食過呀.

我話左俾rosina姐姐聽我豬豬最鍾意係無乜人狗既大草地跑,

所以daddy mami就帶我去大草地跑餐飽.

mami仲約埋我地既朋友---ming ming同sasa呀.

當然唔少得今日新曆生日既彭彭啦.

簡單而隆重既分餅儀式, 俾製造渾亂既明明同, 趕亂偷食既sasa攪亂左, 所以係咁椅影張相時己經少咁個蛋糕仔啦.

之後就係喪跑同玩捽角時間.

我地豬仔同明sa就玩 changing partner

我豬豬同明明跳舞

仔仔同sasa就談心

彭彭仲向仔仔哥哥請教追女仔技巧呀.

玩左一朝, 跑到我地撻曬係度, 無曬力啦....爽呀.

星期六我地係西貢開趴地呀, 你地黎唔黎一齊玩呀
詳情請參閱---初六有節目

初六有節目

聽日就係大年初一啦, 我仔仔同豬豬妹妹聽日要忙住去拜年,
所以提早預祝大家新年快樂, 身體健康,

假期就特別多節目. 前幾日天氣好, 我地又去郊遊啦., 不過今次郊遊係有特別目的架, daddy mami話我地去搵個好地方同狗地朋友團拜, 順便慶祝我同妹妹生日喎.

佢地揀左初六(今個星期六)朝早. 睇下有邊個朋友有興趣一齊黎玩.

朝早食過早餐, 就泊底架車係紀念碑

節目一[晨早場] :
八點九紀念碑集合進行登山活動.
全程兩個半鐘左右

過對面馬路上山, 依個叫長山, 但係唔係好長架咋.

只係沿住樓梯不斷咁上

上呀上.

唔使一陣, 就見到靚景.

我同妹妹都停低睇下

除左樓梯之外就係好靚既山路, 衰係衰在無乜樹蔭.

再上少少就睇到另外一個美景, 依邊係望返西貢市

落山既樓都唔太難行架.

行下d沙石路磨下趾甲, 爽過行石屎路呀.

因為無乜樹蔭, 我地就要行下停下飲下水.

入左樹蔭路就要留意左手邊.

路住無指示牌既方向行小路落山.

條山路比較穩秘, 要留意沿路綁係樹上面既膠帶.

係林入面走, 帶小小探除感覺, 好刺激架

條路都好斜, 不過慢慢行, 有驚無險, 仲好好玩添.

無幾耐就接入村

到蛇頭村啦.

之後行村路, 接入大網仔村, 沿北潭路接第二項活動.

節目二[早場]: 散步
沿住大網仔十四號燒烤場既靚靚小徑走一圈,
全長四十分鐘
早上十一點半係大網仔路十四號燒烤場集合,
可以泊底車係大網仔或紀念碑.

仲可以沿路落海邊睇海景, 不過有蠔殼所以得個睇字無得玩水.

節目三[午場]: 飲飲食食跑草地趴地遊戲
中午十二時半大網仔路十五號燒烤區大草地
(如遇人多改往大網仔單車徑燒烤場)
一點開餐, 參加者請自備非即棄餐具(杯碟叉筷)
狗地請自備狗兜開餐

係紀念碑沿小路往十五號燒烤區大草地 (如遇人多改往大網仔單車徑燒烤場)

沿小馬路行幾分鐘

就會到達燒烤區入口

風景同草地都靚都不得了

空間都夠豬仔同狗地跑架, 玩到三點左右我地就會散水

散步路線同登山路線泊車地點如下, 如有問題請留言.

daddy mami話知道大家新年都會好忙, 但係點都要留返d時間同狗地去玩.

如果大家有時間就一齊黎玩啦,
如果無乜時間就晏晝一齊黎開餐啦.
不過記得話聲我地媽咪知, 佢要預備食物呀.

朝早跟媽咪行山

媽咪公司收爐, 尋日開始放新年假. 難得平日朝日係屋企, 媽咪朝早起身去完聖堂返屋企處理埋佢既私人大小事就帶我地出去行下.

daddy mami話結伴行山, 通常行得最慢既帶頭, 由佢決定速度, 咁就唔會有組員被扯爆 (扯爆係跑步/行山述語, 即係體力不支咁解).

我, 仔仔哥哥, 媽咪三個行, 唔使講都得媽咪行先啦. 我同哥哥兩個快腳行後啦.

媽咪好鬼煩, 跑兩下就要行下, 步速時快時慢, 攪到我地又要跟佢時快時慢. 我地笑佢唔夠氣體能真係差. 媽咪話唔好吋佢, 想當年佢好fit架喎. 想當年我豬豬都未出世, 所以我唔理佢當年幾fit, 總之依家佢係fat唔係fit.

媽咪又好小器, 我地唔少心爬左佢頭, 佢就會發惡, 鬧我地. 哥哥話好男不與女好鬥. 所以讓媽咪, 我豬豬都怕鬼左媽咪, 所以都係乖乖跟住佢行.

有時要我地坐定定影合照

有時又要我地stay等佢行遠少少先准come

有時仲無啦啦停係度扮綁鞋帶, 要我地停低等佢, 點解話佢扮因為佢著涼鞋邊有鞋帶

唧.

唔止呀, 我地行行下掛住睇風景唔埋佢又會俾佢鬧.

行得慢過佢又鬧, 仲要即刻笑返跟住佢.

理論上, 哥哥會行第二, 不過我豬豬細膽, 行頭驚鬼, 行尾驚賊, 所以仔仔哥哥話佢殿後保護我,

順便一路行一路做下路標. 萬一媽咪盪失路我地都識帶佢返屋企.

行行下, 哥哥又要放底少少, 所以我豬豬就會坐係媽咪同哥哥等埋一齊先行.

到我要放底少少, 哥哥又會等埋我

不過跟媽咪行山都唔係真係咁悶既, 行無耐就會到我地既私狗沙灘.

等媽咪ok一聲同哥哥就可以喪跑同玩水.

我地梗係第一時間衝落水啦.

玩水戰

濕夠水就彈返上黎.

玩水陸戰

係沙灘喪跑

不過玩一陣就要返屋企, 因為要仲要沖涼同洗耳仔
回程時遇到迎面黎既釣魚人同行山人, 我豬豬都無走左去. 媽咪話我有進步呀.
大家有無覺得我豬豬既眼神有返少少自信呀. 因為我就黎生日, 大個女啦.