仲有成班記者爭住採訪, 大家唔好該會, 唔係發現狗隻屍體, 亦都唔係發現狗隻被遺棄或者遭虐待.
而係十六家為佢既回歸而開既記者招待會. 記者招待會好認真架, 要有記者證先可以進行採訪, 張記者證製作精美, 連埋美食都只係六十大洋, 抵.
講左咁耐都未介紹果pat係乜, 之唔係佢---長耳外星狗....
(唔好意思, 依張相係角度問題, 誇張左佢對耳仔,
大會話唔應該發表而破壞主角型象既)
依張先至係官方照片, 萬人萬狗迷十六家之孻仔---ALMO帥哥.
作為專業既抽水專員....呀唔係.....係記者專員至岩,
我梗係唔會放過去抽ALMO水既機會....呀唔係.....係去訪問ALMO既機會至岩.
抽水ee : ALMO我有條問題想問你呀.
ALMO : 事無不可對人言, 你問啦. 不過唔好借d椅攬咁實喎.
抽水ee : 我想問你加入十六家有咩感想呀.
ALMO : OH! 爽死了. 有想飛的感覺...
問完almo當然要訪問埋佢家姐泡泡啦.
抽水ee：泡泡，你對ALMO有咩感想.
泡泡: (即時合埋對眼)
泡泡: 無眼睇.
抽水ee : (心諗: 撞鬼妳咩, 個訪問出緊街架, 要學下足總個調查報告咁解釋先得)
抽水ee : 你既意思係, 你地玩得好開心, 開心到笑到見脷唔見眼....
以上內容純屬吹水.....睇堅野要等下一集.
果 pat 野，應該係屎！ 泡泡好百痴 [版主回覆04/13/2009 22:50:00]果pat野唔臭架, 應該唔係屎. 有見到有另一pat黑色野撻係垃圾袋度, 唔知係咪屎. 泡泡不知幾精靈, 一d都唔白痴.
回覆刪除mimi : 十六少....尋日我有去到大棠架....但係....你地响邊個bbq場呀.....我行到上去dr. pet嗰邊...都見唔到有你既影呀...... [版主回覆04/13/2009 22:51:00]我地咪係停車場再上, 右手邊最督果度, 點解唔打俾我地呀.
回覆刪除呀~ 你呢篇報導都幾忠懇喎(除咗話"嗰pat嘢~ )! [版主回覆04/14/2009 13:16:00]咩呀, 我都係如實報導之麻....
回覆刪除小朋友 , 請問你點解可以咁"英"架呢??? [版主回覆04/14/2009 13:17:00]你要問下十六爸喎, 虎父無犬子呀麻.....
回覆刪除抽水姨果然勁，連Almo都抱得起，不如下次你抱Bacon啦！ [版主回覆04/14/2009 13:19:00]bacon我試過, 但係失敗呀... 不過豬仔爸同卡卡爸都抱得起bacon呀, 下次出返篇blog你睇呀.
回覆刪除嘩，十六少靚仔到吖！！！ [版主回覆04/14/2009 13:19:00]官方發佈照片, 唔靚唔俾登架.
回覆刪除點解無嘢食睇嘅? [版主回覆04/14/2009 13:19:00]掛住食仲邊得閒影相喎....
回覆刪除最抵係你啦...又食又拎又玩又抽水 [版主回覆04/14/2009 13:21:00]梗係抽餐飽啦, 唔係邊對得住自己呀..... 仲差在無走埋去你地度學點食爸爸腸腸之麻.
回覆刪除抽水ee厄blog呀!! [版主回覆04/14/2009 13:21:00]咩唧, 引旨呀麻, 要簡短架..... 係呃既心照咪算law你都咪鬼咁大聲揚出黎呀.
回覆刪除報導嘅角度唔錯哦 [版主回覆04/14/2009 13:22:00]都係你識欣賞, 咁幾時到你交功課先, 唔好話我聽你好忙呀.
回覆刪除好墟"陷"o既場面呀~~!! [版主回覆04/14/2009 13:22:00]仲好講, 你又唔帶doggy黎, 哼哼
回覆刪除D採訪証有埋相咁正既~ 你地搞PARTY真係好PRO呀 [版主回覆04/14/2009 19:53:00]哈哈, 唔好估估下啦 下次你都黎玩咪知pro唔pro.
回覆刪除Doggy o既水，唔係o甘易抽o架，要令你們望穿秋水先。 [版主回覆04/14/2009 19:54:00]唓唓唓唓唓, 巴閉啦.
回覆刪除乜咁少相既??唔好收埋呀,快d拎出黎睇啦 [版主回覆04/14/2009 19:55:00]點會咁少相呀,不過分幾次出blog之麻, 想齋睇相可以去豬仔爸個相部呀, 你識唔識路?
回覆刪除果日mug係迎隻牛咩 [版主回覆04/14/2009 19:55:00]你講牛咁大隻既almo......
回覆刪除Almo好乖啊，任抽唔嬲 [版主回覆04/14/2009 19:56:00]almo自細由專業trainer訓練, 好在未學到attack, 所以咪任抽唔嬲...
回覆刪除嘩~ 好英呀, 好似我鄰居jacky 咁呀, 不過jacky 已經去咗彩虹橋玩囉! [版主回覆04/14/2009 19:56:00]真係好英架almo, 不過你鄰居屋企好似狗口眾多架喎
回覆刪除嘩....almo靚仔到丫,有冇攪錯丫?對耳咁大要黎收風架,哈哈 [版主回覆04/14/2009 19:57:00]無黎到抽水有無泵心口先.
回覆刪除佢個樣好似好想走咁喎 [版主回覆04/14/2009 19:57:00]佢個樣不知幾冧呀, 你無戴眼鏡睇唔真咋嘩.
回覆刪除好靚仔呀 , 抽水EE你真識貨 [版主回覆04/15/2009 19:26:00]係呀, 所以抽水ee成日都話靚靚豬好正, 因為抽水ee識貨law
回覆刪除真係靚仔到唔抽唔得~ [版主回覆04/15/2009 19:26:00]梗係啦, 點會忍到手架.
回覆刪除亞毛張官方照好英呀!佢張易服照你都係唔好出la......!今舖真係比佢老豆害屎! [版主回覆04/15/2009 19:27:00]哈哈應該會有童年陰影....不過今次唔關我事
回覆刪除貢叻叻轉左see through嘅 話時話我諗Almo除左想飛，都想你加粒星law [版主回覆04/15/2009 19:28:00]小朋友邊使打星星既即, 佢地成日都裸跑裸游都茅問題架.
回覆刪除絶對有啦 [版主回覆04/15/2009 19:29:00]咁下次記得黎玩啦. 泵心口是泵唔好咁大力呀.
回覆刪除你同Almo影個張，Almo個樣好鬼C嗲呀！ [版主回覆04/15/2009 19:29:00]都係團長你識貨. 你個屎人鄰居話almo想走喎....打得少呀佢.
回覆刪除哈哈,你放心,泵梗係唔會泵自己心口啦,哈哈哈 [版主回覆04/18/2009 20:04:00]咁邊個咁抵得諗俾個心口你泵呀....
回覆刪除真是好開心呀, 見到那麼多狗 [版主回覆04/18/2009 20:04:00]係呀, 一次過三十幾隻呀, 如果你地兩個黎埋就四十隻啦.
回覆刪除呵呵,我無理佢比唔比架喎,通常都係我隔離那個雄仔老公架囉 [版主回覆04/21/2009 11:36:00]哈哈, 我同一樣呀, 我都係泵豬仔爸架咋
回覆刪除哈哈,梗係,容乜易我泵其他人比人泵返咪洩底?? [版主回覆04/21/2009 13:38:00](Empty)
回覆刪除