話說大陸有大頭奶粉事件, 攪出一班大頭B.
點知大棠有大頭雞片事件, 攪出一班大頭狗....
請大家留意報導
行凶人士似乎偏好黑包金頻色既狗地, 以派米為名, 引曬佢地埋黎....
攞出美食, 等狗地流露出非常為食既神情
叫佢地乖乖坐定定然後逐個餵大頭雞片
食完之後就好似中間隻狗咁啪一聲訓底.雙眼反白...
起返身就變左大頭狗啦.
仲有d天生為食既狗, 唔知危險, 自己走埋去輪米,
食埋大頭雞片一份
結果就成為第一隻非黑包金顏色既受害狗.
由於佢太可愛, 於是激發起行凶者繼續派大頭雞片俾頭他狗既領頭....
結果....
遇害既狗狗為數甚多, 由於己經變得不似狗型, 除左上面既大頭狗之外, 我地特地張貼埋其他還害狗隻既照片, 等各主人自己認返自己隻狗.....
jessie
bobbie
momoko
牛牛
黑黑
至於不為五塊雞而拆腰, 留戀係媽媽既大肚腩上面既麗麗就幸免於禍...
如果大家發現行凶者既踪跡請即與本blog主聯絡,
因為好似話好多狗都想食大頭雞片喎.....
蝕底晒 , 仲有 bobby 未食 , 係咪仲有雞片派呀 ?! [版主回覆04/15/2009 22:54:00]下次我會再引誘BOBBY架啦, 多卡屎有無食過反尋味呀.
回覆刪除行凶者咪 Blog 主囉，哼~~竟然喊賊捉賊，好大個膽 麗麗機智聰敏，梗係9唔會比 "屎忽凶徒" 有機可乘喇 [版主回覆04/15/2009 22:53:00]麗麗至醒搵個大肚腩女巫做靠山避開個大屎忽凶徒....
回覆刪除我哋都要食頭雞片！ [版主回覆04/15/2009 22:47:00]好, 下次帶大頭雞片出黎請你地食呀.
回覆刪除那麼大頭卡卡有沒有跟大頭泡泡母女相認? [版主回覆04/15/2009 22:52:00]梗係有啦. 不過佢地兩個好似無乜印象咁...
回覆刪除直情食到想尋死呀 , 佢話個頭大咗唔靚女呀 , 好在得我呢個愛心娘親勸導 , 先至無咗睇唔開 jar ~ [版主回覆04/16/2009 00:12:00]佢地睇唔開係因為無你加餸咋話, 我估佢地都係要愛心娘派愛心雞片, 就會開心返架啦.
回覆刪除我要舉報 [版主回覆04/16/2009 00:13:00]你打既電話暫時未能接通, 請遲D再打過拉.
回覆刪除泡泡的子女都不像她.... 點解倒地的是仔仔, 起身連狗種都變埋? [版主回覆04/16/2009 00:14:00]我地有懷疑泡泡D囝囡係執返黎架 第二張大頭狗咪係仔仔, 第一張係BILLY仔
回覆刪除芝麻咩你有去輪大頭雞片嘅 [版主回覆04/16/2009 00:43:00]芝麻係邊呀....
回覆刪除唓........噓..........呃到出晒汁 ! [版主回覆04/16/2009 00:44:00]乜呃呃聲呀, 有內容有創意有靚相架.
回覆刪除=>麗麗至醒搵個大肚腩女巫做靠山避開個大屎忽凶徒<= 嘩~ 成篇至冇呃o既係呢句 ! [版主回覆04/16/2009 00:45:00]嘩, 唔係你估, 我地D BLOG友水準好高, 回應好有深度架. 所以回覆都要有返咁上下.
回覆刪除有冇攪錯左啦...momoko冇咁靚ga wor [版主回覆04/16/2009 00:46:00]咁使唔使俾包獨門大頭雞片過你, 等MOMOKO KEEP住個靚樣呀.
回覆刪除仲有~ 第一張嗰個係"Apple"嚟o架 ! [版主回覆04/16/2009 00:47:00]我夠知啦, APPLE BILLY水我抽左唔少我梗知啦, 但係我諗無乜人識分咪亂咁黎LAW.
回覆刪除真係超低能，勁攪笑呀 [版主回覆04/16/2009 15:45:00]無計, 佢地有無底能阿媽寫埋d底能blog 下次請dede食大頭雞片, 我有豁免可以親手餵dede架.
回覆刪除行凶者咪係你囉~ 係喎~你欠我Doggy3條雞肉條，o甘佢食完，個頭未可以增大倍。 [版主回覆04/16/2009 15:54:00]雞條同大頭雞片係兩樣野黎架, 佢同有共通點, 要狗地親身領取. DOGGY你要食雞片既話就點都走唔甩架啦.
回覆刪除嘩 .. .... 唔知 彭彭仔 有冇食到添呀 .. .... 前幾日發現 .. .... pat pat 圓咗好多 .. ... 係唔係副作用嚟0架 ~~~ [版主回覆04/16/2009 15:55:00]人地係大頭雞片呀, 點會個patpat圓左架, 除非彭彭係用patpat食雞片啦.
回覆刪除有見妳大半年，妳瘦咗好多bor~ [版主回覆04/16/2009 16:14:00]如果你無講左話既話, 我諗你係無見我大半年唔記得左我原本係點, 個個都話我肥左呀..... 如果十年無見過我既, 我真係瘦左, 但係四五年無見既係肥左好多....
回覆刪除Minnie Cooper 都想影一張呀 [版主回覆04/16/2009 16:15:00]要見到豬仔爸先大頭有雞片派呀
回覆刪除哈......變哂大頭狗, 投訴無門喇! [版主回覆04/16/2009 16:15:00]但係狗地好開心喎
回覆刪除仲有隻變左隻意粉狗 [版主回覆04/16/2009 16:16:00]傳說中既馬賽克意粉狗....好似好好味咁呀. 有無意粉豬豬同仔仔呀.
回覆刪除意粉狗好正呀！！！ [版主回覆04/16/2009 16:18:00]係呀, 我都想要意粉豬仔呀
回覆刪除freedogjanny好勁呀！果然係機智同靈敏，無比blog主攪亂到。 倒地狗同企番身嗰隻係兩種狗，你都分到，真係勁！ [版主回覆04/16/2009 16:24:00]我既blog友不嬲都好高質素架喎.
回覆刪除歡迎致電狗狗狗熱線，廣西話請按十一字... 十六媽好勁呀，你真係分到AB架哦... 好勁呀！ [版主回覆04/16/2009 14:17:00]係人都分到啦, apple咁肥
回覆刪除厄完blog重想厄多次狗出嚟俾你抽水!! [版主回覆04/16/2009 16:26:00]邊有呃blog即. 我係請狗地出黎請佢地食雞片, 無特別用意架, 你唔好誤會呀(雖然講都無人信架啦)
回覆刪除嘩....派片呀....食咗變大頭狗狗.... [版主回覆04/17/2009 23:56:00]係呀ｍｉｕｍｕｎｇ想唔想食返件呀．
回覆刪除豬仔話 我又要 [版主回覆04/17/2009 23:56:00]豬仔我有意圖請佢食架，但係佢太乖啦，唔理我．．．
回覆刪除>我都想要意粉豬仔呀 意粉豬仔就未有，意粉仔就有一個： [版主回覆04/17/2009 23:56:00]我要意粉豬仔，唔係意粉仔呀
回覆刪除哈哈，Bobbie果張你唔講我都唔認得。你既大頭雞片勁呀，Gordon果日係咁地氈式檢查，尋地上既雞片呀！ [版主回覆04/17/2009 23:57:00]哈哈ｇｏｒｄｏｎ果日就忙啦，咁多朋友一齊玩咁多野食 我都好忙，咁多水抽
回覆刪除個個都變咗大頭狗 [版主回覆04/17/2009 23:57:00]嘩，大頭ｂｉｂｉ呀
回覆刪除好正呀, 栗栗又要影 [版主回覆04/17/2009 23:58:00]好耐無見栗栗啦．．．掛住呀
回覆刪除大肚腩女巫身上嗰個係A貨麗麗 係芝麻扮 [版主回覆04/17/2009 23:59:00]麗麗扮芝麻定芝麻扮麗麗呀，咁鬼似點份呀．
回覆刪除仔仔同佢好似堂兄弟bor... [版主回覆04/18/2009 00:00:00]佢地係沙煲兄弟，就快一齊去玩泥沙．
回覆刪除[版主回覆04/18/2009 00:01:00] 俾人通輯．．．唔知懸紅幾多塊雞片呢
回覆刪除有雞片食, 變大頭狗都肯啦~! [版主回覆04/18/2009 00:01:00]我會帶ｄ大頭雞片去甜品家抽水架啦
回覆刪除假如COCO 猪在场, 佢一定中招..... [版主回覆04/18/2009 00:02:00]ｃｏｃｏ豬個胸咁大，變大ｄ個頭都唔覺架
回覆刪除我即刻檢查 bi be 個頭, 佢.........個...........頭............佢..................個..............頭, 點解無大到架? [版主回覆04/18/2009 00:02:00]ｂｉｂｅ個頭無大度但係你搵到頭到大埋．．．
回覆刪除咩apple好肥呀... 你歧視呀！apple輕咗5kgs架喇！ 比斯仔 ，你好勁呀！佢哋係堂兄妹嚟架！ [版主回覆04/18/2009 00:03:00]ａｐｐｌｅ可以再輕多３ｋｇ呀．見返條腰就差唔多，我無歧視ａｐｐｌｅ呀，見係佢我抽多幾野水添呀．
回覆刪除下次有聚會,一定要CALL我, 我一定來 [版主回覆04/18/2009 20:02:00]芧允題呀, 為左見到小白, 我一定CALL你架
回覆刪除apple由細到大都無腰架... 輕多3kgs都無用啦。 [版主回覆04/19/2009 06:25:00]哈哈, 原來APPLE同我咁夾架....
回覆刪除