![](“https://googledrive.com/host/0B9pciYoYy_03a3JuRDJfbG4wd3c/jipYOal7s5.6hw1nhc0_wl1TcXjtkaxomvAhcvgsESjBQjQmOcYc3g--/31/l/3FKCGu1DXCpzhM0IcjFi1w.jpg")
就即是說他們要抽血. 雖說抽血也不一定是壞事, 我們一家去旅行前也不就是要先準備驗血報告. 不過這次抽血帶來的的確實是壞消息---仔仔得了牛痺熱, 正確點來說是相當難攪的犬焦虫.
前幾驗血報告再出, 證實仔仔的犬焦虫症己治好, 也是時候整理一下這次病歷.
(應該幾悶, 無興趣可以省略)
緣起 :
三月初, 仔仔開始挑食, 只吃好味道的東西, 狗糧一概不願吃. 同事豬仔爸發覺仔仔的牙肉發白, 開始擔心. 於三月十日帶仔仔到獸醫診所檢查, 可惜那天的替工獸醫堅稱仔仔健康, 豬仔爸只好要求一個詳細的驗血報告.
備戰 :
三月十三日, 驗血報告和主診醫生Dr. Rob都回來了, 大清早我們收到電話著我們盡快帶仔仔到診所. 報告出來, 紅血球和血小板偏底. 醫生判定是牛痺熱. 作了血液抺片, 沒有發現焦蟲的踪跡. 即時安排作 PCR test找出那種焦蟲在作怪. 幸好發現得早, 仔仔當時的HCT仍有34, 比正常的範圍的底線37只是跌出少許.
醫生開了維他命和補血丸給仔仔服用.
三月十四日, PCR結果出了, Babesia Canis(大焦蟲), Babesia Gibsoni(小焦蟲/吉貝氏焦蟲)均是陽性反應.
作戰:
三月十五日, 早上帶仔仔到診所接受治療. Dr. Rob計設了療程, 第一針由Dr. Jimmy操刀. 說也有緣, 每次仔仔大病都會遇到Dr. Jimmy.
療程如下 :
先注射一劑重劑量的 Berenil
翌一注射一劑 Imizol
隔十日安排驗血, 察看病程有否好轉, 確認療程是否適合.
第二針隔十四日後再注射一劑 Imizol
再驗血, HCT回復正常, 但RBC仍偏低.
再驗PCR, 病毒呈陰性反應.
戰勝
至於RBC偏底, 醫生相信是體內體內免疫系充發現病毒時自動殺紅血球所至, 服用補血丸和類固醇, 現並建議在餐單裡增添熟透的紅肉
解說 :
Berenil原是用來醫牛的, 但用於狗身上亦有療效, 主要用來對付最麻煩的Babesia Gibsoni但會影響肝腎. 仔仔曾患急性腎衰竭, 但幸好第一個驗血報告顯示仔仔的肝腎酵數指數正常.
Imizol是針對Babesia Canis, 豬豬初來我們家時, 醫生從血液抺片看到雙梨形的大焦蟲, 一針Imizol就攪定.
現時比較流行的是Aitovaquone和Azithromycin的混合療法, 即俗稱的黃金水/滴滴金, 用來對付Babesia Gibsoni, 副作用較少, Monita姐姐說自她進駐診所以來只有一頭狗狗在使用Azithromycin肝酵數急升, 但停葯後即回復正常. 但葯如其名---黃金價, 好貴. 醫生解釋相信Berenil和 Imizol適合仔仔病程, 而且仔仔的體型來說, 用黃金水實在太貴, 若Berenil 未見效時才轉用.
結語 :
仔仔能康復得這麼快, 除了 Dr. Rob的診斷快狠準, Dr. Jimmy和Monita姐姐詳細解釋外, 要歸功豬仔爸的觀察和及時行動. 好讓仔仔在病發的初期開始治療. 牛痺熱的初期病徵是牙肉變白, 食慾下降. 再發展下去會有溶血而出現疴血尿的情形. 所以必須時時留意小朋友們的身體狀態.
愉快的心情亦對病程有相當幫助, 可能豬豬牛痺熱的經驗, 減輕了我們對仔仔病發的壓力, 治療期間繼續開開心心上山下海. 當然仔仔病程較輕沒有影響體力和精神.
別以為做足預防措施便可安心. 仔仔有準時滴FRONTLINE PLUS, 出街有時會噴蚤水, 但牛痺熱仍是不勝防. 這並不是個別例子.
多謝大家在仔仔發病後的關心, 特別嗚謝.BJ和DDB足料的經驗分享.
e家好d未呀? [版主回覆04/18/2009 21:17:00]當佢好返架啦
回覆刪除hope get well soon. [版主回覆04/19/2009 08:56:00]好返架啦, 著少少紅血球之麻
回覆刪除好返就好lor 你咁叻叻一直冇講唔想人擔心咁嘅 我都好天真又呀Q咁當FL+係神仙水咁tim… [版主回覆04/19/2009 08:58:00]至醒係呀, 我就係等佢好返曬先講, 咁大家就唔使哎呀哎呀咁影響心情. 幾天前醫生講過牛蜱遲早有抗葯性. 不過應該未發生, 但係預防依家野無百份百既.
回覆刪除哎吔!好彩你講俾我地知,仲以為定期滴front line就足夠預防牛蜱熱,又原來分咁多類別犬焦蟲添,請問又要怎樣才可增加狗狗安全健康呢,勁擔心呀,幸好你個寶貝己經無事咋 安樂哂 [版主回覆04/19/2009 09:02:00]frontline唔係百分百, 基本上無野可以百份百. 去完街街見下有無帶左隻牛蜱返屋企, 留意佢地健康狀況. 歡歡狗仔細細又短毛, 有野上身有易搵. 不過千祈唔好返怕牛蜱就唔俾佢地出街.
回覆刪除嘩... 真的要多多留意佢哋先得... [版主回覆04/19/2009 09:02:00]係呀, 仲要攬佢地多d, 你唔得閒帶ab黎我幫你攬下佢地.
回覆刪除仔仔叻叻 , 好返就好 , 叫媽媽再帶你去返一頭半個月旅行當獎勵啦 [版主回覆04/19/2009 09:03:00]好提意, 今晚早d訓早d出發, 發個靚夢....
回覆刪除都係唔好去咁多草地啦. 係呢去 where 玩呀 ? [版主回覆04/19/2009 09:06:00]做好預防, 行完草地檢查下身體就好啦. 唔好草地豬仔會抑鬱仲大件事過有牛痺熱. 不過天你熱, 我地去沙灘游水lu
回覆刪除哎呀，我哋仲以仔仔有牛蜱熱係上年既事，原來係最近既事啊！ 唉，牛蜱真係防無勝防...... [版主回覆04/19/2009 09:06:00]係呀, 去露營果日發現, 今個星期驗血先好返咋.
回覆刪除仔仔好番就好啦........好嘢!!!!! 好彩豬仔爸心水清兼細心觀察, 幾日間就發現佢有唔妥去睇醫生..........勁! [版主回覆04/19/2009 09:17:00]哈哈, 豬仔爸梗係叻叻啦...唔係點會有個咁好既老婆....
回覆刪除好野！KO左Babesia！仔仔大獲全勝！ [版主回覆04/19/2009 09:32:00]好彩過程好順利, d葯又夾. 你d blog好有用呀, 我全部煲曬啦
回覆刪除好彩發現得早咋!!你又叻喎!!又識叫獸醫驗血!!不過早排天氣咁潮濕,又真係幾危機架!! [版主回覆04/19/2009 09:34:00]仔仔d牙肉白得好緊要所以一定要check, 個替工醫生竟然話係牙肉既色素令我地有錯覺覺得白左喎, 痴線. 如果唔係替工, 我諗醫生第一日就己經要做大報告同驗埋牛蜱啦.
回覆刪除最慘豬豬同仔仔都係黑色，更加難發現牛B。 係呀，好多時主人都好遲先至察覺寵物唔舒服，帶去睇醫生往往已經太遲。其實自己照顧開貓狗，一旦有少少同平時唔同，又持續兩三日，就應該帶佢睇獸醫。 及早醫治，對寵物，對主人都好。 [版主回覆04/19/2009 09:38:00]都唔係慘既, 要搵都搵到架, 親子活動黎架. 係呀, 真係唔拖得!!!!!!
回覆刪除好彩特工 e e 為仔仔禱告！ [版主回覆04/20/2009 18:02:00]唔該特工ee, 為左報答你, 我下次請你我珍藏既餅餅 仔仔字.
回覆刪除無事就最好啦 ~ 原來牛痺熱係無孔不入，睇嚟真係要多d留意小朋友嘅身體狀況 [版主回覆04/20/2009 18:02:00]好彩無事咋. 依個月落得太多雨啦, 日日都天陰陰草地濕濕真係益曬d牛痺.
回覆刪除好彩真係及早發現咋,如果唔係好麻煩呀,而家好返都要成日留意住佢呀,牛痺熱會返發架,所以真係要小心呀 [版主回覆04/20/2009 18:12:00]我地梗係成日留意住佢地啦, 仔仔豬豬都大病過執返條命, 我地打醒十二分精神牛咁眼咁望實佢地架.
回覆刪除原來牛蜱真係防無勝防......現在經妳詳細解釋,明白左好多,以後真係要小心D觀察佢地D身體狀況! 仔仔好番就好,豬仔爸都好叻,及早及發現 [版主回覆04/20/2009 18:14:00]雖然話防不勝防, 但係預防措施一定要做捉, 但係唔可以大安旨意....
回覆刪除補補血啦！ [版主回覆04/20/2009 18:14:00]補梗啦.
回覆刪除我兩個小鬼成日系草地跑,都好担心會中招, 今日力仔就冇端端成身起红斑 [版主回覆04/20/2009 18:24:00]好彩力力係敏感無乜大礙咋. 跑草地點都唔可以少架啦, 唯有返去check清楚, 平時留意佢地多d啦.
回覆刪除除了睇牙肉外, 下眼廉會準些, 因為狗狗驚你攪佢的咀, 會驚就變白, 另外, 仲可以睇尿尿呀, 深色比平時黃好多, 你就可以決定帶唔帶佢去驗, 我每日都有幫我家小狗 check [版主回覆04/20/2009 18:27:00]8仔有你咁細心照顧就幸福啦. 除左睇下眼簾仲要睇埋第三眼簾, 狗地一脫水拉皮既反應同埋第三眼簾會話俾你聽情況.
回覆刪除冇乜事就好lor! 我最怕牛B, 但又唔可以怕唔帶佢地出去玩 [版主回覆04/20/2009 18:28:00]好彩無事, 盡我地能力去幫佢地預防同檢查啦. 點都要去下街街先開心架.
回覆刪除經你O甘樣講一講，我依位緊張大師，又唔知點好啦~~ [版主回覆04/20/2009 18:29:00]驚乜唧, 你都唔帶doggy去玩既.....
回覆刪除仔仔好叻... 打勝呢場仗.... [版主回覆04/20/2009 18:38:00]為左可以繼續有得玩有得食, 我仔仔點都會努力打勝仗既.
回覆刪除仔仔好叻, 打左一場漂亮既勝仗! 牛B真係有D防不勝防! 希望大家以後都唔會遇到牛B! (fingercross!) [版主回覆04/20/2009 18:40:00]仔仔真係好叻架啦, 想錫少佢兩啖都唔得. 牛b都係去返牛牛身上啦, 唔好上狗地身呀.
回覆刪除好在你地夠細心, 仔仔無事就好喇 ! [版主回覆04/20/2009 18:41:00]今次豬仔爸真係叻叻, 我己經錫左佢三啖架啦.
回覆刪除好詳細的分享呀! 卒卒之前都患過焦虫症 , 真係防不勝防, 只可以做的唯有儘量預防! [版主回覆04/20/2009 18:45:00]難得今次咁認真問醫生梗係要記得啦, 希望幫到有需要既狗地, 但係最最最希望都係無狗需要. 卒卒病病既blog我都有煲架, 卒卒病程比仔仔嚴重好多, 卒卒同你地都好叻打底左臭焦蟲呀.
回覆刪除仔仔早日康復 [版主回覆04/20/2009 22:05:00]釘橋....仔仔字.
回覆刪除珍藏既餅餅??? 唔水客氣哪~~~施恩莫望報嘛! 特工 e e 字 [版主回覆04/20/2009 22:06:00]唔得架EE, 難得我仔仔咁慷概, 你一定要賞面食左佢架. 仔仔字.
回覆刪除真係好大杯檸樂添 [版主回覆04/20/2009 22:14:00]仲要免費添飲果隻。。。。
回覆刪除真是大好, 可以康復了 [版主回覆04/23/2009 17:42:00]好彩發現得早咋, 依家仔仔仲食緊葯但係唔太危險.
回覆刪除好彩無事，仔仔好強呀! 牛b真係好討厭! [版主回覆04/23/2009 17:43:00]為左可以繼續照顧豬豬同埋同daddymami一齊生活, 我仔仔會變得很強.
回覆刪除mingboy: 青雲, 你好返就好啦!!!! 我o地都要小心d [版主回覆04/23/2009 17:43:00]明sa你地記得要小心呀!!!!!
回覆刪除呢啲咁o既臭蟲, 真係防不勝防~ [版主回覆05/12/2009 19:28:00]係呀, 唯有睇實d佢地有無中招拉.....
回覆刪除你好專業喎！我地隻牧羊(仔仔)都試過，開頭仲遇到庸醫，話佢什麼什麼，搞到佢進出醫院兩次，好彩我有個做護士o既阿姨見到，就話佢d牙肉好白，於是我地決定帶佢去睇spca，好彩嗰時遇到個smart獸醫，佢話過多10分鐘佢就無命！而家希望唔好番發！ [版主回覆05/12/2009 19:30:00]我只係乜都問多兩分, 上網又睇下咁即. 叫得仔仔既狗都係大命架啦, 我地阿仔上次都差d救唔返, 點知佢又捱過左喎, 依家豬仔都中過招希望唔好返發啦.
回覆刪除hihi, My dog has infected Babesia Gibsoni. my dog is a mongrel (tong dog) he is taking antibotics and had an injection 2 days ago.... but he sometimes vomits and i am very worried. thanks... for any information for me. squidyu@hotmail.com timtim ma. [版主回覆05/20/2009 22:49:00]sorry to heard that, fighting with Babesia Giboni is a long battle wish your tong tong will get well soon. do rember to think postive, keep both you and your dog cheerful is important. apart from the information mansion in this blog entry, what kind of information you are looking for? did you report the vomits and reaction after injection to your vet?
回覆刪除thanks for your reply. I reported the vomit to the vet and he asked me to take some more photos and videos of the vomiting to show him. I want to know anyone has experience of this and share it with me.... thanks.... yes. you are right... i should be more positive... keep in touch. tim ma [版主回覆05/20/2009 23:48:00]all the best. tim must get well soon!!!
回覆刪除my dog female 4 yr old welch corgi got Babesia Gibsoni 小焦蟲, HTC is 12.5% now she is in the hospital, i would like to know more the cure process of your dog, ths,, worried [版主回覆06/23/2009 16:47:00]Sorry to hear your beloved girl is suffering Babesia. Hope she will recover soon. 仔仔用的是Berenil和 Imizol. 當中的Berenil是針對Babesia Gibsoni的. 治療Babesia Gibsoni滴滴金(或者叫黃金水)仍是現時較常用時同副作用較少既方法. HTC這麼低, 醫生有建議輸血嗎? 除了補血葯外, 獸醫還有建議仔仔食未全熟的紅肉來補血. 但同時要看狗狗本身的抗強力, 若體質很差時未必適合吃生肉. 一定要信任醫生和給狗狗信心, 合力打低犬焦蟲
回覆刪除i just went to the hospital to see my dog, she has alittle bit low temperature, doctor said already give her the medicine, but i dont' know which medicine, she is still weak as i can see, she not willing to eat any food and water, doctor said tomro will have the blood test to see whether need to transfer blood to her, (i think most possible) they said 200 cc $3xxx, now is still connecting to the salt water (sodium chloride), i also hear about 食未全熟的紅肉來補血 so i wanna know this illness can recover at all? [版主回覆06/24/2009 22:51:00]依個病係會好返, 好返時再驗血就會變negative, 不過病毒會藏係骨髓入面, 常狗狗身體唔好受到壓力時就會翻發. 你家狗狗今日驗血結果點呀, 醫生點講呀.
回覆刪除hihi before transfering blood the HCT from 12.5% to 17% but still at low level, so doctor decide to transfer blood to her yesterday just transfer blood to her and today i find that her 牙肉已經紅番小小, doctor said need stay in clinic till this saturaday and conduct the blood test see if the HCT level rise or not, if the level is good, can back to home,,,,,but i am still worried about the effectiveness of the medicine of killing the 虫, so i am still worried she can recover or not, but u said need to give confidence to doctor, and after compare the price, i find that my doctor charge not expensive, so now i am 放心的交給他們醫,已經冇想錢了,i would like to ask u how long ur dog's cure time, need three month ma?if recover,,,can the dog go out? [版主回覆06/26/2009 21:01:00]雖然離37還有一段距離12.5升到17%已經有進步啦, 加油呀. 仔仔病程比較輕, 由開始到驗血驗血證實好返都兩個月有多, 之後仲KEEP住食補血葯同類固醇一段時間. 仔仔治療期間仍有外出, 包括行山游水, 但常然要看他情況和體力, 狗狗好返之後當然可以外出. 不過我地就要時時觀察佢地, 睇下有無復發既徵兆, 例如食欲下降, 牙肉白, 啡色尿尿等.
回覆刪除hihi i just took back my dog to home after 4 overnight stay in the clinic the doctor prescribed 補血葯同類固醇 to my dog but don't have the medicine to kill the 虫, doctor said need to back clinic to see the blood test after 7 days dose i want to ask u how u 畏the pill to the dog?i find it very difficult,,,,,,my dog know it is the medicine, refuse to eat, the nurse teach me 中爛啲pill mix with some water and 狗罐頭(my dog like to eat)and put it into a 針筒, however, i can't put it into my dog's month,,,i wanna know how u 畏 the pill,,,help~~~~i am afriad i waste the medicine and can't help my dog [版主回覆06/26/2009 23:25:00]餵葯方法....要用手打開狗狗個口, 將葯丸塞到喉嚨最入, 用手合埋佢個口, 等佢吞, 如果唔肯吞可以摸下佢喉嚨或者吹下個鼻, 再唔係可以買餵葯既輔助器. 係網上面搵度段片示範點餵葯, 方法ok, 但要將粒葯放到最入d先好合埋佢個口, 你可以參考下. http://www.associatedcontent.com/video/5824/how_to_feed_a_dog_a_pill.html 如果係用針葯, 仔仔果時都係隔一個星期先打多支針. 你可以叫獸醫講解下個療程同用葯你聽, 醫生有責任咁做架, 你都有權利問多d 等你好消息.
回覆刪除here is the medicine that my dog took [版主回覆06/27/2009 17:23:00]my email is : ocoy1234@yahoo.com.hk
回覆刪除hihi i just sent u the pic shown that what medicine my dog took, pls have a look after i give my dog the 2nd dose of the medicine, she continue to 氣喘 , i am worried about the medicine is too strong, 請問當時你狗食完藥是否有氣喘? [版主回覆06/28/2009 12:09:00]睇左D葯，有幾款仔仔都要食，好似補血、抗生素及胃葯之類，不過都係一般葯，你大概都知用途，我地豬豬同仔仔都唔會有你講的反應，可以打電話去問獸醫意見。 但真正幫佢應該係打針個D，有冇問vet是什麼葯及主要療程怎樣？ 另外餵葯想直接了當，最好都係用手放入脷底，做狗主同狗一定要學識，我地等人收養的二妹都學識左，有一段示範影片EMAIL左比你參考。 亦都放左上網, CLICK入去睇就得. http://hk.video.yahoo.com/video/video.html?id=1617172
回覆刪除ths the video so much, i will try it,, referring to the pills, as can't find any medicine for killing the 小焦虫,the vet said the pills need take for 7 days and back to test the blood, they said if the % not rise, then sin need to prescribe the pill that kill the 小焦虫 which is very expensive (真的嗎?) they said $80/pills, everyday need take 6 pieces for my dog, therefore = $500 /day your dog also take the expensive pill ma? ths [版主回覆06/28/2009 21:30:00]似乎, 你家狗狗用的是針葯, 即仔仔用的, 如果沒有效果就轉用俗稱滴滴金/黃金水既葯, 葯如其名滴滴如金, 好貴. 仔仔比較好彩, 針葯已經控制制病程. BLOG友既狗叮叮(史納莎) 同 卒卒(雪橇狗)都有用黃金水醫焦蟲既經驗, 你想知多D可以問佢地. 叮叮相關黃金水既BLOG : http://hk.myblog.yahoo.com/doggiegarden/article?mid=603 卒卒相關焦蟲症既BLOG : http://hk.myblog.yahoo.com/hello_rubyruby/article?mid=3603 卒卒相關黃金水既BLOG : http://hk.myblog.yahoo.com/hello_rubyruby/article?mid=3642 狗的焦蟲症(Babesia infection in dogs)資料 : http://203.204.6.124/vet/eNews21.asp?num=210
回覆刪除ths your useful information that u gave me, after reading it, i find that the illness can be cured but need frequent feeding pill, bring to vet for blood test, expensive fee,,,,,,,,,,,,,,,,,,,,,,,,,, all these bring me and my family so 辛苦,i will do the best, do the thing that i should do, i hope that i can bring u the good news soon, ths again your support, u reply my feedback so fast~~~~~~ [版主回覆06/29/2009 00:21:00]唔好客氣, 狗狗有病又唔知點算既時候真係會好大壓力架, 好彩依家資訊發達, 又有個平台俾我地d狗主交流下. 我唔係好專業, 不過經驗分享都係舉手之勞. 加油呀, 希望你家狗狗早日康復.
回覆刪除wah!~~~ my dog's HCT rise to 46.5 % it is amazing~~ the dog recomand that keep the previous pills for 14 days, if nothing wrong,, then go to take another 14 days pills, so if no problem ie see doctor and blood test after one month,,,,so happy~~~~~as now no need take the expensive pills and ths for your kindness information and help me overcome the problem of feeding her the pills,,,,ths so much [版主回覆07/03/2009 21:49:00]CONGRATULATIONS!!!!! 狗狗有個咁錫佢既主人, 佢一定唔捨得走, 所以好努力咁打底D焦蟲. 只要對佢地有信心, 佢地一定會盡力留係我地身邊架.
回覆刪除14歲 8 磅重 狗狗 可以用 FRONTLINE PLUS 嗎 ? [版主回覆08/02/2009 20:36:00]製造商無話唔可以, 不過當然要睇有無需要同狗狗身體狀況. 因為FL說都未有係化學, 既然殺得死牛蜱梗係有毒性. 如果狗狗唔多出街無乜機會有蝨上身, 我個人就未必會用. 如果狗狗身體狀況唔多好就更加有保留. 但係如果狗狗生活係室外身又精神爽利既話咁就可能有實際需要.
回覆刪除can you give me Dr. Jimmy telephone no. thanks
回覆刪除