遲來的生日禮物---玩樂篇

小黑豬bb : 喂, 黃仔, 媽咪放左袋野係梳化度, 好似好香咁喎.
黃仔 : 唔好估估下啦, 一於去睇下啦

黃仔 : 有盒野有個貓樣咁law.
小黑豬bb : 妳行開少少等我睇過.

小黑豬bb : 唔止個貓樣, 入面仲有好多個貓樣同埋好多包魚柳呀....
黃仔 : 媽咪, 你有外遇, 你係咪係外面收埋左隻貓, 仲買咁多野俾佢....難為我地連生日過左成個月都無人記得.....你對得我地住....抵我上星期抓到你隻手損曬....

媽咪 : 咩唔記得唧, 依袋咪你地生日禮物law, 係就係遲左少少, 不過遲到好過無到啦. 我原本一早開工諗住整個新既巨型爪板俾你架, 點知落雨泵爛曬d紙皮呀麻...

黃仔(一邊拆禮物一邊講) : 藉口多多, 咩遲左少少呀, 足足遲左一個月呀.
(註: 小貓三四既生日係六月十六日, 好易記, 因為小貓出世一個月之後就係豬仔爸同豬仔媽既大日子, 你話點會唔記得呀)

成袋禮物, 逐件講:
依個就係果盒有個貓樣係上面既野

依包就係貓地至愛既魚柳, 食次仲買大包, 大拿拿十五條呀.

仲有吐毛膏呀, 說來慚愧貓地成世貓都未食過吐毛膏架.

仲有shirely ee請貓地試食既高級缶缶 (個缶太靚啦, 我怕唔捨得開黎食)

同埋shirely ee請貓地試食高級小食呀.

盒玩具一開, 估到估唔到第一個走埋去玩既, 竟然係仔仔

仲坐定定擺好pose咁同個玩具合照, 當左係佢咁....

差d仲想趕走走黎玩鼠鼠既貓....  =_='''

仔仔終於接受現實, 知道份玩具唔係屬於佢, 只好眼甘甘咁望住貓地玩.

一個玩具五隻貓分, 抵呀. 訓到半夜我仲聽到隻鼠鼠"發"下"發"下既聲, 成晚無停過.

玩左一陣, 黑仔哥哥就就識得用個刷黎梳頭.

睇下黑仔哥哥同小黑豬bb個樣舒服到....

紅紅, 你係全屋貓最鍾意梳毛既小朋友, 每次你見到有梳出現, 無論貓梳狗梳人梳, 你就會叫到拆天, 叫到幫你梳毛為止. 有左佢你就可以隨時都梳到....

紅紅, 你都係全屋最論盡既小朋友, 依隻唔會走既鼠鼠你一定會玩得好開心....

玩具就放係新居大廳, 你同埋啡啡媽咪一齊玩啦 ^_^