三角芝士的舊事

三角芝士的故事既主角就係下面張相既靚仔，你認唔認到佢係邊個？
五年前我地第一次見到依個靚仔，當年佢叫ＢＯＢＯ，亦即係今日既仔仔。

你地根係以為抽水ＥＥ狗見狗愛，第一次見到仔仔已經俾係咁錫。你地估錯曬啦，當年既仔仔係街度流浪左一段時間，後來俾漁記捉左，多得餵開佢既人反應快救到佢出黎。但係因為佢地住果度唔養得狗，所以另一個餵開佢既人，又即係豬仔爸既同事，就安排左佢長住係狗酒店，一住就住左半年啦。

長住狗酒店，對人對狗都唔太好，一黎狗狗有個家最好，二黎都人既荷包都唔太好。於是豬仔爸既同事就幫佢搵屋企。

依個衰仔鬼咁有性格，見到佢既救命恩人就搖曬尾，見到狗酒店既職員就開心到蹼過去錫人地。狗酒店既職員個個都讚佢，又乖又乾淨，咁耐都未整污糟個自己間房。佢地明知我地想帶走仔仔，帶走佢地既固地收入都咁讚佢，睇黎仔仔真係好得人心。

之但係個衰仔見到我地豬仔爸就好似鬼見愁咁，我地行近少少佢就走開，仲要走對角有咁遠距離保持咁遠距離。迫左佢埋牆角，豬仔爸伸隻手埋去個衰仔仲要Ｅ牙。可能捉狗隊係男人，所以我都勉強摸左佢兩下。佢貼實個網痴實個地驚恐我會蝦佢咁。

。。。原來我當年雙手同大脾都無依家咁粗 >_<

第二次去探仔仔我地梗係有備而戰啦，就係帶埋肉乾氹細路，依個為食仔當年竟然有性格都唔食。但係就睇中左當日豬仔爸見特價買俾我食既三角芝士。話說當年去朋友屋企痴飲痴食，試過個ＣＨＥＥＳＥ　ＢＯＡＲＤ就成日話鍾意食芝士，咁岩果日見到到期，特價五蚊咪買囉，咁岩個衰仔又鍾意食喎。

後來，我地係西貢百佳又見返條芝士，於是我地又等佢特價，一等就等左大半年，到期前兩日都仲要賣成三十蚊。算啦都半價啦，買就買啦，就當慶祝我地同仔仔相識五週年啦。不過邊日係正日我唔記啦。

仔仔：當年Ｄ瘀野你同我唱曬出黎，我仲有面見狗既。
豬仔媽：我都係講事實咋喎。

豬豬：當年我都未出世，仲咪又要我同芝士影合照呀。
豬仔媽：講咁多野，係咪唔想食芝士先。

其實依隻芝士好咸，真係唔應該俾狗食。不過食少少開心下啦，唔知仔仔記唔記得陣味呢，不過我就好記得當年佢終於肯係我地雙手度搵野食果種開心既滋味。

仔仔：我使唔使襯返舊芝士，擺返當年咁ＣＯＯＬ個ＰＯＳＥ呀。

豬仔媽：咪扮野啦你，見到野食你個樣唔係烚熟狗頭咁既咩。

豬豬乜都跟哥哥學，包括個烚熟狗頭樣。
（拿，講明呀豬豬個低能樣係跟仔仔學架，唔好借Ｄ椅又話係我教到Ｄ狗低低能能呀。）

由第一次餵仔仔開始，佢一直都咁斯文。

一直都咁温柔咁舔乾淨你雙手。（如果果Ｄ係好味道野食既話）

豬豬都係跟仔仔學到咁温柔。

不過清兜清手既功力已經勁過仔仔，成日想幫仔仔清兜。

你睇下佢地兩個，想錫少Ｄ佢地都唔得。

當年見到我地調頭走既狗狗，今日見唔到我地唔肯走。
當年的親佢上車就驚到賴尿既狗，今日車門未開盡就要夾硬跳上去。
話長唔長，話短唔短，咁就五年啦。

仔仔。。。錫曬你。。。

豬仔廚房---健美豆腐餅

大耳契女要減肥, 效果非常顯注, 係革命尚未成功, 大耳仍需努力既情況之下, 契媽根係要俾D鼓勵下佢, 咩都唔使諗, 梗係"食"最醒醒.

要成得開心又瘦身, 唔使諗, 豆腐小姐出場.

一眼睇曬, 材料就係咁簡單, 豆腐攪爛, 一比一加麥皮, 再加三隻雞蛋同少少橄欖油, 撈埋一齊.....

用匙一個一個"畢"出黎排好.

大狗用大匙, 細狗用細匙, 不過細細粒容易焗.

排得佢整整齊齊入焗爐, 華氏二百五十度, 焗廿分鐘左右.

餅餅變到金黃色乾身就可以出爐啦.

攤凍左就食得.....
雖然無乜味, 但係焗出黎超香, 豬仔樂聞到味即時行動.
(D餅係半個月前焗架, 相係半個月前影, 所以樂樂仲係度)

有餅使得鬼推我, 坐定影相又得.

伏得影相亦得. 得左.

有相你睇, "一餅在手, 張口靜候"

你地快D叫DADDY MAMI整返D餅餅過你地食啦.
有份食果D狗狗, 自己黎留言評份啦.

誰來掃個地....

黎過豬仔家既人/狗, 都會發覺成屋都係毛,...
養得貓養得狗就預左佢地甩毛架啦.

仔仔 : 之但係, 成地毛都無人掃地...

即係唔係唔想掃, 不過藍藍霸住左個垃圾鏟.

仲訓到鬼屎咁C服.

行近D就會怒啤你.

黑黑又霸住個掃把....

負責掃地果個豬仔爸又走左去影貓訓垃圾鏟.

豬豬 : 應該去掃地果個媽咪, 又走左去影DADDY影貓.....

於是, 間屋繼續都係一地毛.... @.@

慘不忍睹

難得今朝去探小熊爸，點知個衰仔唔知同ｂａｂｅ去左邊度浦，叫極都唔出黎．小熊爸呀，我要隔兩個星期先可以再黎到架，你都唔俾面出黎，我仲對ｂａｂｅ有企圖架麻．．．

雖然見唔到小熊爸，但係竟然俾我見到有隻八哥獨留係貨車車箱，仲夾實左個頭，叫都叫唔到出聲．．．陰公．．．實在慘不忍睹

．
．
．
．
．．
．
．
．
．
驚笑到收唔到聲就唔好睇

．
．
．
．
．．
．
．
．
．
．
．

快快樂樂回家

樂樂已經係上上個星期六返左屋企啦, 不過因為忙, 又因為哎烏失機無神傻下傻下, 所以一直都未有報導.

走之前梗係要親下先得架, 豬豬唔知係咪見到樂樂反肚多, 依期成日走埋人身邊訓底等你摸佢, 一停手就好怪咁望住你.

豬仔爸話佢D呀太污糟, 雖然咬左幾次骨, 都要刷返下棚牙先得. 不過太多牙石, 牙太敏感, 出曬血.

好黎好去, 食過WELCOM CAKE, 走都要食多件FAREWELL美點.
仔仔 : 個樂樂雖然成日嘈住我訓, 但係多得佢我都多左D好野食.

樂樂唔止喵住我地訓,呀, 仲要係成村人都聽到, 好彩D鄰居厚道話唔大影響佢地訓, 仲幫樂樂改埋名, 改左咩名? BARKIE. 話說佢地以前鄰居隻黑色拉布拉多叫BLACKIE, 樂樂成日嘈住曬, 所以就叫佢做BARKIE.

不過隔離屋黎渡假果家法國人就慘啦, 佢地成晚都訓唔到, 第二朝果家兩好可愛既小妹妹好關心好擔心咁走黎問樂樂係咪有咩, 所以咸足成晚. 當佢地知道樂樂唔見左主人就話佢好可憐, 見親都走黎摸下佢.

豬豬 :媽咪, 舊美點好似細舊左少少喎....

人地話少年不知愁滋味, 樂樂竟然係老年不知悉知咪, 見親佢都係傻,笑, 好食唔好食大舊細粒都係笑得咁開心.

我地帶樂樂返西貢社區中心等佢主人. 佢主人終於出現啦, 原來樂樂真係足十歲架, 當年有個外國人係英國空運左對拉布拉多黎香港, 後黎唔知點解唔要, 樂樂就搵左好耐都搵唔到人收養, 於是佢主人就收養左佢.

樂樂真名叫BILL, 主人有辦齊手續續牌轉名, 但係唔知點解, 第一次聯絡漁記時佢地竟然搵左舊主人成九年前既資料出黎, 舊年報失轉牌等資料竟然無SEARCH出黎.

樂樂主人俾左D段片我地睇, 樂樂同一隻白色康狗一齊住, 生活環境好好, 但係佢地咁岩去左幾日旅行, 屋企既老人家咁岩出去丟完垃圾無閂好道閘, 咁岩又大風吹開左, 樂樂就左出去.....

要say goodbye啦, 黎多個big hug啦.

影多張靚仔相.

個名牌同蝨帶就送俾你做紀念品帶返屋企啦,

樂樂主人話樂樂以前有個軍牌有電話架, 點知走失左, 有人打電話俾佢話隻狗係佢度, 但係又唔講幾時帶返隻狗俾佢, 過左一段時間漁記就話執到佢隻狗. 於是嬲起上黎唔再俾名牌佢戴, 我地估樂樂主人驚我地問佢攞錢贖狗, 所以一開口就話唔俾返隻狗佢都無問題,

依D就叫做緣份啦,

樂樂, 多謝你陪我地過左一個非常快樂既兩星期. 以後唔好再週圍走, 唔係次次都咁好彩架.

豬仔獨家狗狗一星獨木板課程

豬豬仔仔已經完成左豬仔獨家的狗狗獨木板一星課程啦.

為左豬豬仔仔有更豐既戶外活動節目, 所以我地就係屋企草叢發掘左隻出土文物, 屎前滑浪板出黎. 再加埋豬仔爸既創造力, 我地終於可以一家大細開車去沙灘上堂啦.

我地屋企最偉大既豬仔爸, 為左依個活動, 除左發掘屎前文物出黎, 仲特登走去學獨木舟, 實行要做豬豬仔仔既私狗教練

豬豬 : 依個沙灘我地成日都黎架啦, 點解今日好似有D唔同咁既.
仔仔 :  係呢, 我地身邊塊板好似之前未見過咁既.

教練話受訓之前要做下伸展活動, 先黎個水中慢步.

當然唔少得熱身運動, 追跑跳撲啦.

一星訓練內容如下 (可用獨木舟或滑浪板作訓練)

甲. 在旁人協助下成功上艇, 上舟後保持冷靜, 保持平衡

乙. 當艇移動時, 切勿離開座位.

豬豬 : 坐獨木舟使唔使保持個木獨表性架...
仔仔 : 睇怕都要啦....

丙. 當有成員意外跌到海上.
I. 在艇上成員要通知主人.

II. 落海成員要盡快游回艇邊, 待主人協助重新登艇.

丁. 當艇靠近岸時, 收到指令後, 自行跳離艇面.

戊. 當有攝影機靠近時, 要面露笑容.

仔仔豬豬第一日訓練表現相當良好. 教練話合格, 所以要影返張型仔相貼LOG BOOK用.

上完堂一齊輕鬆下.

下一次既二星訓練會更加精彩, 不過內容都未有頭緒....
你地等下啦....