賣大包

每次小熊爸見到我們的車，都會以九秒九的速度跑過來．

今天還破了紀錄，以九秒八就砲到，一面跑一面舔舔脷．

因為他追隨著這個背影手上的一大包．

小熊媽一狗當先走過來嗅了又嗅．
小熊媽：這是可以吃的，美味的東西呀．

小熊媽：這麼大包，都是我的嗎？我在造夢嗎？

豬仔媽：對，都是你們的．
小熊媽：那我不客氣了．

小熊爸：好味好味！！！

前天早，在我們餵小熊爸媽時，留宿在地盤的印巴藉保安走過來問狗糧的價格．

再多講幾句，原來保安想買一包乾狗糧放在地盤，因為有小熊爸媽平日的食物主要是地盤職員帶回來的剩菜，每當假期或我們沒有來餵狗的日子小熊爸媽便要捱餓．加上他自己是吃素的，最多也只能給他們一點麥皮．如果有一袋狗糧小熊爸媽生活便安定得多．但靠著微薄的薪金生活的他當然要算一下．

不用多說，你的慷慨直教我們羞愧．
狗糧隔天我們親自送到．

由小熊出生，小熊媽絕育，小熊爸受傷，保安都是最關心最緊張的一個．
不論我買到的狗糧多大多重，也來不及多一份真誠的關心來的可貴．
小熊爸媽，你們幸福了，只願這個地盤關閉的一天不會太快來臨．

奇跡再現

還記得地盤的衰老豆嗎？
節目重溫：生命的倒數 <---click me

沒有多少人在意的他們，再一次帶著笑臉打勝了這場硬仗．

衰老豆：你們看，我的傷口己癒合，還長出了新肉和新毛．

我還能站在這裡當然要感謝丁丁霖霖，美麗媽，闊太COCO媽，SUGAR姐姐，停車場的ＥＥ，還有所有關心我們的人．

當我們只能為他祈禱和祝福之時，原來奇跡又出現了．

事情發展是這樣的，四月中的一個早上，衰老豆一拐一拐的帶著臭味和傷口走到我們的跟前．

不能抓住他，不能走近他，不能為他清潔傷口和塗葯，我們只能間間斷斷的給他吃消炎藥．

誰知道日子一天一天的過，衰老豆的傷口不但沒有惡化，反而一天一天的好起來，後來我們才知道，除了我們外，停車場的ＥＥ在得悉衰老豆負傷後，每天把一粒消炎葯塞進雞頭內給他吃，而那消炎葯是因為衰老豆之前眼傷，霖霖特意留給停車場用來餵他的，那時沒有用上，今天大派用場．

你和我每人都是一個奇跡，而奇跡也是可以由你我雙手去創造的．

這是花花家三代同堂的一家四口．

沒有愛和家的他們，有環境和天氣的試鍊．
精鋼的身軀和意志就是這迫人的生活磨練出來．

早上看到齊齊整整的你們，一天就順心了，除了關心和食物我不知還能給你甚麼．上天至少把今天給了你，歡愉地吃吧，其他的你們用不著多想．．．

點解．．．

唉．．．
點解，點解．．．

點解星期六，Mami要返工，放工趕返黎只係帶左我地去玩水？

點解，我同妹妹只係係海邊喪跑同埋打左十個回合就散場？


點解大好既週日，Daddy Mami只係帶我同妹妹去行山，行到土瓜坪既碼頭好舒服咁吹下海風就返屋企？

點解我Mami親手整俾我既床得寸半厚？

點解張床仲要得果三尺半，夠我成隻狗撻係度，只係剩底成尺有多，俾小貓三四埋黎一齊訓？

點解到四月尾Mami先幫我地換返張涼浸浸既夏天床單？

點解．．．
點解講講吓，Mami牛咁眼咁Bear住我既．．．

閒人閒狗閒日閒遊－－－仔仔報導

Daddy Mami太過份啦，過左咁多日，其他狗友都出曬blog啦，我地都唔出blog實在太out啦，趁住Daddy訓晝覺，Mami掃緊地，我仔仔唯有自己寫網誌啦．

剛剛既星期三，Daddy Mami唔知點解唔返工，仲一早帶左小花姐姐返屋企陪我地玩．仲唔知點解坐車去黃石碼頭，一落車，我地就明曬啦，架水警輪泊左係碼頭等我地，原來我地終於可以歸隊回復警犬既身份．你睇下妹妹幾開心．

點知坐下坐下唔對路，碼頭越黎越多人同狗，仲要係我同類－－－唐狗．咁即係乜夢都醒曬啦，肯定又係Mami借帶我地出去玩為名，叫曬其他小朋友出去抽水為實既活動日啦．唉，算啦我地慣架啦．

你睇下幾多人幾多狗．Mami今日有排唔得閒，我同妹妹應該可以無簧管，自由活動架啦．

吓又坐快艇，我盒雞飯咪凍過水，明明坐街渡會有船家伯伯請我食雞食飯架，今次無啦，不過估唔到今次唔無雞食都笑餐飽，完全要歸功闊太EE啦，佢一上船就捉實Mami隻腳，Mami摸狗地都摸得多啦，今次真係風水輪流轉．

船一開，闊太EE仲係度尖叫慘叫，扯實BearBo媽EE，仲攬到萬金Coco差d斷氣，我地除左忍笑之外就只可以大笑．

真係話咁快就到呀，我地懷住興奮既心情又到左塔門啦．明明幾個星期前又去完塔門玩，你話我會有幾興奮呀，不過我認得依班EE，佢地個個都係闊太黎架，次次都有好多好野請狗地食架．今次發達啦．

（其實有闊太EE落船之後死下死下既相架，不過Mami平時教我地隱惡揚善，所以我仔仔係唔會公開既．）

上左岸企都未企穩，Mami就急不及待展開佢既抽水之旅啦，Mami話同麥Coco初次見面要俾d見面禮佢喎．你靚下麥Coco個樣幾有代表性．

大家留意下張相既右上角就明白麥Coco點解呆左架啦．不過佢真係好靚好呀，身材仲正呀．

至於萬金Coco，佢差唔多全日都四腳離地，因為Mami成日都抱住佢唔放．

萬金Coco就好啦，有就鞋仔著，真係踩屎都唔驚呀．

雖然Coco唔驚踩屎，但係我係佢就一定驚左闊太EE，因為邊有人用兩隻手指叉起狗地個口要佢扮笑架，闊太EE梗係又驚Coco同我Mami影相笑得靚過佢既全家幅啦．

依期媽咪好似錫女多d呀，大小Coco抽完之後，又到Momoko啦．真係係Co都怕鬼左佢呀．

我見Momoko同媽咪玩得咁開心，我咪又同佢玩吓law，當然啦狗地有狗地既玩法，你地唔好大驚小怪．

美麗同我地去玩玩得多，今次醒目啦，坐定係個高位，避開Mami既魔爪．

媽咪見女都抽均，就抱下成為公公不久既檬檬豬啦．

我都唔知佢地坐曬係度做乜，9唔搭8咁得我一個望鏡頭．

終於到狗地自由活動時間啦，因為今日唔係假期，所以無左果d麻麻地旅行團，我地好似包起個山頭咁濟．除左可以好似bearear咁係坐係個山崗上面好暢快咁疴子子．（暢快到我地影唔切相）

仲可以好似麥Coco咁草地漫步．

又可同牛牛做朋友．

我同豬豬梗係跑砲跑打打打啦．

檬檬同Coco都玩得好開心．

Momoko仲係旁邊偷師添呀．

論到最開心，梗係食啦，美麗媽最知狗地心意，成盒雞柳呀．．．

我地梗係蜂擁而上啦．

前後埋伏呀，BearBo係唯一可以挑戰我為食程度既狗狗，下次一於比試下．

會俾狗圍既環節又點會少得我Mami份呀，失禮狗呀．

其他既節目都係我地陪住班大人飲飲食食，我地有得睇無得食，所以不提也罷，你地想知就去睇daddy影既六百幾張相，不過daddy話今次無張靚相，堅持要大家再出黎玩影過喎（屎橋）
相部 <---click me

隔離病房

上星期二發現小黑豬頭頂多了個小傷口，替他料理過傷口後，不以為然，怎料過兩天後傷口突然倍大，當晚就即時帶他到 Dr. Peter那裡看症．

正如我所估計，小黑豬頭頂上的是癬疥，正種菌確認．

因為癬疥會傳貓傳狗傳人，小黑豬只好搬進隔離病房，病房早己改裝為私貓飯堂，給身體瘦弱的貓貓如啡啡入內用膳．現在病房重新啓動，設施己大為改進．

有高級飯廳．

健身室．

獨立廁所．

還有私貓休憩間．

當然還有豪華大床．

但小從出生到現在都未曾獨處過的小黑豬怎能按得住，他只是整天對著門口叫，一直叫到聲音都沙啞了還在叫．加上門外的貓還會跟他應和，整個家都是哀怨的喵喵喵聲．

我們外出，給他留下美食，他碰也不碰．
爸爸進去陪他，他才去去嗅一嗅食物，一面嗅一面叫．
媽媽進去，他一面臭臉，一面討摸，還一面叫．

到爸爸媽媽都擠進去陪他時，他終於靜下來．

這就是他的患處，希望不要再擴大，還要快點好起來．

洗傷口這個重任當然由爸爸擔任

還要塗葯膏，爸爸的手勢好得他一面塗，小黑豬一面咕．

其實大床真得不錯呀．

他也享受的，但仍是要不停的叫叫叫．．．

我試一下把自己的褲子給他蓋著，希望給他多一點安全感．

奇怪地，他開始靜下來．．．

眼睛開始合上．．．

終於睡著了．

我攝手攝腳的走到門邊，門還未開，他又醒來叫了．．．

小黑豬，你快點好起來，我和你便可重獲自由．．．