有其母必有其女

各位叔叔姨姨，我諗你地都對我媽咪有相當既認識．只要有狗地出沒既地方，媽咪都唔會放過．仲要有咁靚既Katy妹妹，佢又點可以走寳呀．

你地睇下媽咪個樣，望住Katy己經神魂顛倒，如果Katy錫佢一啖，我真係怕佢當場暈底呀．

無論高貴既美麗姐姐

天真無邪既Mocha小朋友．

熱情既寳寳哥哥

萬金之軀既CoCo小姐．（狗地眾多，未能盡錄）
佢都有抽錯無放過咁係咁抽水．

依d咁既被狗圍既場面，佢直情開心到訓唔著呀．
（你地唔好睇我地成櫃零食，其實媽咪收埋黎冧狗用架，無我地份架）

我豬豬就遺存左媽咪依d無水無歡既性格啦，見到媽咪抽水抽得咁開心，咁岩班莫家有個裝左水既風水池，咁我咪跳落去抽水囉．

點知仔仔哥哥同BearBear哥哥見到我既行動，即時"O"曬咀．

話曬我同哥哥都受到媽咪既薰陶，哥哥見到有水抽，梗係跟我跳埋落去啦．
媽咪，我地係咪好叻仔叻女呢．

唔單止媽咪讚呀，在場既哥哥姐姐同叔叔姨姨都圍住我地一路笑一路鼓掌呀，BearBear哥哥仲走埋黎池邊幫我地打氣呀．我豬豬真係有少少受寵若驚呀，咁有努力抽水報答大家既厚愛啦，結果成個風水池既水都俾我同哥哥抽乾曬，抽唔走既就飲左去．原來抽水真係咁好架喎，又舒服又有人讚，我以後都要向媽咪多多學習先得．

豬仔媽說：今次兩隻野又出醜啦，次次出黎佢地都要攪吓野佢地先安落，細路狗唔識世界希望大家唔好見怪．．．唉．

豬仔爸說：兩隻野跟你學壞曬啦，你仲好意思講咁多野．

豬仔媽說：家陣兩隻野你無份咩！！！