打風唔成三個妙

俗語有云--- "打風唔成三個妙"，我仔仔雖然做左咁多年狗，今次終於體會到箇中真義啦．

話說尋日星期日，Daddy Mami如常返聖堂，再去婆婆度食飯，點知未夠三點，佢地突然同Auntie Cat返黎，仲帶左成棚人同狗黎，我仔仔當堂眼前一亮．

真係足足有三個妙呀，三個妙齡美女郎呀，佢地分別係唐唐公主Brownie同Mocha妹妹．

醒多兩張全身相俾你地嘆下，Brownie真係正架，毛色身形都係一流．

仲有天真無邪既Mocha，活潑精靈真係無得頂．

當然唔少得我地既靚爆鏡街坊鮑美麗小姐啦，你知嗎，她是最美的．

都話明得三個妙啦，梗係唔包括我依個黑古甩凸既豬豬妹妺啦．點解？睇埋落去你就明架啦．

話說我地一行五人五狗，見天氣咁好就臨時成行去左海下玩水啦，係今年第一次去沙灘玩水呀，加上前一日既風球同黑雨嚇走左大半遊人，我地包起成個沙灘，真係爽呀．

話歸正傳，點解豬豬唔妙．雖然豬豬個樣真係幾靚，影相仲要好上鏡．

之但係佢唔郁由是可，一郁唔多妥，係完全失儀果隻．

聽落去你可能都唔係好明．但係你靚靚Brownie幾有儀態，就知咩先係淑女．

仲要凌波碎步，差d睇到我暈底．

出水芙蓉美麗，簡直攞我命三千．

 

豬豬跑起上黎完全忘我，真係型，但唔係靚．

你睇下班莫兩姐妹．追逐得幾娥娜多姿．

Mocha既姿勢幾有味道．

美麗既跑姿，除左優美，我真係諗唔到第二個形容詞啦．

仲有性格呀，你睇下Brownie幾有性格，豬豬就淨係驚到伸脷．

我仔仔雖然睇到有少少驚，但係真係覺得好正．

不過你睇埋張相就會明點解豬豬唔妙啦，因為三個妙都有個靚媽咪．．．豬豬就．．．
（嗱唔好俾我媽咪睇到依個blog呀，唔係我 C梗）

題外話：昨日三家狗去海下玩水，士多的老闆娘跟我們說村裡的人不喜歡這麼多狗來玩水，正向有關當局申請早上十時後不許狗隻進入沙灘．希望他們不們成功．

幕後花絮 <---click me

撻相專線 <---click me

撻相指引 <---click me