我會行好依程路

節目預告

我仔仔同豬豬玩左咁耐，又係時候做返d有意義既野．一年一度既教研中心步行籌款又到啦，又山行又幫到教研籌款，我地梗係拉埋Daddy Mami一齊去啦．

舊年我地都有去架，我仔仔同豬豬仲好受歡迎，如果可以開檔俾人俾錢同佢我地合照應該會籌到更多錢．

不過除左籌錢之外，我同妹妹仲肩負起宣揚狗狗並唔得人驚既精神．相比起其他狗會攪既活動，依次參加既人平時未必會有機會真正認識我地依d可愛既狗狗，雖然報紙成日有我地唐狗呀，大狗呀負面既報導，所以我仔仔同豬豬就決定走入人群，以最親人既姿態向大家問好．

舊年我地既成績好好呀，唔信你睇下．

幾多姨姨爭住同我地影相

媽咪介絕我俾各位Uncle Auntie同小朋友識呀．

我仔仔話頭醒目，雖然初次見面，但係我都即刻送上香吻啦，連身邊既除神父都話我乖仔呀．

為左嬴得小朋友既歡心，我不惜俾佢當馬騎．

豬豬仲俾小朋友當枕頭添呀．

兩個小朋友玩到唔捨得走添呀．

你地話我同妹妹係咪表現得好好，今年應該再接再勵呢．
你地可以留言為我地打氣呀．
如果你地認同教研中心既宗旨同工作，當然可以贊助我地啦．

公教教研中心簡介　<---click me
步行籌款活動內容 <---click me

特別鳴謝
豬仔公公，豬仔婆婆，Auntie Cat，Auntie小花，Minnie Cooper媽咪贊助我地入場費．(排名不分先後)