回歸大自然－－－阿崗昆（三）

仔仔：黎到依度，我有返以前流浪既感覺．

仔仔：唔係話爸爸唔照顧我，佢一樣都拖住我地行街街，照顧我地飲食．

仔仔：唔係話媽咪唔照顧我，不過佢不嬲都低低能能，你睇下佢又係度整兒童餐俾自己食啦．

仔仔：係係依個森林入面，我有強烈回歸自己既感覺．

仔仔：　所以我要傳授下自然搏擊既技術俾豬豬．

仔仔：所以我又咬下天然松果，潔齒不在話下，連媽咪都話口氣清新呀．

仔仔：我又習慣在乾草上大樣下休息，仲會收埋舊松果．

仔仔：出發去行山之前，我仲識自動自覺用乾草遮住兜糧狗同水，避免俾其他動物偷食或者俾猛獸發現我地行踪．

仔仔：你地話我係咪好醒呢，所以媽咪都話佢要食多ｄ天然野，想好似我咁醒喎．不過你地睇度啦，佢真係無得救架．

世界大不同－－－阿崗昆（二）

仔仔：豬豬，我尋晚趁媽咪發開口夢，問左佢我地點解黎依度啦，原來我地黎露營呀．

豬豬：我知呀，依度係加拿大安大略省既省級公園叫阿崗昆呀麻．

仔仔：點解你醒左咁多架，因為daddy見我訓唔著話左我聽啦．

仔仔：雖然我地係香港都去過露營，但係依度唔多唔少都有少少唔同架．

豬豬：依度好似大大大大大好多呀．

仔仔：當然唔止大細咁簡單啦，好似依個營地咁，就要出發前揀好營區同營位預先預訂，每個營區既大細都位置都各有特色，好似我地今次就揀左個超大同係湖邊既位既．

豬豬：哥哥你講開我又覺呀．依個每個營區都有自己既號碼就好似門牌咁，每個營區除左出入口之外都有樹圍住，如果係湖邊既仲有私家落艇位俾你上落獨木舟．

每個營區都有自己既fire place，夜晚就可以起個營火，如果起火就要買 fire wood．

去到露營狗地食既都唔同架，雞飯就變左雞肉鏍絲粉．

連人食既都唔同，內容一樣，心情唔同．

雖然依度大部份公園都係pet friendly，但係一樣有狗地禁區架，所有有蓋既建築物狗地都唔入得，另外營地都有劃無狗區，放便唔想見到狗地既營友．

另外沙灘都係唔俾狗地入架，依個小朋友既屋企人要入沙灘玩，狗地就係出面等．

另外因為營地太大，去沖個涼都要楂一公里車去，本來行去都唔係問題，但係沖完涼唔想整到一身汗，又唔想返到去營度成腳沙，所以每日都要開車去丟垃圾同洗白白．

豬豬：但係依度風景一流，靜靜地欣賞下湖光山色真係賞心悅目呀．

仔仔：但係齋坐好悶呀，不如玩跑下．
豬豬：仔仔哥哥，daddy話依度好多野生動物，所以狗地要拖實daddy mami架．

豬豬：唔信你睇下，我地身邊架車，就專係用黎運熊人架啦．
仔仔：係呀營地仲張貼左海報教我地遇到熊人點算．
豬豬：哥哥唔使驚呀，我地掛左個鈴鈴係身，熊人聽到唔會走埋黎架．

其實依度仲有好多野玩，黎露營既人，車頂放架獨木舟

車尾放多兩架單車．上山下海大把野玩呀．

由於節目豐富，所以我地要養足精神，又所以我地要去訓陣先．

露宿驚魂－－－阿崗昆（一）

豬豬：　點解daddy mami放滿野係車尾箱既，我地既飯兜都上左車呀．

仔仔：仲行左幾百公里，車到去荒山野嶺，無雷公咁遠，唔通豬豬妳之前做錯事，依家俾人趕出門口．．．

豬豬：但係個湖好靚呀，會唔會我地係黎游水呀．

豬豬：仲有鴨仔係個湖度，我地一定會玩得好開心架．

仔仔：豬豬，妳咪係度呃自己啦，　你睇果邊．

豬豬：果邊？daddy鋪曬枱布，我地係咪黎野餐呀，上次我地都係去公園picnic呀．

仔仔：野餐會唔會帶埋椅，煲埋咖啡係度睇雜誌呀．

豬豬：咁即係我地唔會咁快走．．．

仔仔：你睇下daddy仲起埋個帳篷，睇黎我地真係要露宿啦．

仔仔：好彩我地個睡袋仲係度，訓醒度算啦．
豬豬：但係我驚驚訓唔著呀．

點解我地一家要露宿？訓醒先講．

尼亞加拉大件事

尋日星期日, 我地計劃左去尼亞加拉大瀑布, 點知出發之前發生左大件事.

豬豬: 仔仔哥哥, mami話今日去睇尼亞加拉大瀑布, 去迪迪尼都要做足準備啦, 所以我今朝熱左身啦.

仔仔: 熱身, 你攪咩呀.

豬豬: 我咪去 "拉大" law, 仲去個新地方添呀. 我係咪好醒目呢.

仔仔: OMG, 醒目??? 你走左去主人房度開大. 仲話醒目, Auntie Pat 己經打左俾daddy mami叫佢即刻返黎啦.

話說朝我地去一齊去聖堂, 只係個半鐘, 回程就收到電話, 話狗地打爛野, 仲係主人房度疴臭臭, 仲要係地毯上面疴爛臭臭, 執都執唔到.

結果未出發先執糞, 樓上洗地毯, 樓下吸玻璃碎.

攪左大半個鐘, 再楂大半個鐘車, 我地就去度尼亞加拉既公園, 燒烤野餐. 好方便架, 公園入面picnic枱, 自己帶個好以A4紙箱咁大既坐寸烤燒爐, 帶埋個夾夾咁就食得.

之後當然唔少得去景點影下相啦.

終於到左瀑布啦.
豬豬: 仔仔哥哥落雨呀, 我地放d去避雨啦.

仔仔: 落雨?? 係瀑布既水花黎架傻豬, 叫得大瀑布梗係有返咁上下啦.

仔仔: 明明我地去旅遊, 點解去到變左景點架???

豬豬: 係呀, 好多人走埋黎話要同我地合照呀, 係咪因為我地標田逢呀?

仔仔: 唔知呢, 爆布附近都仲有好多靚仔靚女呀, 好似佢地兩個呀, 都係唐唐黎架, 都係主人收養返黎架.

豬豬: 依個小朋友都好靚呀, 我都忍唔住錫佢一啖. 佢未見過大狗, 仲細膽過我呀.
仔仔: daddy呀, mami又去抽水啦. 點算好呀.

仔仔: 媽咪呀, 妳又攪到我一身外地債務, 俾人圍伷呀.....

豬豬: 我今朝做錯事, 好彩 god-grand-pa god-ganrd-ma無嬲嬲咋, 仲拖住我地呀.
仔仔: 好彩佢地大人不記小狗過咋, 睇你下次仲敢唔敢亂黎.

仔仔: 我地行下行下, 又到左 god-grand-pa 同 daddy啡一啡既時間啦.

太陽落山, 我地都要返屋企啦.

世界很大

豬豬：仔仔哥哥，點解daddy媽咪成日話依度既人會專重狗地既．

仔仔：你睇下我地自自由由咁坐渡輪過central island度玩，無人驚我地，又唔使戴口罩仲唔叫專重狗地？

豬豬：但係佢地見親我地嘩嘩聲喎，咁咪同香港一樣．

仔仔：咁你有無聽清楚佢地嘩乜呀．
豬豬： 嘩．．．．唔知標乜呀，係咪即係話我係豬標呀．
仔仔： 佢地嘩乜標? 係咪話你"標田逢"呀？
豬豬： 好似係呀．
仔仔： 佢地係讚你beautiful，　即係話你靚女呀．
豬豬： 吓真既？

狗地很大很得人驚？
當眼光放大一點，　你會發覺大家都很渺小．

狗地樣子後凶很得人驚？
當用心去看和認識，　你會發現大家都需要愛和被愛．

世界很大 ? 當一家人在一起，　我們享有整個世界的快樂．