粉紅色頸帶的小白貓

粉紅色頸帶的白貓．．．是紅紅嗎？

肥啡公主：媽，撞鬼不是那麼容易，這身型不是我肥啡公主還有誰．
媽：對公主才有貴氣，有這樣的肚腩．

頸帶是在加拿大旅行時一眼看上的，粉紅色配上小鈴的安全頸帶，不就是為我家的紅紅度身訂造的嗎？不用想便買下了，誰知紅紅用不上．

看著膽小的肥啡公主，就給她好了，願紅紅天不怕地不怕的性格感染一下這個就連換頸帶也怕得給爸送上三條血印的公主．

紅紅，粉紅色的紅紅是最美的．

從你出生的那天起．．．

雖然不能抱著你倆，但紅紅跟啡啡跟我們的心永遠緊扣在一起...
(小咪妳這份禮物太合時了, 謝謝)

集體high草

成屋貓係度做乜，之唔係high草law．

朋友介紹個貓抓板好正，抓板我屋企有大大個，正係正在隨板附送既依包貓草，朋友屋企果兩隻貓遇到塊放左依包野既抓板，結果食左半塊抓板，你無睇左係食左半塊．．．．

依d 並唔係咩新發明，只依d 咁刺激既玩具一直係我家既禁品，話說我地之前買過塊類似既元氣毯俾貓地，佢地真係充滿元氣超high，high到打起上黎，為左佢地唔好煩親當時無乜力氣既啡啡，依d玩意一直用密實膠封好放係櫃底．

今時今日，解禁．於是貓地就公然係屋內集體high草啦．
小黑豬對貓草一直都係最大反應果個，結個第一時間擊退所有貓地獨佔．

當然係又舔又典又碌，簡單d 講即係high左．

雖然依d 迷幻貓草會令到貓地好high，但係又唔會降底佢地既警覺性．肥啡公主係後面行過，小黑豬即係feel到，驚屎塊板會俾貓搶左咁．

小黑豬即時作出攻擊．打到feee feee聲．

五隻貓一塊邊夠分呀，卒之紙板同包裝紙盒分體．
小黑豬屎都攬實塊紙板唔放．

黑仔就好過無咁舔個紙盒．

黑仔：你地唔好同我爭呀，我係大佬黎架．

唔知女仔唔願爭定係好易滿足定潔身自愛，貓女們－－－黃仔，肥啡公主，藍藍，好快就擺出咁既姿勢．

夠曬皮啦．

星期日無節目---驚喜

話說星期日無節目就去遊山玩水，小朋友跑到夠就梗係要食下野架啦．
豬仔泡黒麗狗狗有份．

當然唔少得彭彭小王子啦．

小朋友醫完肚洗埋白白就到大人去醫肚啦，點知食食下泡泡嘈住要埋單走．我地依d廿四孝契媽梗係聽契女話架啦，雖然唔知咩事但係走就走啦．

原來泡泡聞到味，知道珍寳珠黎左附近．趕住出去母女相認．

無見一陣，珍寳珍大得好快，上次見佢仲細粒過泡泡個頭．

嘭一聲就變大左啦．

如果唔係個傻珠樣一樣咁可愛咁甜，真係講都唔知佢係珍寳珠呀．

有理無理錫返啖先．

兩個阿婆抱住兩個靚女合照．

抱水又點少得Lucky呢．

依三個小朋友真係人見人愛呀．

點知突然間．．．
珍寳珠：EE你抱得我好辛苦呀．．．

彭彭：係呀，依個EE係咁架，我今朝都早左招呀．

黑麗男：我地扮唔識佢一陣先好d．

星期日無節目－－－跟隊

星期日無節目，就往家旁的山徑走走．看著星期六天陰陰的天氣，最適合行山不過，誰家的狗狗沒節目，跟來就好了．誰知天公造美，是日天晴，結果一眾家長慘變燒豬，狗地沿途沙灘石灘嬉水好不稱快．

途中巧遇山澗洗衣村姑，鮮見．

彭彭：咩洗衫呀，未見過狗地係山澗出浴呀．
小咪：衰仔，出咩浴呀，係你踩完牛屎再行入泥漿，有排洗呀．

彭彭：洗完身，一身輕鬆曬，狗都跑快d呀．

誰料上游洗狗，下游洗手，依位阿生就係下游用同樣既水洗手．．．

仲要洗手都唔夠，攞埋毛巾洗面．．．

麗麗：救命呀，唔好推我落屎坑呀．

麗麗：點解爸爸唔推我落去，明明有僻好果個係我黑黑唔係麗麗．

黑麗：算啦，我地去沙灘度自我清洗啦．

黑黑：但係爸爸媽媽EE依排係咪好唔掂呀，你睇下佢地一個二個都係苦主咁既樣

麗麗：你講我又覺喎，媽媽竟然要渣住個兜行山呀．

黒黑麗麗：睇黎我地都係自己行安全D呀．

豬仔泡：黑麗，你地好似我地咁跟住前面個型仔就實無屎架啦．

黑麗：等埋我地呀．

彭彭：唔差在等埋我呀，雖然我狗仔細細都好跑得架．

豬仔泡跟住個型仔，話咁快就去左個好地方啦．

豬仔又上身啦，水上飄加彈弓腿．

泡泡既神犬搖尾．

誰說大狗不可跟細狗玩，如果你唔認定佢地係大蝦細既話．

狗狗睡袋

狗狗的睡袋在整個旅程上有著重要的角飾.．

當然跟普遍的睡墊和睡床其實功能也差不多，但論及方便携帶和方便在戶外活動，如露營時就不作他選了．睡袋可以捲摺可減少行李體程，底面均有防水布料方便清潔．

狗狗到了陌生的地方，一眼見到自己熟悉的睡袋，頓時有了一定的安全感．我便不用花氣力就可以讓他們知道那處是屬於他們休息的地方．安居清潔和處理狗狗的氣味只要集中火力在他們睡袋附近，這相對省時省力．

我們使用的睡袋自然捲摺後直徑大概十二吋．因為用料較厚，所以重量亦達三四公斤．

豬豬體重三十公斤，這個睡袋的尺寸對她來說剛好．

睡袋的底和面都是有撥水作用的尼龍，裡面剛是柔軟的絨毛非常舒適．

天氣太次時更可整個狗狗包起來，不過我們未有還過大冷的日子．

豬豬：這個睡袋一百分呀！！！