我願有三頭六臂

下面張相你地數唔數到有幾多隻狗狗跟住我．

全部都係我既狗 ? 我都想呀．不過想下好啦．

一張影唔曬，兩張都影唔曬夠竟個趴地有幾多狗地，你地唔使數啦，因為我都數唔到．

泡泡：契媽呀，妳都係放返低我啦，我唔想俾你抱呀．
豬仔媽：點解呀泡泡，你唔係最鍾意抱抱既咩．

泡泡：係就係，不過今晚場面咁盛大，你再抱實我仲邊夠時間去收會費呀．
豬仔媽：泡泡真係知契媽心意既唧．

泡泡：契媽真係屎蠢，咁易呃，咁我就可甩身啦．

傻婆家有廿一個小朋友，認到認唔曬，最衰我得兩隻手，如果我有三頭六臂啦喎．．．呵呵呵．．．

我抽得最多就係下面果三個小朋友
依個係冬冬小朋友，佢好可愛架，有人同佢玩佢會反肚架．

最痴身既七喜(定係雪碧呀）同埋瘦猛猛，佢地兩個會跟住你行，你一蹲底就伸個頭去個隻手下面架．

不過傻婆家既狗真係超越左我既極限．

個個小朋友都好食好住，茶几身型，任摸任抱都好啦，我真係抱唔起．

原本話要減肥既大耳，經過今日既旅程之後，覺得自己太渺少，決定改為要增肥

所以，早途都要轉戰返輕手ｄ既狗狗，咁又點少得我至愛既薯薯．

抽水ｅｅ：小朋友，點解你一個狗係依度既？
芝麻：我都唔知呀，媽咪叫我過黎交會費呀．
抽水ｅｅ：哦明曬，你媽咪申請入抽水會，所以叫你過黎交會費呀麻．

豆鼓：ｅｅ我都要幫媽咪交會費呀，你唔好漏左我呀．
抽水ｅｅ：你拉我定啦．唔會少左你果份既．

雖然我無三頭六臂，但係變則通，一次過抱兩個小朋友咪得law．
芝麻豆鼓媽，記得定期帶佢地兩個黎交續會費呀，佢地實在太可愛啦．

又點少得我既粉絲Bebi呀，佢見到我就會坐底拮高個頭要摸摸架．

有人話Bebi會咬人所以要用雞毛掃教導佢喎．但係點解Bebi唔咬我既？

仔仔：媽咪，你又係度抽水呀．
抽水ｅｅ：你有眼見啦，你知道要做咩架啦．

仔仔：明曬，我又要去還債．ｅｅ麻煩你抽下我手啦．

豬豬：我都唔例外，俾人禁住黎一路抽一路影呀．

泡泡：你地兩個幫阿媽還債天經地義呀，但係點解契女都關事既．

猜迷遊戲：
下圖估一童話故事．．．

麗麗：ｅｅ我冰雪聰明，一睇就估到．不過我講個答案出黎出黎實俾媽咪鬧屎．所所以我唔會話你知答案係三隻小豬既．

解說：三隻小豬＝一個豬豬，一個可愛小狗豬，一個豬咀媽咪

再次多謝傻婆一家既熱情款待，拜服你們將廿一個小朋友照顧得無微不至，教得彬彬有禮，多人多狗進入你家地盤也沒有半聲吠叫．

我地又食又抽又無幫手，真係唔好意，但係我都係會問下次幾時再玩過．

趴地相片己全部上載，歡迎撻相
http://fotop.net/oscarynk/2008TMBBQ