吃在路上---cottage(四)

睇完湖景, 我地就坐車去到另一個湖邊. 依度叫TOBERMORY.

依度係出名既旅遊區, 有唔少人帶埋狗地黎架.

湖邊有唔多怕人既鴨鴨.

依度特別在有個碼頭.

個碼頭有玻璃底既船載人去著名既花瓶島, 沿途仲可以睇沉船. 架船平時唔俾狗地上架, 不過依家唔係旺季, 船公司話如果船長唔反對可以俾仔仔豬豬上, 但係船費要三十幾加元, 而且要坐幾個鐘, 為左唔太傷個己經重傷既荷包同埋唔好悶親仔仔豬豬, 所以我地最後決定唔坐船.

去左間甜品店食雪糕飲咖啡同食我地自備既午餐.
依度既戶外位全部都可以俾狗狗坐, 仲分左吸煙區同非吸煙區.

食飽之後就行街街影相相啦.

點知行行下見到棵結滿果實既蘋果樹喎.

路口轉角既樹唔似係有人種架喎, 所以忍唔住摘左個同係地下執左個, 又甜又爽真係超正呀.

之後就帶豬仔去狗CAFE啦. 間舖頭有面有店主養既小狗, 仲有好多貓狗用品同精品.

仲有專俾狗狗食既HOME MADE COOKIE, 豬仔一入去, 店主就請佢地食曲奇啦.

食左人地既免費曲奇, 又抽左人地隻狗既水, 循例都要買返少少餅餅.

仔仔: 點解得半塊餅既??
豬豬: 媽咪係咁孤寒架啦, 你唔係唔知呀.
豬仔媽: 有得食就食咪講咁多野呀, 又唔講下尋晚你地食多幾多隻老虎蝦...
豬仔: 我地只係識數一二三四, 多過四我地就唔知食左幾多架啦.




另:
紅紅仍未回家, 傳心師說有好心人在路上遇到他帶了他回家, 我們己印了大量單張, 今晚會貼在西貢和放到網上.