豬仔渡假屋---消暑特備節目

天氣咁好, 仲有咩緊要過消暑呀.
It's so HOT. Shouldn't we find something COOL to do.

見唔見到暗位有D人影狗影.
You see some dogs and man hidden in the shadow.

走埋去睇下, 之唔係係度浸水, 消暑. 仲爽過開冷氣呀.
Oh YES, they all having FUN with the running stream water.
It's much more comfortable then switch on the air conditioner.

MING : 我地溯澗..
MING : We go stream trekking.

SASA : 我跳黎咷去步法輕盈, 順便瘦身.
SASA :  I jump up and down for keep fit.

MING : SASA你唔好走咁遠, 我無放繩.
MING : SASA don't left me behind, I am on leash.

SASA : 邊個叫你唔似我咁聽話一叫就返呀.
SASA : You should learn from me that come back at once whenever being called.

成班小朋友走黎走去好鬼開心.
All kids enojoying their free-run section. (sorry ming, i really cnt un-leash u)

SASA : 又叫我美白, 我拉我出黎曬太陽, 你地係咪玩我呀.
SASA : Why bring me for sun bath while giving me the whitening treatment?

豬仔天地.
Chu Chai's world.

豬仔渡假屋---御膳廚

要服侍明明大爺同SASA千金, 真係要出動御膳級數既卡士先得.

SASA無時無刻, 無誰乜都食. 聽到有咩風吹草動就坐定係個兜前面等食.

相反MING MING就乜都唔食, 又唔可以話乜都唔食既, 零食呀雞肉呀就多多都食, 正常既野就NONONO. 乾糧, NO. 明媽指定既乾糧溝濕糧, NONO. 齋濕糧, NONONO. 濕糧加雞肉, NONONONO. 結果頭果星期明明就靠早晚各一件雞胸肉吊住條命....

後黎SASA開展左佢既麥皮瘦身餐, 明明既胃口就開始出現轉變. 明明竟然連麥皮加清水都食左兩啖....好啦好啦.

從此佢地既餐單就係手撕雞胸肉加精選麥皮.

加水温水開左麥皮撈埋雞肉.

再加少少奶呀乳酪呀, 仲有阿麻子同蒜蓉適量.

明明少爺終於餐餐開金口....食食食食食....

而最最最有效既SASA瘦身方法亦都發明左. 就係將明SA分隔開餐. 咁SASA就再無機會執二攤.

睇下SASA佷得幾開心, 唔使廿秒就清兜.

至於妹豬仔, 照舊常餐.....

豬仔渡假屋---SASA美麗日記

SASA : 身為一隻生活係大狗中間既小狗, 我SASA成日都處於俾狗遮住曬既境況, 所以大家都無留意其實我係一個靚女黎架, 雖然成日玩到成身濕曬頭又唔梳咁, 但係我真係好想做返一個靚女架.

SASA : 豬仔媽話要成全我, 所以拿拿聲幫我沖返個靚涼, 睇下D水, 過左兩次終於變返乾淨D呀.

SASA : 豬仔爸就幫我洗耳仔抺面仔, 咁我就唔使成日週街AR耳仔有失斯文呀.

SASA : 打左結好耐既腳毛終於有人幫我解返開啦.

SASA : 解唔到既毛球就剪走佢, 等我唔使成日丁住一舊二舊毛團咁走黎走去,

SASA : 雖然攪左咁多野, 但係同靚女仲係有少少距離, 於是豬仔媽就特登走去買支美白返黎幫我洗白白, 你地睇豬仔媽黑MUNMUN就知佢對美白既認識一D都無, 所以都係去PETSHOP叫人介紹架咋.

SASA : 就是我就一洗再洗, 務求要變返隻白狗.

SASA : 結又解左, 對白又做左, 係咪靚左少少啦.

SASA : 但係仲要KEEP住日日梳毛, 唔係陣間又再打結架啦.

SASA : 你地睇下我個樣當堂自信都返埋黎, 但係豬仔爸媽話, 我仲有進步既空間, 不過已經超出左佢地能力範圍, 要搵專業人士出手喎.

SASA : 於是迪蘇媽就帶我去揾健哥哥, 一個下晝就變返一個美麗既SASA. 至於嘴邊既啡毛你地當睇唔到先啦.

豬仔廚房---蘋果棒棒糖

明明 : 大家好, 我係豬仔廚房既新晉主持, 我叫陳小明呀. 點解唔見左仔仔? 咁都要問? 因為我比較靚仔LAW.

(仔仔 : 大家唔好聽陳小明亂講, 因為今集既野食係蘋果棒棒糖, 水果味既野請我仔仔都唔食, 所以咪請唔到我做主持:LAW.)

明明 : 作為節目主持, 我梗係盡心盡力為大家報導點整啦, 個製作過程我有全程監控架.

明明 : 我睇住抽水EE將D唔同既野放入個兜度係咁攪埋一PAT. 果PAT野入面分別有 :

蘋果兩個切成蓉(用一杯APPLE SAUCE代替), 500g面粉, 2隻雞蛋, 150ml橄欖油, 50g小麥柸芽, 1茶匙亞麻子粉, 2湯匙肉桂粉, 4湯匙蜜糖, 約50ml清水, 攪埋一團, 初成餅團, 再係中間插一枝小牙皮骨. 放入攝氏150度既焗爐, 焗15至20分鐘.

.

明明 : 唔止觀察製作過程呀, 中間我仲參與試味既工作.

明明 : 成品出左黎啦, 真係估佢唔到果一PAT野可以變成咁既樣, 仲鬼咁香添.

明明 : 之後當然係重要既試食環節啦.

明明 : 嘩, 一放入口就知巧巧味呀....
抽水EE : 你有無偷D呀, 咬都未咬就知好味.

二妹 : 一個狗既試味梗係唔夠中肯啦, 等我試過.

二妹 : 真係好好味架....

SASA :  我又試.
抽水EE : SASA你乜都話好食架啦, 睇你個身型就知啦.

點解唔見仔仔豬豬? 因為水果味, 仲要無肉食既野, 佢地兩個真係唔會食LAW. 如果你
屋企既小朋友好似仔仔豬豬咁, 你就唔好整LAW.

不過如果係識飲識食既小朋友, 好似二妹同SASA咁, 又不妨整黎食下.

豬仔渡假屋---學習進度

咪以為渡假屋企既生活好輕鬆呀，個個小朋友每日都要上堂架．

學乜？佢地既必修科就係: 食訓玩疴四個科目，每科都要評核架．暫時二妹既”訓”係最底份，因為佢成日無時停．ＭＩＮＧＭＩＮＧ既”食”係最低份．因為佢成日都唔多食野,．SASA既”疴”就最底分，因為佢次次都係停到入屋先ＳＨＳＨ．．．

除左必條科之外仲有選條科架.．選修乜野就梗係佢地自己揀架啦,，二妹主修－－－狗際關係,，ＭＩＮＧＭＩＮＧ主修－－－ＡＮＩＭＡＬ　ＣＯＭＭＵＮＩＣＡＴＩＯＮ，ＳＡＳＡ主修－－－食物學．

話說ＭＩＮＧ－ＳＡ剛剛入黎渡假村，ＭＩＮＧＭＩＮＧ唔開心，二妹唔識死．係開飯時，二妹額頭順便俾ＭＩＮＧＭＩＮＧ開左兩個窿．

自此ＭＩＮＧＭＩＮＧ見親二妹就惡惡，ＭＩＮＧ坐左係門口附近，二妹就驚到唔敢行近門口返入屋．仲以為佢地兩個小朋友從此水火不溶．點知二妹驚左幾日，痛定思痛．平時俾仔仔豬豬讓慣既小朋友，終於知道自己衰咩，專心温習返佢既＜狗際關係＞．同ＭＩＮＧＭＩＮＧ從此有禮．

請安敬禮親咀乜都做齊．終於用誠意打動左ＭＩＮＧＭＩＮＧ．

兩個狗從此玩埋一堆．

仲有大有細，有講有笑．

ＭＩＮＧＭＩＮＧ夠大量，二妹有前途呀．兩個都抵錫．

至於ＭＩＮＧＭＩＮＧ學ＡＮＩＭＡＬ　ＣＯＭＭＵＮＩＣＡＴＩＯＮ．
初黎報到時，貓地見到佢地條尾都雞飛貓走．

溝通係建立關係既用要方法，你睇下依家佢地幾ＦＲＩＥＮＤ．

藍藍：ＭＩＮＧＭＩＮＧ你走到咁埋，知唔知你個口有Ｄ臭呀．

ＭＩＮＧ：吓，你唔講，我又真係唔知喎，咁有幾臭呀？
藍藍：好似小黑豬個ＰＡＴＰＡＴ咁臭．

ＭＩＮＧ：係，等我聞下先得．
小黑豬：聞夠未呀，我放個臭屁過你聞好唔好？

狗同貓講都攪得掂，所以話ＭＩＮＧＭＩＮＧ學既ＡＮＩＭＡＬ　ＣＯＭＭＵＮＩＣＡＴＩＯＮ係成功既．

唔好漏左ＳＡＳＡ，佢好認真咁研究食物過，無論佢食既定係ＭＩＮＧ唔食既佢都唔放過，連未食過既牛趾甲佢終於都識啦．

本來識食牛趾甲無乜特別，特别在平時見親狗玩得激烈Ｄ都忍唔住要打氣既ＳＡＳＡ，終於明白慳返啖氣專心研習食物學既重要性．

差Ｄ唔記得講，ＭＩＮＧＭＮＧ仲學識左接受現實，俾抽水ＥＥ狂抽水．

而二妹遇到咁既情況都學識左咋訓．

豬仔渡假既學習進度報告暫告一段落．

ＭＩＮＧ　ＭＡ，ＭＩＮＧＭＩＮＧ　ＳＡＳＡ好乖好開心，你唔使擔心，掛心就一定少不免架啦，不過掛住多個幾星期佢地就會返到你地身邊．

遲來的生日禮物---吃喝篇

因乜解救, 貓貓兩眼發光, 之唔係佢地既生日禮物一部份---美味魚柳.

仲企起身舔曬脷

話說包魚柳一開, 成屋貓就衝曬埋黎. (下面張相係咪好有動感呢? )

黃仔+肥啡公主+藍藍 :LADY FIRST, 等我地三個靚女食先.

藍藍 :  無大無細, 阿媽都未食, 邊輪到你地食呀!!!!

媽媽食完就到兩個女食啦.

小黑豬BB: 咁BB都要食多D呀, 媽咪PLEASE...

小黑豬BB : 媽咪你咁大隻手就咪搣到D魚咁細粒啦....

媽咪 : 怕鬼左你地, 一齊食咪得LAW.

食到咁上下就可以玩釣魚遊戲啦.
邊個企得高咪邊個有得食....

黑仔哥哥SHOW TIME

藍藍媽咪 SHOWTIME

黃仔SHOWTIME

小黑豬BB SHOWTIME

本來係肥啡公主SHOWTIME
之不過高度差少少...

高度唔夠就 IQ 搭夠, 企唔高咪跳高....YEAH

成班貓掛住食, 靜到蚊飛過都聽到....