唐狗會錦田BBQ

今日我豬豬跟哥哥同美麗和翠兒一早坐車去街街，今次Daddy開架大四驅車，我同哥哥坐車尾，又可以睇風景又可以坐，美麗同翠兒就坐中排，好快就去到，泊好車，就去一個大草地足球場熱身，真係要熱身，因為今日好冷。

↓↓媽咪例行要同我地打好狗際關係，四圍派野食：

↓↓美麗姐姐有套裙，好鬼搶鏡：

↓↓佢好幸褔，第一隻找到家的小白熊，出泥行又好淡定，我豬豬有排都學唔到：

↓↓仲識錫我媽咪，恐怕我地位難保：

↓↓問中都有D狗狗會開片，我驚係有道理的：

↓↓我同哥哥當然要多多運動：

↓↓媽咪好似好鍾意我地跑多D：

↓↓我地一家四口都凍到戴頸巾：

↓↓姐姐派零食派到舉手投降：

↓↓又見番Oscar哥哥，佢真係好乖：

↓↓小白熊好似好鍾意我呀：

↓↓花花嘟嘟真係好有教養，定定坐低等主人：

我豬豬都仲係好驚，不過都四圍見下D狗朋友，又跟Daddy媽咪同哥哥跑，之後又參加遊戲，叫做狗認主人比賽，查實不過係主人離開我地三四十米我地一聲令下鬥快跑去。媽咪話仔仔哥哥係我主人我一定會跑得好快，所以報名時仔仔係主人我係參賽狗，第一次比賽時媽咪同我在起點，Daddy同仔仔哥哥在終點，我們選了一字排開的中間位置，點知未有發號大家就跑，我比較怕其他狗，所以斜跑避開其他狗再搵仔仔，當然好慢，大會話未發號就跑所以要重賽，媽咪見我要跑外圍，就叫Daddy帶仔仔哥哥去靠邊的位置，再開始時我就唔使再斜跑，就好似平時同哥哥玩咁直跑過去就得，我豬豬話晒都係狼狗，跑步我當然拿手，評判話我第一，其實我最想係搵番哥哥而已。

大家雖然又跑又跳，不過真係好凍，所以唔再玩就去BBQ，BBQ時我地唔可以同Daddy媽咪一齊，全部狗狗在外圍的草地上，又有好多遊人經過，我真係有D驚，平時D人見我地狗狗會大驚小怪，今日竟然有好多小朋友逐個同我地影相，又攬又抱，見大家都唔驚，我惟有頂硬上。

↓↓我地成班狗坐低任人影相：

↓↓美麗姐姐當然是大家影相的焦點：

↓↓我豬豬靚定仔仔哥哥靚？

好在媽咪趕往要去飲，我地四點半就走，五點半已經返到屋企。