我的志願

豬豬：仔仔哥哥，點解你孭背囊既，我地去街呀．
仔仔：daddy mami話我今日有任務在身，你要自己留係屋企呀．
豬豬：下，我會好驚架喎．．．
仔仔：我好快會返黎架啦，你唔好攪破壞呀．

仔仔：點解會去左學校既，唔通我要返學讀書？

仔仔：間房有冷氣，好涼爽．

仔仔：仲有靚姐姐陪我玩．佢仲讚我好乖呀．

仔仔：之後daddy mami就帶左我去第二間房，有個EE走埋黎同我玩．

仔仔：點知佢摸摸下突然之間施展五抓金龍，仲扯我耳仔執我d毛．

仔仔：扯完耳仔仲扯我條尾，攪到我面容扭曲，不過見佢玩得咁開心咪由佢law．點知佢用手指甲咪我大脾．咁我就拎個頭睇下咩事啦，點知都未望到咩事，媽咪就話可以返屋企喎．原來拎轉頭就走得架啦，早講呀麻，我掛住豬豬妹妹呀．

豬仔媽：乖仔，我地可以返屋企啦．頭先你考試做醫生．

仔仔：咁點解你唔早d話我聽要考試呀？

豬仔媽：因為唔想俾壓力你law．

仔仔：咁，我既表現合唔合格呀？

豬仔媽：你既表現好好，不過同佢地既要求仲差少少．

仔仔：咁，佢地要求係咩呀？

豬仔媽：佢地要求一個處變不驚，任搓任攪都唔會有反應既狗狗．

仔仔：媽咪，你同daddy好想我做狗醫生？

豬仔媽：我地唔係一心要你做醫生，但都想睇下你有無能力係依方面去貢獻社會幫到人．

仔仔：咁我唔合格，會唔會令你同daddy好失望架．

豬仔媽：仔，你要記住，daddy mami 從來對你地只有一個要求，就係要做一個健康快樂既小朋友．

仔仔：咁就好啦，因為我既志願唔係做醫生．

豬仔媽：咁係咩呀，點解你唔話俾媽咪聽呀．

仔仔：我既志願係做豬豬妹妹既好哥哥，做村狗既領袖照顧同保護佢地．

豬仔媽：咁你放心去做啦，不過要俾心機去做喎．

小黑豬：仔仔哥哥，你要保護埋我地小貓三四架．