人有我有---風乾機

黃仔 : 媽咪, 我地屋企己經好細架啦, 你仲買咁大舊野返黎....
媽咪 : 唔係好大舊之麻, 係你貓女細細覺得佢大姐.
黃仔 : 媽咪你既網上購物狂越黎越嚴重, 你唔信我講咪即管睇下daddy點講.
媽咪 : 唔好咁啦, 依部係好野黎架. 你都有份享用架.

黃仔 :  真既?? 我唔信, 等我睇真d先.

黃仔 : 一係盤咁, 用黎用乜架.
豬仔媽 : 發熱law.

黃仔: 咁一格格又用黎估乜架.
豬仔媽 : 裝野食law.

當個兜同果d一格格搬走左之後, 黃仔就發現部野佢真係有份享用, 享用既部份之唔係個盒law, 佢係入面玩到唔捨得走.

豬仔媽字...
風乾機相買左好耐, 唔使解釋, 咪整零食俾班心肝寳貝食, 不過我係一個精明而且持家有道既兼有網上購物狂既豬仔媽. 係我既努力之下終於搵到內地既廠商, lur左好耐先有批發既超底價賣左部俾我. 佢話佢做外銷批發唔會一部部賣架, 見我咁有誠意就賣一部俾我玩....

係我一問再問三問之後, 先達成協議十部就肯送黎香港.

如果我攪義賣團購, 五百蚊一部為限, 收益作慈善用途. 初步構思每部機的售價當中 : 一百元捐給SAA或NPV或ABC的TNR(一個專為流浪貓狗絕育的團體). 另外一百元會透過明愛捐到四川作災後重建.

唔知你地有無興趣呢? 真係有十個人有興趣我就開團啦.
團購詳情不日發表.

如有興趣訂購, 請先到食物風乾機團購義賣細則 參閱詳細內容及留言

影帝劉青仔分享會

唉, 香港既電影市道近年都無乜進步, 我貴為狗界既影帝劉青雲仔仔, 都要為培育接班人出一份力. 見今日深涌無乜人無乜野做就同大家分享下做影帝既心得啦.

我地依d實力派既, 梗係唔係靠個樣搵食, 我既意思唔係話我個樣唔得, 係做影帝唔單止靠個樣搵食, 仲要有演技. 一般既喜怒哀樂表情大家都識啦.

作為影帝, 就要識得表達一d多元情既表情, 就咁講你地都唔明架啦, 等我做幾個示範啦. 首先依個一睇就知係開心啦, 但係開心得黎眼神令你感到有遠見同祈盼.

依個一睇就知係思考樣啦,  俗稱諗樣, 留意嘴角既曲線表達到堅定同信心, 咁又為之多元表情啦.

依個唔使多講啦, 冧死女樣, 如情如心既小舌頭唔架, 仲要咪咪眼既放電, 為之冧死你三千既多元必殺樣.

咁拍戲依家野係講隊crew既, 團隊活動黎架麻. 當然仲有其他要員啦.
一定要講攝影師先, 攝影師要有咁上下功力不在話下, 仲要提提你攝影師係唔可以得罪既人, 佢可以就覺度令度肥女變靚女, 同時亦都可以令型仔變矇仔....

得埋位時就要識做去同佢傾下計, 唔好介意俾佢點

遇上唔係好明佢想影既時候就要虛心求教, 等佢示範你睇.

影帝唔係演獨腳戲, 對手當然要有返咁上下正啦. 好似豬豬咁既女主角就VERY GOOD啦.

動作配合

眼神一致

大家都肯搏. 好似依場草上戲咁, 我地係打真軍唔係就角度架. 咁攝影師就可以近鏡拍攝, 係奧斯卡攞曬奬果部一百零一夜就係用大量近鏡黎增加刻情既張力架啦.

就連落水鏡頭都唔用替身狗.

唔, 差d唔話得介紹無武術指導. 佢好厲害架, 同一般武術指導唔同, 佢既職責係係我地表現得唔好時用武術指導我地....

不過乜都假, 影帝都係狗一隻, 最最最緊要有糧出, 同埋keep住有[雞]片接先得架.

一覺醒來

上兩個星期在公司的綠化區遇上了他們.
一個一個小沙丘上, 千千萬萬個小伙子努力建的土樓,

吃過午飯後, 我蹲在你們的大屋旁看了後久. 為你們打氣.

誰知, 一覺醒來, 所有蟻穴都被踏平了, 還灌上了葯水.

原來發現你們的不止我一個, 喜歡你們容得下你們的卻沒有幾個.

上個週未, 在屋前的草地見到你倆, 小小的牛兒可愛到不得了, 若不是怕把在旁的牛媽媽嚇壞, 我定會把你抱起來親親.

你哨牙吐舌的樣子真俏皮. 我既驚且喜的為了拍照.

誰知第二天清晨, 牛媽媽的叫聲是喊聲, 愛協的姐姐把你抱走了, 整條村的牛兒都走過來為你哭泣....

原來你伏在地上不是休息, 是沒有力氣爬起來, 原來我為你拍的相片是最後一張了...

這天, 一覺醒來, 親過豬仔和貓貓以後,

開門再見到扭腰擺尾的你們,

我知道我要給你們每一位更多的愛.
我不容許一覺醒來有半點後侮.

中箭

中箭事件發左在兩個月前的一個星期四...

中箭的女主角便是村狗---囡囡.

中箭中的(唔知係男定係女)主角就是不時在路邊出沒的箭豬.

通常佢地都出雙入對, 亦都唔知邊個係男邊個係女...

話說某星期四晚回家途中, 豬仔爸說鄰居發現囡囡中箭了, 前腳插上了一支半尺長的箭豬箭. 囡囡不許人碰, 沒有能把箭頭拔出...

狗地中箭也不是新聞, 鄰居的Shadow就曾有過頭頂中箭變了一頭獨角獸回家的記錄.

但是對於村狗來說這就是大件事. 我們有傷口, 洗淨塗點葯也沒甚麼, 大不了去看醫生, 但是整天在外面走的村狗會傷口會發炎流癑, 惹來食肉蠅, 然後...然後...

回到村裡, 囡囡見我回家, 高興得很, 一跛一跛的跑過來, 看著她每走一步都被箭刺痛一下仍是搖著尾跑過來, 心痛得很. 箭頭是一定要拔的, 我慢慢走近囡囡, 輕輕碰了箭頭一下她就痛得遠遠避開了.

帶著零食, 再到她休息的空地, 左手輕撫她的頭( 其實她也想走, 不過傷口痛動不了). 右手不知不覺的跑到箭頭去, 抓緊用力一拔. 囡囡痛得轉頭過來, 本能反應的張口對著我手又及時地停下沒有咬下去. 哀嗚一下躲到山坡下的草叢, 怎樣叫她零食怎樣香也不肯出來.

我當然明白把箭插得這麼深, 再硬生生地拔出來有多痛, 也作了心理準備囡囡很可能會狠狠地咬我一口. 可是我用力拉出了大半吋後, 箭仍藏在腳裡, 餘下的就要靠她自己. 一是想得通讓我再幫她拔出來, 又或聰明得可以她可以自己弄出來.

一覺睡得不好, 第二朝醒, 囡囡又一跛一跛地出現, 可是箭不見了, 可能拉出了大半吋以後只有丁點掛在皮上, 跑幾下就掉了下來. 大好了, 吃了幾天消炎葯就好了.

囡囡 : 今次真係好彩, 唔死得.
豬仔媽 : 唔係次次都好咁彩架, 妳唔好再去追牛追狗追野豬追箭豬啦.
囡囡 : 江山易改, 天性難移, 我最多下次小心d啦...
豬仔媽 : 唉....

Auntie Cat生日快樂

豬豬 : 點解今日好似同平時有D唔同咁既....
仔仔: 係今日好似個好特別既日子呀...
豬豬 : 咩咁特別呀?
仔仔 : 之唔係Auntie Cat生日LAW....

豬豬 : 咁我地要諗D野幫佢慶祝生日喎.
仔仔 : 咁不如我地一齊放個屁, 勃勃聲好似燒炮仗咁.
豬豬 : 哥哥, 你依個提意唔錯呀, 朝氣勃勃咁幾好意頭呀.
仔仔: 係啦, AUNTIE CAT知我地咁有佢心實幫我地影返D靚相唧.

由於星期日豬仔媽要趕住出席朋友既婚禮所以就帶唔到豬仔去參加AUNTIE CAT既預祝生日慶祝午餐活動, 當日既情況就由駐樂富辦小猴---旭旭, 為大家報導.

旭旭 : 話說當日食過豐富既午餐之後就係砌餅同許願既時間.

旭旭: 快手D啦, 大家等住食個流沙芒果蛋糕架.
CAT : 吹咩呀吹, 都未吹蠟燭.

旭旭: 之後就到拆禮物時間. 由於豬仔爸整鬼佢, 俾份爛鬼玩具扮生日禮物, 所以CAT個樣非常失望.

旭旭: 之唔係依個爛鬼玩具扮生日禮物. 玩野咩. 仲要迫人笑住影相.

旭旭: 之後就有豬仔婆婆送既 Gaspard et Lisa相部, AUNTIE CAT先有返D笑容, 真係現實.

旭旭: 好啦, 影肉出場啦, 堅既生日禮物出現啦.

旭旭: 就係仔仔同豬豬送既CINEMA GIFTCARD. 實用又岩心水啦話.

旭旭: 成枱都禮物....幾開心.

大合照時間....

旭旭: 旭旭現場報導完畢...

註:
旭旭身世為AUNTIE CAT係日本買俾豬仔媽既手信, 但係手信拆完睇完份禮物之後唔俾帶走...
咁係咪俾豬仔媽架....
己經唔係第一份手信係咁架啦....

發牙痕

豬仔同豬仔媽一樣, 成日都會發牙痕...
豬仔媽既解決方法係咬豬仔爸...
咁豬仔牙痕果時無奶俾佢地咬豬仔媽架...
咁就要有d法寳啦...

可以俾塊牛皮佢地, 一塊厚厚地白色個面有少少味, 好似話係水牛皮...

阿豬就乜都咬, 所以唔使特別影底佢.
阿仔比較有性格, 通常都會好熟練咁用對手夾住塊皮

舔曬面果d味之後再睇心情先決定咬唔咬...

噢差d唔記得講, d牛皮係比斯家送俾豬仔既生日禮物, 同埋之前交換禮物抽到katy家係加拿大買返黎既好野, 多謝多謝.

唔影豬豬咬牛皮就影佢咬骨骨啦.
煙薫骨係叻叻媽同bibe媽送架. 釘橋釘橋

例牌, 一開始舔下先...

證實左係正野就起勢咁咬....

好專心咁咬...(大家留意豬豬個專心樣好啦, 唔好俾張床既毛打亂左你既視線)

豬豬 : 係呢, 我d牙有無白到呀?

咬到咁上下就交換, 豬豬咬牛皮, 仔仔咬骨骨, 阿媽可以慳返筆.

你睇下仔仔咬到條口水線幾長. 佢仲要幾野咬爆左條骨.

煙薫骨既骨好脆幾尖下, 安全起見, 攪到咁既樣就要叫停, 清理現場....

寫完blog先記得未出blog多謝各位送俾豬仔既禮物, 仲有篇生日派對遊戲未出街, 但係講開咬骨又未講佢地咬牛骨刷牙牙既片段....點解咁多blog未寫架....整...