豬仔同豬仔媽一樣, 成日都會發牙痕...
豬仔媽既解決方法係咬豬仔爸...
咁豬仔牙痕果時無奶俾佢地咬豬仔媽架...
咁就要有d法寳啦...
可以俾塊牛皮佢地, 一塊厚厚地白色個面有少少味, 好似話係水牛皮...
阿豬就乜都咬, 所以唔使特別影底佢.
阿仔比較有性格, 通常都會好熟練咁用對手夾住塊皮
![](“https://googledrive.com/host/0B9pciYoYy_03a3JuRDJfbG4wd3c/jipYOal7s5.6hw1nhc0_wl1TcXjtkaxomvAhcvgsESjBQjQmOcYc3g--/74/l/25QV1xMUvJcSdUjjbW0PWg.jpg")
舔曬面果d味之後再睇心情先決定咬唔咬...
![](“https://googledrive.com/host/0B9pciYoYy_03a3JuRDJfbG4wd3c/jipYOal7s5.6hw1nhc0_wl1TcXjtkaxomvAhcvgsESjBQjQmOcYc3g--/76/l/3EDdtoUIUq3.teQwTjRLhw.jpg")
噢差d唔記得講, d牛皮係比斯家送俾豬仔既生日禮物, 同埋之前交換禮物抽到katy家係加拿大買返黎既好野, 多謝多謝.
唔影豬豬咬牛皮就影佢咬骨骨啦.
煙薫骨係叻叻媽同bibe媽送架. 釘橋釘橋
![](“https://googledrive.com/host/0B9pciYoYy_03a3JuRDJfbG4wd3c/jipYOal7s5.6hw1nhc0_wl1TcXjtkaxomvAhcvgsESjBQjQmOcYc3g--/80/l/gtcstBV4Gt9hgfclYD_UBQ.jpg")
例牌, 一開始舔下先...
![](“https://googledrive.com/host/0B9pciYoYy_03a3JuRDJfbG4wd3c/jipYOal7s5.6hw1nhc0_wl1TcXjtkaxomvAhcvgsESjBQjQmOcYc3g--/72/l/0Ola71zXrm7MPCfCPFg2nw.jpg")
證實左係正野就起勢咁咬....
![](“https://googledrive.com/host/0B9pciYoYy_03a3JuRDJfbG4wd3c/jipYOal7s5.6hw1nhc0_wl1TcXjtkaxomvAhcvgsESjBQjQmOcYc3g--/75/l/u__XQx6zYKTp31i52M9fIA.jpg")
好專心咁咬...(大家留意豬豬個專心樣好啦, 唔好俾張床既毛打亂左你既視線)
![](“https://googledrive.com/host/0B9pciYoYy_03a3JuRDJfbG4wd3c/jipYOal7s5.6hw1nhc0_wl1TcXjtkaxomvAhcvgsESjBQjQmOcYc3g--/81/l/n2g9CABO5xMeR62iILCc2w.jpg")
豬豬 : 係呢, 我d牙有無白到呀?
![](“https://googledrive.com/host/0B9pciYoYy_03a3JuRDJfbG4wd3c/jipYOal7s5.6hw1nhc0_wl1TcXjtkaxomvAhcvgsESjBQjQmOcYc3g--/73/l/3QnzCrDlTzK0KsQJkRWSvQ.jpg")
咬到咁上下就交換, 豬豬咬牛皮, 仔仔咬骨骨, 阿媽可以慳返筆.
![](“https://googledrive.com/host/0B9pciYoYy_03a3JuRDJfbG4wd3c/jipYOal7s5.6hw1nhc0_wl1TcXjtkaxomvAhcvgsESjBQjQmOcYc3g--/79/l/nm04pFDa_RYJRgjcg6jPng.jpg")
你睇下仔仔咬到條口水線幾長. 佢仲要幾野咬爆左條骨.
![](“https://googledrive.com/host/0B9pciYoYy_03a3JuRDJfbG4wd3c/jipYOal7s5.6hw1nhc0_wl1TcXjtkaxomvAhcvgsESjBQjQmOcYc3g--/78/l/1XpZql9mZQBZIQUVeJCZrA.jpg")
煙薫骨既骨好脆幾尖下, 安全起見, 攪到咁既樣就要叫停, 清理現場....
![](“https://googledrive.com/host/0B9pciYoYy_03a3JuRDJfbG4wd3c/jipYOal7s5.6hw1nhc0_wl1TcXjtkaxomvAhcvgsESjBQjQmOcYc3g--/77/l/Jlg.iKqt5tSjI2OOsBza5w.jpg")
寫完blog先記得未出blog多謝各位送俾豬仔既禮物, 仲有篇生日派對遊戲未出街, 但係講開咬骨又未講佢地咬牛骨刷牙牙既片段....點解咁多blog未寫架....整...
尾二， ｏ個張似食隻貓ｗｏｒ．．．．． ｍｉｎｇ ｍｉｎｇ： 你真係食ｏ野都撩人過人ｏ既ｏ者．．． [版主回覆03/23/2009 15:57:00]... 果張好明顯係貓貓犬口逃生啦, 係個口度爬返出黎.... 豬豬 : mingming不如我地下次你一口我一口咁一齊食呀.
回覆刪除仔仔d手甲好靚呀 [版主回覆03/23/2009 17:37:00]仔仔d手甲睇真d唔靚架, 隻掌生歪左有幾隻趾甲自己磨唔到, 慘慘.
回覆刪除豬豬仔仔真係好專心呀~! [版主回覆03/23/2009 17:38:00]有得食, 仔仔連阿爸姓乜都唔記得......
回覆刪除豬豬啲牙仔又幾白喎! 淨係咬骨骨真係咁有效咩? 但媽媽都係要幫我刷牙喎! [版主回覆03/23/2009 17:39:00]要咬生骨骨先有效架, 佢地唔抗拒刷牙架, 因為d牙膏太好味...但係化學野都係唔好用咁多...
回覆刪除係呀, 個d骨好利架, 所以唔好比佢地咬啦~ 仔仔同豬豬就好啦, 會交換骨黎咬, 我兩隻肥野唔會架, 亞女自己有都仲會攞埋肥Bil個舊架~ [版主回覆03/23/2009 17:44:00]佢地依家咬生骨架, 不過支煙薰骨咁香梗係要俾佢地嘆下, 但係全程要牛咁眼咁望住佢地....隨時叫停架. 我要佢地換就要換架啦, 不過仔仔好少同豬豬爭架, 因為佢都幾懶咬野, 成日都俾豬豬擺埋佢果份都唔理. 如果真係好味既, 好似牛尾呀牛骨呀豬豬食完只敢望住仔仔果件唔敢行近架.
回覆刪除仔仔 : 豬豬呀 , 你睇你咬咁耐都仲係咁大舊 , 你下次都係等我食先啦 , 等我三兩吓手勢爆開幾碌等你慢慢歎 . 豬豬 : 咁狗地係淑女嚟嘛 , 邊樹有你咁粗魯喎 ? [版主回覆03/23/2009 17:56:00]餅波你估錯曬啦, 仔仔個金口唔係成日開, 無乜動力咬野架, 佢都係等豬豬咬開曬d硬野先開工... 豬豬粗魯過仔仔好多架.
回覆刪除哎呀，我哋仲以為有隻膠老婆添呀？原來係家中貓貓！ 仔仔呢張嘴，簡直好似匯豐獅子咁，食人唔螺骨呀！ [版主回覆03/23/2009 20:20:00]咩係膠老婆呀..... 仔仔唔會食人, 過佢食羊食牛唔LUR骨架.
回覆刪除口水呀~~~一定好好味！ [版主回覆03/24/2009 08:19:00]幾好味咁啦, 你地係咪睇到流曬口水呢....
回覆刪除豬仔:豬豬仔仔 [版主回覆03/24/2009 08:19:00]豬仔, 我地請你食塊呀. 豬豬仔仔字
回覆刪除〝膠老婆〞？ ~~~點解會變咗〝膠老婆〞？ 我哋其實係想講：點解仔仔好似食緊隻〝膠老鼠〞咁o既？ [版主回覆03/24/2009 08:20:00] 膠老婆膠老鼠.....差好遠呢.....
回覆刪除各位哥哥姐姐 : 我三兄弟妹參加" Q Cute 攝影比賽", 但得我一個入圍, 可以幫忙到以下條Link投我神聖一票o馬? ** 記今個星期五(3/27)截止投票 ** http://hk.myblog.yahoo.com/smartpetpet Bizzy 仔字 [版主回覆03/24/2009 22:19:00]個比賽有乜獎品架....
回覆刪除d牙仔又真係幾白淨, 可以去怕黑人牙膏廣告呀~ [版主回覆03/24/2009 22:19:00]哈哈有無黑狗牙膏呀, 如果有就一定應徵代言狗.
回覆刪除呢d 咁嘅牛皮骨, 千年骨真係唔好比佢地食啦. 最危險、最無效又最多人買嘅係用豬牛皮制的潔齒骨。一，它要經過強醎去除豬牛皮的脂肪，然後漂白，其中用的化學劑小吃為妙。二，它易淋但難爛，也難消化，是塞腸的最理想組合。 另一種以植物的膠質做，但據說一樣有引致腸梗塞的例子，危險性高. 以我所知最好的應是尼龍做的潔齒骨，冇嘜危險性，又耐咬。但潔齒效能，始終唔及一塊連肉的生骨頭。 [版主回覆03/24/2009 22:23:00]尼龍同天然橡膠都耐咬又相對安全, 但係豬仔都唔會咬. 脫水煙薰既小食少食.一星期一次既生牛骨就點都會唔少, 佢地會咬到唔停口, 等埋到風乾機到手就零食都唔使買啦.
回覆刪除仔仔d口水好恐怖喎!!可以攞去做捉鬼敢死隊嘅道具呀!! [版主回覆03/24/2009 22:24:00]咩喎有好野食係咁架啦. 真情流露呀, 使唔使我幫煙肉影返D真情流露相
回覆刪除你地舊骨骨好似好好味咁bor~ 狗地媽佢試過煲熟舊豬筒骨比狗地咬架, 狗地可以自己咬成粒幾鐘咩人都唔理. 佢咬完一粒鐘後d牙明顯真係白左好多 [版主回覆03/24/2009 22:26:00]如果接受到咬生骨既潔齒功效好好多架, 而且無熟骨咁硬咁碎安全好多, 豬仔都成日咬架. 不過生又好熟又好, 都有效過潔齒骨架.
回覆刪除=>點解咁多blog未寫架....整...<= 因為你成日出埋d"呃Blog"囉 ! [版主回覆03/24/2009 22:27:00]咩呃呃聲呀, 圖文並茂架
回覆刪除仔仔哥, 你咬水牛皮還咬水牛皮, 記住咬剩三塊等我借D椅去你度見豬豬丫! 等我丫....... 豬豬, 幾時我以好似你同哥哥o甘Changing 骨皮o里? Bizzy字 [版主回覆03/24/2009 22:29:00]梗記得啦, 要三塊水牛皮黎借D椅呀麻....仔仔字. 比斯, 我咬完骨皮比你咬無問題呀, 不過你食過我口水尾要聽曬我話架喎. 我媽咪成日都咬一啖骨皮先俾我地, 等我地聽話D喎....豬豬字
回覆刪除個比賽有乜獎品架.... BIZZY : 係零食o羅.........冠軍100g小紅莓雞肉粒粒, 我鍾意丫! 你係咪 訂風乾機? 訂得成o馬? [版主回覆03/25/2009 15:30:00]小紅莓雞肉粒100g....咁你請唔請我食呀. 豬豬字. 我訂左風乾機, 希望聽日收到星期五六試機. 好抵, 不過個賣家打黎話佢係廠家只做批發, 今次當試機俾部我玩, 再買要廿部起單呀.
回覆刪除近排好少俾佢地食牛皮骨, 零食都少, 慳得就慳, wakakakakaka~~~~ [版主回覆03/25/2009 15:55:00]我無買零食俾佢地好耐好啦, 不過個零食櫃都仲好滿喎
回覆刪除如果有機會勝出冠軍, 梗係同你一起分享, 拱你有無投我先, 我要為唐唐 增光o麻! 部機??$ 是否中國制? 我同Yoko都想買丫.... [版主回覆03/25/2009 17:18:00]媽咪話個比賽無代表性, 所以寧願請你食雞肉好過投票喎. 部機底於市價一半(係咪好鬼吸引呢), 希望聽日收到等我今個週未試真d先. 你夾到十鯪個想要我就諗計訂批批發返香港.
回覆刪除唔好俾張床既毛打亂左你既視線 豬豬，你好叻呀... 幾嘢就咬爆！ [版主回覆03/26/2009 08:24:00]豬豬仔仔都咁叻架啦.....
回覆刪除咁好架佢地自己交換呀!! Bagel: Mama行近會wu驚比佢攞走lor [版主回覆03/26/2009 08:25:00]豬仔媽 : 唔係佢地自己交換架, 係我收返曬再重新派過. 豬仔 : 放左入口既雞肉媽咪要攞返都無得惡, 媽咪好惡架....
回覆刪除咬豬仔爸?! 應該味道唔錯, 等我下次都試下 bi be 字 [版主回覆03/27/2009 10:33:00]吓BIBE你唔係試過既呢咩, 唔好又扮曬野借D椅咬多啖呀.
回覆刪除您好似我家的樂樂, 不過我想念的仔仔 [版主回覆03/27/2009 15:22:00]樂樂的顏色真係同我家仔仔好似呀, 樂樂近家幾重呀. CHEER UP我諗你家仔仔一樣都想念你, 亦都想你開心
回覆刪除咬骨係唔係可以清潔牙齒？d狗好得意。 [版主回覆04/02/2009 14:54:00]煙薰骨主要係好味, 如果要刷牙就要用生骨先有效架.
回覆刪除