太陽伯伯你去左邊......

今個星期天氣麻麻地, 天陰陰又落兩, 媽咪話要懷念上個週未既太陽伯伯呀, 因為佢有好多野要洗但係無太陽唔洗得喎...

話說上個星期, 我地做左小島王子/公主, 因為星期五坐船去塔門, 星期六"島"塔咁早出門口去彭福, 星期日再坐船去東平州.

完全出乎意料之外, 上星期五下晝塔門既陽光好度可以曬咸魚.

出門口果時天氣都麻麻地, 媽咪見搬屋忙左咁多個星期無乜帶我地去玩, 間屋又執極都未執好, 見個天未落雨就帶我地去塔門散下步.

我地屋企去塔門近過出西貢市, 所以我地週未時都會去依度玩架, 我仔仔同豬豬妹妹都好熟路. 天陰陰咁既天氣就岩曬我地依d黑古甩凸既狗出黎玩啦.

只要唔係遇著假期人多, 我同妹妹都會玩得好開心.

點知跑跑下, 突然間太陽伯伯出左黎同我地玩. 藍天白藍綠草, 係香港唔會成日遇到架.

梗係要影返張靚相先啦.

daddy話最好係陽光之下訓晏覺.

媽咪就想曬返乾對涼鞋.

雖然有陽光又暖又乾爽, 但係我地又好怕曬, 所以就戴返頂帽遮下太陽.

帽就得一頂, 雖有同妹妹輪住戴啦.

仲要攬住個水兜勁飲水呀.

最實際都係收埋自己係樹陰度.

玩夠啦, 我地就行返落士多嘩下午餐.

大人去士多食炒面飲汽水, 我地就食雞片, 不過主菜係前面既萬里晴空同無敵大海景.

仲識到新朋友, 佢係士多附近養既狗狗, 亦該同薯薯好老友, 因為佢都係倒及仔黎, 好得可愛呀.

另....點解塔門無果樣整果樣, 加左個蓬破壞風景.

點解d人去完露營唔清理垃圾, 個三腳架可以掛毛巾掛水袋, 係就係有用, 但係帶黎露營既野唔該帶返走, 如果一人黎一個架係度, 咪成島都係垃圾. 講多句, 個三腳架綁得勁差, 個結打得非常唔實淨.

仲有, 雖然塔門唔係郊野公園, 無話唔可以生火, 但係都唔代表可以攪到一地係炭黑鬼曬,  唔清理, 就咁走左去.....