GOODBYE MY DEAR

二妹 : 仔仔哥哥, 俾我咬多啖啦.

二妹 : 豬豬姐姐, 俾我兇多野啦.

依個小朋友大得好快, 只係三個幾月, 初初一個大脾只坐三隻都夠坐, 依家二妹坐上去都轉唔到身啦.

套上新頸帶, 帶上新拖帶, 再帶埋大包嫁裝.
二妹, 我地出發啦.

同哥哥BOYBOY去散下步.

一齊咬下牛趾甲.

影下合照.....

BOYBOY主人係西貢市睇到二妹尋家既海報, 當時他們剛剛係HKDR領養已經兩歲既BOYBOY幾個月, 正準備由屯門搬黎西貢, 搵一個有花園既地方等佢生活得開心D, 再搵多個伴俾佢. 於是就帶BOYOBOY黎探下二妹.

佢地一家搬左入黎西貢之後, 我地又帶二妹去新居探下BOYBOY.

如是者過左個多月, 佢地搬入黎安頓左, 花園既圍欄又整好左, 二妹今日正式搬入屬於佢既屋企啦.

二妹, 要你同我地生活左咁耐再去適應, 的確要少少時間去習慣, 你要知道我地唔係唔要你, 相反我地非常愛你, 所以我地努你為你找一個真係屬於你既屋企.

二妹, 我諗你會掛住仔仔豬豬, 同時我地一家都會掛住你, 不過你放心去信任你既DADDY MAMI 同 BOYBOY哥哥, 佢地一樣會愛護照顧你.

二妹, 你記住要乖乖地呀. 唔好蝦BOYBOY, 要聽DADDY MAMI話呀.

講大話甩大牙

二妹 : 點解我成日都咬唔實D玩具, 點解又成日咬咬下玩具就成口血既.
抽水EE : 傻妹, 你甩牙呀
二妹 : 我無講大話, 點解會甩大牙.
抽水EE : 因為你開始大個女, 所以換牙仔LAW.

話都無咁快, 二妹已經開始換牙.  個傻妹最鍾意玩扯玩具FING玩具, 但係近日佢唔明白點解自己成日都咬唔實D玩具, 又成鬼日都攪到成口血..
 
睇真D右邊無左三四隻, 出緊兩隻.

左邊同右邊差唔多.

前面好似甩過又生返咁, 我唔知呀, 我只係知道我一粒都執唔到....唔制呀.

題外話.
小+大學同學嫌老友生左個仔, 上次食薑帶左兩梳蕉上去, 今次去抽水拿拿林買隻狗仔過BB. BB記住乖乖地大個唔好似你阿媽, 好驚唔驚驚貓驚狗.

BB今晚好開始攬住狗仔訓覺豬, 大個左抽水EE傳授D抽水神功過你呀.

豬仔廚房---三色雪糕

天氣咁熱，有咩好味得過三色雪糕呀，有好野無奶油唔預埋狗地架．
係咪睇見到流曬口水咁呢．甜薯香薯南瓜味既三色雪糕真係有錢都買唔到．

做法十萬個簡單．去街市買黃心蕃薯紫心蕃薯南瓜．蒸／烚熟佢，將佢地壓到變蓉．

再一層一層咁放入食物盒，放涼再入雪櫃．

凍冰冰，涼陣陣，食得．
不過班食肉獸又點識欣賞呀．加ｄ礦泉水浸含吞魚伴兜．
（罐頭吞拿魚好咸記得沖淡先俾狗地食）

一開罐魚就成屋起哄．．．
藍藍唔客氣跳上枱試食．

妹豬仔好慘要坐定定影埋相先有得食．

流到一地口水終於食得．

阿仔又食曬ｄ魚就想放棄．衰仔．

明明ｓａｓａ都有得食（上個月尾己經影落）
明明從未如此開胃咁食曬ｄ吞拿魚就望住ｓａｓａ個兜．

仲要趕走ｓａｓａ食佢個兜．
ｓａｓａ：明明你好啦喎，自己果兜都未食曬又攪我果兜．
明明：你要減肥呀麻．

ｓａｓａ：好叻咩，我咪食返你果兜．
明明：隨便啦．．．因為ｄ好魚我己經食曬．呵呵

抽水ｅｅ：你地想屎呀，同我自己食返自己果兜呀，咪鬼攪攪震呀．
你地睇到啦，ｓａｓａ個兜就係咁乾淨，永遠都唔使洗咁濟．

七八月大件事

五月母親節六月父親節...
接住七月八月都有大件事, 之唔係豬仔婆婆同豬仔公公接住生日啦.

實用既野應該晨早買左仲用緊,
無謂既野又無謂買....
所以豬仔媽簡簡單單焗個蛋糕, 豬仔爸用用心心整張賀咭 .

蛋糕太簡單, 無謂失禮人,
俾d生日咭過你地恨下啦.

豬仔婆婆果張二妹做主角.

豬仔公公果張今日暴光, 經驗同準備時間都多少少.
即時俾人投訴, 點解佢果張多兩隻狗.....其實都係隨意搵.

唔知大妹同細佬變成點呢...

風乾機慈善活動更新---善款收據

已按之前公佈的方法和分配進行捐款, 詳情和收據如下

四川 : HK$2500

SAA : HK$1000

NPV : HK$1000

ABC : HK$1000

註 : ABC的收據是我遇過最"不正式"的正式收據, 除了格式特別之外, 還印上本人的個人資料(電話地址電郵), 在網址上公開的圖片已刪去部份內容.

風乾機慈善活動圓滿結束, 謹多表各受惠機構多謝各位.

當家中的小朋友幸滿地享受到自家製的風乾美點時,
感恩, 我們有能力跟某角落需要愛和關懷的動物和人分享到點點心意.

妹為魚狂

我地大釣魚啦, 呀唔係用魚釣狗.

依個二妹唔知咩構做, 超鍾意個魚魚貓草玩具, 成日又咬又典.

仲會等人拋俾佢做搜索犬搵返條魚出黎. 不過少不免會俾人整估下.

二妹 : DADDY你放係我條頸後面我點搵呀.

搵到條魚就又咬

又典

又扯.....

超級陶醉果隻. 醉醉到俾人影曬D低能相都唔知.

到發覺時已經大遲啦....
二妹 : 屎火, 又俾人張我個低能樣放上網.

二妹 : 我仲邊有面見狗呀.

大家有無發現依張相既二妹同之前有咩唔同?
睇你地都發現唔到架啦, 之唔係條新頸帶LAW.

上星期發現PENTLINE指定品牌既頸帶拖帶半價, 仲唔入貨咩, 妹豬仔同契女大耳都有份.

小黑豬 : 媽咪偏心, 全部都係狗地, 貓地一條都無.

豬仔媽 : 你仲好講, 你話我聽依條變左八爪魚既頸帶係邊個只係戴左幾個星期就變左咁既樣....

小黑豬 : 喵.....

天好唔好去沙灘

尋日朝日天陰陰，帶狗地出去玩岩曬, 二妹住左咁耐都未去過我地個私狗沙灘，一於一家大細去開心下。

豬豬 ：二妹， DADDY媽咪話今日去玩水水呀，快D跟住我行啦。

二妹：玩水之麻，我識路呀，上次同MINGING SASA咪去過LAW，我自己識路啦！
仔仔：二妹，你咪叻唔怍啦，我地去沙灘呀，跟住我黎啦。.

二妹 :　沙灘i之麻我都去過啦，依個沙灘我地上兩月咪落過去玩水。我識路。

二妹：呃哎，跌左落舊石度唔上唔落添。
豬豬：你識路？上兩個月你豆丁咁細，係爸爸抱你落去之麻。

仔仔：你地咪口多多，快Ｄ跟住我，快Ｄ去私狗沙灘先慢慢講。

行行下太陽出來了，飲水時間，囡囡同ＭＥＭＥ都有一齊黎，半村狗影返張合照先啦。

依三個小朋友一齊生活左咁耐都未有張正經既合照，影返張呢。
二妹：依張咪幾好。
豬仔：你個樣正經Ｄ會好少少。。。

曬屎狗，好彩中途有個水氹，豬豬第一時間落去爽爽。

囡囡真情唔想上返黎。

二妹：我要疴ＣＣ，豬仔同爸爸唔等我呀。。。

到啦，三隻野一枝箭標左落水。

過完冷河就不停咁喪跑。

豬豬要減肥啦，二妺跑得快過佢。

大蝦細（一）

大蝦細（二）

大蝦細（三）

二妹：怕你有牙呀。。。

佢地鍾意浸澗水多過海水喎，梗係啦澗水超冰涼。

於是豬豬跟住仔仔跑。

二妹跟住豬豬跑

跑下跑下又係時候返屋企啦。。。

二妹學識跟住行啦。叻女。