不過今日仲有特別任務, 主角就係次毛同福星. 雖然佢地驚魂未定，佢地都已經安全抵達在明媽悉心照顧中。咁岩我地兩個都驚魂未定喎......
話說MING SA個籠都只係每邊加左一條索帶, 佢地兩個就巴閉啦, 我一共落左二七一十四條索帶, 點解??? 睇埋落去你就知.
![](“https://googledrive.com/host/0B9pciYoYy_03a3JuRDJfbG4wd3c/jipYOal7s5.6hw1nhc0_wl1TcXjtkaxomvAhcvgsESjBQjQmOcYc3g--/96/l/3_LY.yNQpFqDwh89A8r30g.jpg")
要準備既文件基本上同狗狗差唔多, 係差左張證明香港六個月無狂犬病紀錄既信. 點解差咁封信, 因為我係漁護處話明要每張健康證明書要一封信, 個哥仔唔記得不達止仲唔肯認錯, 仲要我地用一蚊一張既價錢黎影印. 兩蚊豪俾你無問題, 但係人地要正本我無攪到貓狗入唔到境點先, 做錯野又唔認, 不知所謂.
![](“https://googledrive.com/host/0B9pciYoYy_03a3JuRDJfbG4wd3c/jipYOal7s5.6hw1nhc0_wl1TcXjtkaxomvAhcvgsESjBQjQmOcYc3g--/7/l/Q4cJdmtBf5s4apgCSNZ1Qg.jpg")
當然唔少得佢地既冰水啦, 今次加多幾支冰做冰種等D冰唔使咁快溶.
![](“https://googledrive.com/host/0B9pciYoYy_03a3JuRDJfbG4wd3c/jipYOal7s5.6hw1nhc0_wl1TcXjtkaxomvAhcvgsESjBQjQmOcYc3g--/92/l/JGPM8iN76Ol5.FMhq2necQ.jpg")
貓貓坐飛機梗係要配返貓貓既玩具啦, 魚魚貓草包包, 上次買左條返黎想俾貓貓玩, 點知MINGMING係玩得最開心果個....
![](“https://googledrive.com/host/0B9pciYoYy_03a3JuRDJfbG4wd3c/jipYOal7s5.6hw1nhc0_wl1TcXjtkaxomvAhcvgsESjBQjQmOcYc3g--/11/l/Blqe1U0zCmRCVITWa9C8Cg.jpg")
尋日唔記得介紹寄貓狗必需用品.
左邊既係封箱膠紙, 用黎固定文件同籠頂既野. 下面有皺紋膠紙用黎貼尿墊係飛機籠入面, 唔會殘留膠跡. 之後仲有不同尺寸既索帶, 用黎固定水樽名牌定, 籠門仲一定要加索帶固定. 膠剪就用黎剪膠紙同索帶.
![](“https://googledrive.com/host/0B9pciYoYy_03a3JuRDJfbG4wd3c/jipYOal7s5.6hw1nhc0_wl1TcXjtkaxomvAhcvgsESjBQjQmOcYc3g--/9/l/qOxycAah7B4ZeJDxpkHG5Q.jpg")
貓貓用個好靚既飲水樽, 俾我五花大綁係個籠度, 貨連公司職員仲笑我地咁穩陣, 梗係啦, 配件兩年之後佢地返香港仲要用架, 本來佢地仲有個掛籠水兜, 但係打死我都唔會開個籠門放個兜俾佢地架啦, 用水樽啦貓貓.
![](“https://googledrive.com/host/0B9pciYoYy_03a3JuRDJfbG4wd3c/jipYOal7s5.6hw1nhc0_wl1TcXjtkaxomvAhcvgsESjBQjQmOcYc3g--/98/l/R5xEyqsRoFRMRyoqnnsMGw.jpg")
原來明媽寄過去既貨櫃仲未到步, 即係話佢係香港預備左既貓狗糧同用品全部都未到手, 早知尋日貼多幾包狗糧寄過去啦, 貓糧就貼多左包.
![](“https://googledrive.com/host/0B9pciYoYy_03a3JuRDJfbG4wd3c/jipYOal7s5.6hw1nhc0_wl1TcXjtkaxomvAhcvgsESjBQjQmOcYc3g--/1/l/21LwGgO6agWxYPDW8GJ02A.jpg")
之後就磅重.
![](“https://googledrive.com/host/0B9pciYoYy_03a3JuRDJfbG4wd3c/jipYOal7s5.6hw1nhc0_wl1TcXjtkaxomvAhcvgsESjBQjQmOcYc3g--/95/l/pBk2ZbIi4og2ifZtecAn5A.jpg")
訂尺寸.
![](“https://googledrive.com/host/0B9pciYoYy_03a3JuRDJfbG4wd3c/jipYOal7s5.6hw1nhc0_wl1TcXjtkaxomvAhcvgsESjBQjQmOcYc3g--/0/l/_84woa3JdkC0bZryfxr8Jg.jpg")
跟住貓貓就可以入候機定啦, 其實依個叫牲口房, 所以準備上機, 等轉機, 或者到港等主人接既動物都會留係入面, 裡面有空調同埋相對靜既環境. MING SA同豬仔都入過去等上機.
![](“https://googledrive.com/host/0B9pciYoYy_03a3JuRDJfbG4wd3c/jipYOal7s5.6hw1nhc0_wl1TcXjtkaxomvAhcvgsESjBQjQmOcYc3g--/93/l/QYrZfp2D7TyMPQJH2zwBdg.jpg")
今日牲口房好熱鬧, 佢地大部份都係等轉機架, 有貓貓同狗狗. 次毛同福星就係地下.
![](“https://googledrive.com/host/0B9pciYoYy_03a3JuRDJfbG4wd3c/jipYOal7s5.6hw1nhc0_wl1TcXjtkaxomvAhcvgsESjBQjQmOcYc3g--/99/l/D7ImrcPqU7B1F_Ae5YbG3w.jpg")
間房入面仲有兩隻雪橇架, 睇黎用木箱又好似幾好咁喎, 尺寸有彈性好多. 長濶高都岩岩好運費唔使俾多.
![](“https://googledrive.com/host/0B9pciYoYy_03a3JuRDJfbG4wd3c/jipYOal7s5.6hw1nhc0_wl1TcXjtkaxomvAhcvgsESjBQjQmOcYc3g--/94/l/TXozUGoeAzQm7VG2X3qLHg.jpg")
好啦, 要解釋點解我地打屎都唔開籠門又點解要落咁多索帶啦.
依個就係我地由機場返屋企第一時間用既野,
下面黃色果條就係今朝壯烈犧牲果兩條既限量版OCOY LIVESTRONG手帶其中一條.
![](“https://googledrive.com/host/0B9pciYoYy_03a3JuRDJfbG4wd3c/jipYOal7s5.6hw1nhc0_wl1TcXjtkaxomvAhcvgsESjBQjQmOcYc3g--/97/l/kYjB8nVI5MJC_W2XMmHXGQ.jpg")
睇怕你都估到架啦. 咪就係今朝捉次毛同福星時佢地一貓醒我地每人一啖LAW.
唔怕核凸想睇清楚D個傷口就CLICK入去 : 圖一, 圖二
![](“https://googledrive.com/host/0B9pciYoYy_03a3JuRDJfbG4wd3c/jipYOal7s5.6hw1nhc0_wl1TcXjtkaxomvAhcvgsESjBQjQmOcYc3g--/6/l/CBSOVEiwjs1tdym68HFyOQ.jpg")
哎呀... 有無食消炎葯呀？ [版主回覆08/05/2009 21:45:00]無呀, 發炎先算啦.
回覆刪除圖二隻手係邊個架？ 圖一好慘呀... [版主回覆08/05/2009 21:45:00]圖二雙手我既, 圖一OSCAR, 佢依期雙手多災多難...
回覆刪除佢哋咬你哋呀? [版主回覆08/05/2009 23:09:00]驚到傻左, 次毛仲要逃亡時碰跌左個水煲攪到成身濕曬, 唔驚就有鬼啦.
回覆刪除十指痛歸心，一定仲彭彭聲痛 [版主回覆08/05/2009 23:09:00]好明顯你有類似經驗
回覆刪除明啦, 貓的殺傷力~~~ [版主回覆08/05/2009 23:08:00]貓貓只係極度恐慌之下保護之已, 佢地無惡意.
回覆刪除痛 [版主回覆08/05/2009 23:09:00]豬仔爸話痛都應該係好痛
回覆刪除係呀佢哋太驚冇心架 , 記得日日洗傷口, 會快啲好架 [版主回覆08/06/2009 21:56:00]梗係知佢地無心啦, 傷口我梗係希望豬仔爸會乖乖咁日日洗.
回覆刪除咬得都好深,食定消炎葯好d.終於都完成渡假屋任務.可以鬆一口氣喇. [版主回覆08/06/2009 21:58:00]吓村狗傷左先會食定消炎葯架喎
回覆刪除抽水 ee, 記得勤 d 洗傷口呀. 另外你真係超級超級好人, 成日幫人同 d 貓狗真係好難得架. [版主回覆08/06/2009 21:59:00]我會日日提豬仔爸洗傷口架啦,,, 邊有成日幫人呀, 都係一次兩次咁之麻.
回覆刪除咁核突你都影既，衰鬼~好番d未呀 [版主回覆08/06/2009 22:00:00]OSCAR見到自己隻爛手指好開心咁拎部大機出黎影微距喎. 佢成日都話無事無事, 真係唔知佢好返D未呀.
回覆刪除原來咁大陣仗，辛苦晒呀 [版主回覆08/06/2009 22:01:00]狗狗易控制好多....
回覆刪除狼叫， 。雪橇既血統係咪MIX with狼架? 個o的木箱，我係pet shop見過，內面通常都係裝住husky. 嘩~! 貓貓都咬o甘利害。 痛c啦。 [版主回覆08/06/2009 22:02:00]真係叫到狼咁, 好攪笑架. D木箱睇黎幾好, 不過如果要翻用就要D功夫. 貓貓驚起上黎真係難以估計佢威力架.
回覆刪除豬扒妹: 姐姐, 手手巧番未呀? 小心啊~ [版主回覆08/06/2009 22:03:00]HEHE抽水EE隻手無事呀, 豬仔爸隻手就重傷, 佢會小心架啦.
回覆刪除咁點加水 你可以做託運agency ~ [版主回覆08/06/2009 22:04:00]無兜呀無得加水架啦, 不過個漏斗咪寄埋過去俾佢地回程用. 個漏斗豬仔去遊行果時買落架.
回覆刪除快d好返呀..... 你地咁錫佢地，佢地會知啊!!!!! [版主回覆08/06/2009 22:04:00]咁佢地真係抵錫呀麻.
回覆刪除點呀你．．．嘜"豬仔特警"冇保護你咩 ? 咁仲揸唔揸到車呀, 不過唔駛話我知喇, 你仲有個"豬仔爸司機"嘛 ! [版主回覆08/06/2009 22:05:00]咩呀, 你有無睇清楚邊隻手指係邊個架. 隻手指咪係豬仔爸司機LAW, 佢楂唔到車就叫你黎車我地LAW.
回覆刪除豬仔爸傷得重啲哦 [版主回覆08/06/2009 22:07:00]係呀, 樓下個靚太楂車楂得多眼花呀.
回覆刪除嘩...我唔敢入去睇呀 佢地好狠喎?點解咬到甲都爆埋咁勁架?佢地係咪又係去汶來呀? [版主回覆08/06/2009 22:08:00]豬仔爸都唔係第一次俾貓咬爆甲架啦... 佢地同之前果兩隻狗係一家人黎架, 跟埋去一家團聚呀.
回覆刪除對吾住呀豬仔！！！！！真係吾好意思啦！希望你早日康復啦！ Ming Ming, SA SA:豬爸,我o地鍚返你！ [版主回覆08/06/2009 21:54:00]其實真係好痛，同對上一次捉啡啡時咬傷有得比，所以明白貓貓在生死悠關時一定會咁，絕對唔會嬲福星，過後仲諗，he just reminds me my dearest Fai Fai, thanks。
回覆刪除好痛呀! [版主回覆08/07/2009 00:04:00]唔痛就呃你既。
回覆刪除咬得都巧勁喎 , 豬仔同二妹鍚返你哋 , 好快冇事 . [版主回覆08/07/2009 00:05:00]二妹唔倒蛋當幫忙。
回覆刪除好痛呀!!!!!!!!!!!!!!!!!!!!!! [版主回覆08/07/2009 14:07:00]唔痛就呃你既, 不過好快好得返架啦.
回覆刪除痛C呀 , take care! 咁狗極度恐慌之下咪仲勁 [版主回覆08/07/2009 14:08:00]雖然狗狗驚起黎都好勁, 但係狗狗大膽d同埋無驚人呀.
回覆刪除估唔到貓貓咬人係咁勁喎！ [版主回覆08/07/2009 21:49:00]我地從來都唔敢睇少D貓....
回覆刪除嘩，你地咁有經驗識ｐｒｅｐａｒｅ咁多野真係好西利，如果我要送同侉地去移民，一定搞唔掂呀！勁呀，點解要預備咁多冰水既？睇黎貓貓極度驚慌先咬成豬爸咁 保重呢 [版主回覆09/04/2009 09:38:00]因為係貓地狗地既上機過程d水會倒瀉曬, 所以雪左冰一路行一路滴就可以keep耐d. 上到機都仲有得飲.
回覆刪除