豬仔渡假屋---一路順風

經過幾十個電郵既查詢訂留確認.
經過十幾廿個網站既參考資料睇完又睇.
經過電話電郵死唔斷氣問長問短咁查詢
終於所有要準備既野都準備好,
MING MING SASA 順順利利到上左飛機到左汶萊,
而係８／４晚上8點鐘我地亦收到黎自遠方既ＭＩＮＧ　ＭＡ既短訊，
話ＭＩＮＧ－ＳＡ已經安全到步，投進MING MA既懷抱.

出發既情況又點可以唔到大家報導呢.

抽水EE : MINGMING SASA好起身啦, 我地要趕飛機呀.
MINGMING : 乜唔係打風咩.
抽水EE : 打你個頭, 你地D行李執好曬啦, 我地十一點要到機場CEHCK IN, 貨VAN都到左村口啦, 等你地兩個咋.

話說下書三點機, MING-SA十一點就要到機場超級一號貨運站CHECK IN, 即係我地九點三就要出發去機場啦.

亦都即係話我地晨咁早就要起身準備, 因為大風大雨既關係, 個飛機籠淋到濕曬, 抺乾之後鋪返塊尿墊, 再係度門既下方加返塊鍚腳板, 以防佢地係個籠度伏底訓覺時唔少心條左隻腳出黎發生意外.

再要點齊所有文件, 每個小朋友狗牌, 健康證明書, 針咭, 證明香港六個月內無狂犬病紀錄書, 入口許可證.

仲有陪佢地坐飛機既玩具同佢地至愛既牛趾甲, 綠色既骨頭係MINGMING既, 佢好鍾意玩扯玩具, 星星就係SASA既, 幾好咬口架.

之後就要將之前雪左冰既水樽水兜放入手提冰箱.

MINGMING : 出發去機場!!!!! 你睇我個樣幾精靈.

點都要俾返個GOODBYE KISS你地既, 要等兩年之後先得有抽水喎.

話到無咁快我地就到左一號貨運站啦. 係門口影返張合照先啦, 影完張相兩個人拖住兩隻狗推住兩個飛機籠同一個冰箱, 倒瀉籮蟹咁上去CHECK IN啦. 好彩無落雨咋.

依度就係HAS既辦公室, 汶萊皇家般空既貨運就係依度辨手續.
不得不提HAS既ANTHONY哥哥同RBA既ADA姐姐, 佢地兩個真係超專業超好人超HELPFUL!!!! 無論電話電郵既溝通都係又快又有耐性又有禮貌. 十個讚.

去到辦公室門口, 掛好曬D水樽, MING SA要入籠啦.

貨運公司既KATHY姐姐幫我地辦手續, 每個飛機籠都要貼相關既貼紙. AIRWAYBILL#, LIVE ANIMAL, THIS WAY UP一共三款.

之後就貼埋我地預先準備好既狗糧, 頸帶拖帶, 寄件收件人資料.

仲加埋MINGMINGSASA既張相上去, 等工作人員見到佢可愛樣都唔使驚, 對佢地好D, 上面有埋佢地個名, 方便同佢地傾計同打招呼.

SASA入到飛機籠第一件時就攬住件牛趾甲咬咬咬咬....

明明飲啖水之後就無乜好做, 訓住等....

之後我地就要坐升降機去地下貨運中心. MING SA沿途好多FANS, 個個都話佢地得意, 連KATHY姐姐都讚佢地.

好啦, 進入貨運中心啦. 好彩HAS有車仔借俾我地....

SASA先行過磅.
MINGMING : SASA你唔好整爆個磅呀, 我未過磅架.

磅完仲要度體程. 格仔衫個叔叔話佢都去過汶萊, 果度有好靚既沙灘, MING SA你地有排嘆啦.

攪完一輪, MING SA就入左佢地既特別候機室, 裡面有空調仲有雙門設計, 所有等上機既LIVE ANIMAL都會係依度等到差唔多時間先出停機坪, 今日候機室入面除左MING SA之外, 佢地身後既木箱住左好多倉鼠呀.

趕得切係掛八號風球之前, 飛機起飛啦.

MING SA 兩年後再見.
MING MA等緊你出BLOG.