廣角鏡還有另一個用途

事緣blog主又要出差，又事緣星期天仔仔豬豬出城約左其他狗狗social下，結果影左張相，未經擁有者同意先在下面貼出來

冇錯la，紅色帶果隻就係朋友仔，其實係個幾月前朋友好心在村後的一胎狗仔中取去領養的嘟嘟，佢實際只有五六個月大，不過我睇到張相嚇左一驚，點解咁大隻，同仔仔一樣大？

我個心諗到個原因，可惜張相的EXIF資料清除左，唔知拍攝時用的鏡頭焦距，惟有當自己O岩la。

睇下下面兩張相：

你估個波有幾大？驟眼睇落去，佢比起後面架巴士還要高，真係一個大波，不過若果數下地面的階磚，你會發覺直徑都係三個階磚左右，果種階磚八吋一塊，咁個波最大只不過兩呎直徑，點解睇起黎咁大？

查實上面第一張相係用14mm超廣角鏡在D70上影，計番比律，乘1.5，相當於135機的21mm左右，第二張就係同一個14mm鏡放在全片幅的FM2菲林機影同一景的結果，14mm或21mm是超廣角或起碼廣角的鏡頭，一般來說，若果你架相機有變焦你幾時會推到最wide的一邊呢，我自己就百份之九十九時間是用大家照大合照時人太多自己又唔想走遠D所以推wide架機黎影，我估好多其他人都係好似我咁用wide angle的，這個用法其實係廣角鏡的一個主要用途，就是把最多的東西納入畫面內，直覺上，我估好多人都好似我咁用最wide的一端去影風景的。

就好似下面兩張相咁，只要站在街角，就可以把附近的建築物都拍下來。

但是，廣角鏡還可以有別一個表現手法，睇下相先：

朶花係咪好大呢？好似用微距影的，不過又不是，實際是用超廣角鏡影的，超廣角鏡的特色是背景的景物好縮到好細，所以背景包含好多畫面，就如我們一般用廣角鏡的用法一樣，不過，非常接近的物體又不會縮細，所以上面的黃花很大朶的佔去大部份畫面，這種前景大而後景細的效果，我們叫做強他的透視效果，會把前景從後景中分出來。

所以，這些廣角鏡要好小心用，因為會造成不舒服的變形，就像下面的黑仔的腳大得令人不舒服呢：

好了，回頭說第一張嘟嘟的相了，我估計當時影的是用24mm廣角端來影的，由於嘟嘟靠近鏡頭，所以是前景，因而比較遠作背景的仔仔放大率大，變成兩隻狗狗差不大。如果相片的主人看到，不妨查查你原相的exif資料，告訴我們鏡頭那時的焦距是多少。

好了，下次好好的用你的相機的廣角端來拍出一些效果特別的照片吧，不要老是以為推wide就只是想影多一點的場景呢。