有關之前的報導，請看小白熊BB尋家!!!
昨日帶一個有心人去看幾隻小白熊，不過他懷疑她們都是女的，但他想要個男，結果無功而還；今日再去，結果最討人歡心的給收養了，而家佢叫BB，而我們會帶三隻去西貢，給在那裡的朋友在聖誕節期間做路展，希望有人會收養他們。所以我們也順便帶走三隻，回家替她們沖涼和清理一下，也了解她們的性格。現在三個小朋友已經很開心的住在一個細細的狗籠內，因為未清楚他們是否沒有傳染病，還是狠心不把他們放入屋內，但Olive已經不停在門外陪她們玩了。 下面是她們寫給BB姐姐的信，聖誕的意義是我們有一個大的喜訊，希望這些可憐的小朋友也同樣擁有一個大喜訊。
BB姐姐，好羡慕你呀，我地今日一齊玩，點知你話咁快就比人睇中左，有媽咪有Daddy有哥哥，而我地會努力，我地三個都算好彩，仲有機會去西貢做路展，睇下有冇人會收養我地，剩底兩個弟妹，佢地唔知幾時先有機會。
BB姐姐，你找到幸福時個畫面，我成世都唔會忘記↓
我地依家跟住姐姐，希望可以搵到個好心的人收留↓
我地三個等緊熱水沖涼時影的，其實，我也都好乖好靚。↓
我地終於可以沖涼，一生狗第一次，兩個妹妹好驚，我就大膽好多↓
我地暫時住好細間屋，不過有水有食有毯，仲有蚊香，同地盤比已經是天堂了。↓
但係我心裡面都係好擔心，唔知有冇人會收養我地三個 ↓
三隻等待幸福的小白熊上
-----------------------
她們已經有玩具了
不過，Olive還是把她們放進浴室內方便照顧
祝你哋有個快樂聖誕。又或者平安夜，有三位東方博士帶你哋番佢哋溫暖的家。 [版主回覆12/23/2007 21:24:00]...依家有三個東方黎既狗狗俾我地帶左返屋企沖涼... 等人收養呀.
回覆刪除希望三小熊可於聖誕節沽清!咁就真係聖誕快樂啦! [版主回覆12/23/2007 21:23:00]...我好貪心, 希望唔止三隻可以聖誕沽清. 地盤仲有兩隻陪狗媽咪過聖誕, 送左三隻仲有兩隻呀. 美麗媽, 星媽, 多謝曬你地幫忙.
回覆刪除小白熊三寶咁可愛，唔洗擔心佢地一定會搵到一個溫暖gei家過一個快樂gei聖誕ga~ 所有小寶寶都好平易近人好乖ga，手快有手慢無la~ [版主回覆12/23/2007 21:57:00]又抱又攬仲要錫人. 仲痴身過仔仔豬豬...
回覆刪除太好啦!! 幸福到爆丫!! [版主回覆12/23/2007 22:13:00]同嘟嘟花花一樣甘幸福
回覆刪除如果係女仔的話....我可以同屋企人傾吓.....因為我地都想養多隻女仔.....但係要睇吓時機......事關女仔......好得我屋企人歡心...... [版主回覆12/23/2007 22:13:00]你肯收養佢地就好啦, 留左聯絡方法俾你，你收留言啦 謝謝
回覆刪除小白熊真係好可愛，希望佢地全部都可以搵到好人家啦！ 祝您聖誕快樂啊！ [版主回覆12/24/2007 14:32:00](Empty)
回覆刪除希望呢班狗B好快有個幸福的家～ [版主回覆12/24/2007 14:32:00]謝謝, 佢地會努力架啦
回覆刪除豬仔祝大家聖誕快樂~ 身體健康! 希望三小熊好快有個幸福的家～ [版主回覆12/24/2007 14:31:00](Empty)
回覆刪除佢地實在好靚好靚!!!!佢地一定會有幸福的！！ [版主回覆12/24/2007 14:31:00]佢地好靚好乖好痴人呀.
回覆刪除姐姐，佢地真係好好好好好可愛呀！您都係一樣...係恩朗同媽媽心中，您都是一位可愛的動物守護者！我們真的很敬佩您啊！ 希望有機會去探望牠們吧！請為牠們多拍照留念啊！ 祝姐姐您和家人...仲有3隻小BB，擁有一個充滿愛和溫馨的聖誕節啊！ [版主回覆12/24/2007 14:30:00]恩朗,我地等你同 mami黎探我地呀
回覆刪除有你們的愛心, 小白熊一定可以快快歸家. [版主回覆12/24/2007 14:30:00]承你貴言.
回覆刪除太好了! 幸好有你! 對牠們來說, 這個聖誕真的不太冷呢!!! 希望狗狗們快點被認養呢!!! [版主回覆12/25/2007 23:06:00]三個小朋友都搵到屋企,不過有七天試用期. 今日朋友去地盤捉多隻, 聽日希望有人要埋佢啦.
回覆刪除希望快d 有人收養佢地啦~ 聖誕節應該世上每一個都開心的！ [版主回覆12/26/2007 20:55:00]六隻狗有五隻出左貨, 仲有一個靚仔等緊屋企.
回覆刪除其實不論明種狗成唐狗，每隻都咁可愛忠心，只要你識唔識養同對佢好唔好 我都好鐘意養唐狗，又唔駛錢又易養，可惜我屋企養唔到咁大隻狗 [版主回覆12/26/2007 20:58:00]係呀所有生命都有其獨特可愛之處. 養唔到狗唔係問題, 專重同支持狗隻己經很好, 狗狗在香港真係無乜地位.
回覆刪除希望快啲有好心人啦
回覆刪除仲有冇?我有心領養一隻架^^唔該!!我中意唐狗架!不過真系係地盤到捉過,捉5到ㄒ.ㄒ”....點联絡你? [版主回覆06/30/2009 06:18:00]依家仲有二妹等緊屋企 我留左電話係你個BLOG度
回覆刪除